BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

ەنەرگەتيكا مينيسترلىگى فەرمەرلەردىڭ شاعىمىنا جاۋاپ بەردى

فوتو: ОКҚ

وسىعان دەيىن باق-تا استىق ٴونىمىن جيناۋعا دايىندالىپ جاتقان شارۋالار ديزەل وتىنىنىڭ قىمباتتاعانىن ايتىپ، شاعىمدانعانى تۋرالى اقپارات جاريالانعان. فەرمەرلەردىڭ شاعىمىنا قر ەنەرگەتيكا ۆيسە-مينيسترى بولات اقشولاقوۆ جاۋاپ بەردى، دەپ حابارلايدى baq.kz ٴتىلشىسى.

الدىمەن ۆيسە-مينيستر ەلدەگى 3 مۇناي وڭدەۋ زاۋىتىنىڭ جۇمىسىنا توقتالدى.

«وسى جىلدىڭ جوسپارىنا سايكەس ەلدەگى ٴۇش مۇناي وڭدەۋ زاۋىتىندا 4،5 ملن توننا ديزەل وتىنى ٴوندىرىلدى. بيىل ٴبىز ٴۇش ٴموز-دى مودەرنيزاسيادان وتكىزدىك. سونداي-اق شىمكەنتتەگى مۇناي وڭدەۋ زاۋىتىن جاڭعىرتۋدىڭ ەكىنشى دەڭگەيىنەن وتكىزگەلى وتىرمىز. بۇل جۇمىس وسى جىلدىڭ كۇزىندە اياقتالادى. وسىلايشا، ٴۇش زاۋىت تولىقتاي جۇمىس ىستەيدى. سوندىقتان ٴبىز زاۋىتتاردىڭ ٴوندىرىس قۋاتىن ارتتىرعالى وتىرمىز. ونىڭ ىشىندە ديزەل وتىنى دا بار»، - دەدى ول وكق-دە وتكەن بريفينگتە.

سونداي-اق بولات اقشولاقوۆ فەرمەرلەرگە ديزەل وتىنىن جەتكىزۋ ماسەلەسىنە توقتالدى.

«ەندى ديزەل وتىنىن اۋىل شارۋاشىلىعى ونىمدەرىن وندىرۋشىلەرگە جەتكىزۋ ماسەلەسىنە توقتالايىن. قازاقستاندا ولارعا ەكى ماۋسىمدا ياعني كوكتەمدە (ەگىس ناۋقانى) كۇزدە (ەگىن ورۋ ناۋقانى) ديزەل وتىنى جەتكىزىلەدى. اۋىل شارۋاشىلىعى مينيسترلىگىندەگى ارىپتەستەرىمىزبەن بىرگە ٴتيىستى ونىمدەردى جەتكىزۋ بويىنشا ماسەلەلەردى ناقتىلايمىز. ونىڭ ىشىندە ديزەل وتىنى دا بار»، - دەدى ۆيسە-مينيستر.

ونىڭ ايتۋىنشا، بيىل كوكتەمگى ەگىن ەگۋ ناۋقانىندا شارۋالارعا 375 مىڭ توننا ديزەل وتىنى بەرىلگەن. ال كۇزگى ەگىن ورۋ ناۋقانىنا 394،4 مىڭ توننا ديزەل وتىنىن بەرۋ جوسپارلانىپ وتىر.

وسى ورايدا بولات اقشولاقوۆ ديزەل وتىنىنىڭ باعاسىن نارىق رەتتەيتىنىن اتاپ ٴوتتى.

«قازىرگى تاڭدا مەملەكەت مۇناي ونىمدەرى مەن ديزەل وتىنىنا باعانى رەتتەمەيدى. باعانى نارىق قالىپتاستىرادى. مەملەكەت ديزەلدىك وتىنعا سۋبسيديا بولمەيدى. ارزانداتىلعان وتىن دەگەن تۇسىنىك جوق. باعانى نارىق رەتتەيدى»، - دەپ تۇيىندەدى ٴسوزىن ۆيسە-مينيستر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي