BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

استىق تاسىمالدايتىن ۆاگون پاركى جەتكىلىكتى – قتج

فوتو: интернеттен

«قازاقستان تەمىر جولى» كومپانياسىندا الەۋمەتتىك-ماڭىزدى جۇكتەردى دەر كەزىندە جەتكىزۋگە قاجەتتى پاركتەر جەتكىلىكتى. بۇل تۋرالى «قتج» اق باسقارما ٴتوراعاسىنىڭ كەڭەسشىسى رۋسلان يمانقۇلوۆ مالىمدەدى، دەپ حابارلايدى baq.kz ٴتىلشىسى.

ەلىمىزدە نەگىزگى استىق وندىرۋشىلەر – سقو، قوستاناي، اقمولا وبلىستارى.

«قتج» استىقتى تولىق كولەمدە تاسىمالداۋعا، كليەنتتەردىڭ تاپسىرىستارىن ورىنداۋدى قامتاماسىز ەتۋگە دايىن. ول ٴۇشىن قاجەتتى ۆاگوندار پاركى جەتكىلىكتى بولىپ وتىر. كومپانيا وڭىرلەردە تاسىمالداۋ پروسەسىنە قاتىسۋشىلاردىڭ بارلىعىمەن ٴتيىستى جۇمىستار اتقاردى. جۇك جونەلتەۋشىلەر، ترەيدەرلەر جانە تەمىرجولشىلارمەن بىرگە كۇن سايىن، اپتا سايىن ارنايى كەزدەسۋلەر ٴوتىپ تۇرادى»، - دەپ اتاپ ٴوتتى يمانقۇلوۆ.

ول بيىل كومپانيادا استىقتى تاسىمالداۋدى ۇيىمداستىرۋ جونىندە ارنايى شتاب قۇرىلعانىن ايتا كەتتى. شتاب تاۋلىك بويى قىزمەت اتقارىپ، كەيبىر وڭىرلەردە ماسەلەلەر تۋىنداسا دەر كەزىندە شەشۋگە اتسالىسادى. سونداي-اق، وسى شتابقا ۇقساس تەمىر جول بولىمشەلەرىندە جەدەل استىق ارتۋ توپتارى جۇمىس ىستەيدى.

«رەسپۋبليكا وڭىرلەرىنىڭ بارلىعىندا استىق يەلەرىمەن، ترەيدەرلەرمەن كەزدەسۋلەر ۇيىمداستىرىلۋدا. قازىرگى تاڭدا استىقتى كونتەينەرلەرمەن جونەلتۋ جونىندەگى جاڭا باعىتتار بەلسەندى يگەرىلۋدە. اۋعانستانعا تۇرىكمەنستان اۋماعى ارقىلى جىلجىمالى قۇرامنىڭ قايتارىلۋى مەن اينالىمىن 2-2،5 ەسە ارتتىراتىن استىق جەتكىزۋدىڭ بالاما جولى ازىرلەندى. قازاقستاندىق استىقتى الىس جانە جاقىن شەتەلگە جەتكىزۋگە جەڭىلدىك تاريفتىك جاعداي قاراستىرىلعان. مىسالى اۋعانستان مەن يرانعا جەتكىزىلەتىن استىق پەن ۇن تاسىمالىنا وسىنداي تاريفتىك جاعداي قولدانىلاتىن بولادى. ەلىمىز اۋىل شارۋاشىلىعى ٴونىم وندىرۋشىلەرىنىڭ ونىمدەرىن تاسىمالداۋ ٴۇشىن وزبەكستاندىق ارىپتەستەرمەن وڭتايلى ترافيك جاعداي قۇرۋ تۋرالى كەلىسىلدى. بۇل ترافيك كۇشىنە ەندى»، - دەدى «قتج» ۇك» اق باسقارما ٴتوراعاسىنىڭ كەڭەسشىسى.

ەسكە سالا كەتسەك، «قازاقستان تەمىر جولى» ۇك» اق باسقارما ٴتوراعاسىنىڭ كەڭەسشىسى رۋسلان يمانقۇلوۆ جىل باسىنان بەرى 8 ملن توننا استىق ارتىلعانىن ايتقان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي