USD 335.71 EUR 357.36 RUB 5.23
استانا:

قازاقستاندا 3 ملن توننادان استام ارپا جينالدى

قازاقستاندا بۇگىنگى كۇنگە دەيىن 3263،6 مىڭ توننا ارپا جينالدى. بۇل الدىڭعى جىلدىڭ وسى كەزەڭدەگى ونىمىمەن الىستىرعاندا 594 مىڭ تونناعا ارتىق، دەپ حابارلايدى baq.kz قر اشم ٴباسپاسوز قىزمەتى.

اعىمداعى جىلى ارپا 1 897،2 مىڭ گا القاپقا ەگىلدى. قازىرگى كەزدە 99،6 % القاپ قامتىلدى. بيىلعى ورتاشا تۇسىمدىلىك 1 گا 17،3 سەنتنەردى قۇراپ وتىر.

سالىستىرۋ ٴۇشىن: 2015 جىلى تۇسىمدىلىك 1 گا 13،5 سەنتنەردى قۇرادى. سونىمەن قاتار، رەسپۋبليكا بويىنشا قاراقۇمىق جيناۋ ناۋقانى اياقتالدى.

قورىتىندىلاي كەلگەندە، شارۋالار وسى ٴونىم ٴتۇرىنىڭ 100 مىڭ تونناسىن باستىردى. تۇسىمدىلىك 1 گا 10،1 سەنتنەردى قۇرادى.

ايتا كەتەيىك، ەلىمىزدىڭ 7 وبلىسىندا شارۋالار قاراقۇمىق ەگۋمەن اينالىسادى. نەگىزىندە رەسپۋبليكانىڭ سولتۇستىك وڭىرلەرىندە وسىرىلەدى. تاعى ٴبىر ايتا كەتەرلىك جايت، قر اۋىل شارۋاشىلىعىنىڭ ٴبىرىنشى ۆيسە-مينيسترى ق.ايتۋعانوۆ ۇكىمەت وتىرىسىندا كەلەشەكتە ەگىس القاپتارىنىڭ قۇرىلىمىندا ايتارلىقتاي وزگەرىستەر بولاتىنىن ەسكەرتكەن ەدى. الداعى جىلدارى ەگىس القاپتارىنداعى استىق كولەمى 2 ملن. گا ازايىپ، مايلى داقىلدار ەگىسىنىڭ اۋقىمى ارتادى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي