BAQ.kz - Қазақстан жаңалықтары USD 341.08 BAQ.kz - Қазақстан жаңалықтары EUR 394.46 BAQ.kz - Қазақстан жаңалықтары RUB 5.37
استانا:

اشقق-نىڭ شارتتارى ٴبىز ٴۇشىن ٴتيىمدى بولىپ وتىر - كاسىپكەر

«اۋىل شارۋاشىلىعىن قارجىلاي قولداۋ قورى» ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ باعدارلاماسى اياسىندا اۋىل تۇرعىندارىن شاعىن نەسيەلەۋدى باستادى، دەپ حابارلايدى baq.kz اقپارات اگەنتتىگى.

پاۆلودار وبلىسىندا ٴسۇت باعىتىنداعى شارۋاشىلىقتار بەلسەندى دامىپ كەلە جاتىر. «اتامۇرا - پاۆلودار» جشس وتكەن جىلى اۋىل شارۋاشىلىعىن قارجىلاي قولداۋ قورىنان جەڭىلدەتىلگەن نەسيە الىپ، تاۋارلى ٴسۇت فەرماسىنا ٴىرى قارا ساتىپ العان بولاتىن. قازىرگى تاڭدا فەرمانىڭ جۇمىسى جولعا قويىلىپ، ٴونىم وڭدەۋشى زاۋىتتارعا جەتكىزىلەدى.

وسىعان دەيىن «اتامۇرا - پاۆلودار» جشس ەت باعىتىنداعى مال شارۋاشىلىعىمەن اينالىساتىن. ەندى قوسىمشا ٴسۇت باعىتىن دا دامىتۋدا. «ىرىس» باعدارلاماسىمەن العان نەسيەلىك قارجىعا ٴىرى قارانىڭ 100 باسىن، قاجەتتى تەحنيكا مەن قۇرالداردى ساتىپ العان.

"اسىل تۇقىمدى مال باسىنان ٴتول الدىق، ٴسۇتتى وڭدەۋ زاۋىتتارىنا تاپسىرامىز. ەندىگى ماسەلە - قايتا وڭدەۋ جەلىنى وزىمىزدە ورناتۋ. ٴسۇت جانە باسقا دا تاۋارلى ونىمدەردى شىعارۋ ٴۇشىن جەلىنى ساتىپ الۋ ٴۇشىن قارجىنى وسى قوردان الساق دەيمىن. سەبەبى، قوردىڭ شارتتارى ٴتيىمدى، بىزگە وتە ىڭعايلى" - دەيدى «اتامۇرا - پاۆلودار» جشس باسشىسى اسقار بيماعامبەتوۆ.

وسى جىلى ناتيجەلى جۇمىسپەن قامتۋ باعدارلاماسى اياسىندا العاش رەت نەسيە بەرىلدى. نەسيەنىڭ سوماسى – 4 ميلليون تەڭگەگە دەيىن، جىلدىق ۇستەمە مولشەرى - 6 پايىز، مەرزىمى – 7 جىلعا دەيىن. مۇنداي شارتتار ٴوز بيزنەسىن ەندى اشامىن جانە بيزنەستى كەڭەيتەمىن دەگەن اۋىل تۇرعىندارىنا ٴتيىمدى. كەشە ٴوز ٴوزىن جۇمىسپەن قامتىعان ازاماتتار فەرمەرلىك شارۋاشىلىق اشىپ، ٴوز ٴىسىن دومالاتۋدا.

قۋانىشبەك ٴتۇسىپوۆ – «جۇلدىز» فەرمەرلىك شارۋاشىلىعىنىڭ باسشىسى. بۇگىن بۇل شارۋاشىلىقتا 60-تان استام مال باسى بار. وسى جىلى تابىندى وسىرەمىن دەپ، نەسيە الماقشى. «بيزنەس باستاۋ» كۋرستارىنان ٴوتىپ، قۇجاتتاردى جيناپ، قوردىڭ قارجىلاندىرۋ تۋرالى شەشىمىن الدى. كەشە عانا نەسيە الۋ تۋرالى كەلىسىم-شارتقا قويعان كاسىپكەردىڭ شوتىنا نەسيەلىك قارجى اۋدارىلىپ تا قويدى.

"ەكى ايعا جەتەر-جەتپەس ۋاقىتتا نەسيە الدىم. 4 ملن تەڭگەگە 16 مال باسىن ساتىپ الامىن. شارتتارى وتە ٴتيىمدى: مەرزىمى ۇزاق، ال پايىزى تومەن. ٴبىر جىل – جەڭىلدەتىلگەن مەرزىم. بۇل ۋاقىتتىڭ ىشىندە بۇقالاردى ٴوسىرىپ، ونى ساتىپ، پايدا الۋعا بولادى. كەپىلدىككە ٴوز ٴۇيىمدى قويدىم. جاقىن بولاشاقتا تاعى ٴبىر نەسيە الىپ، ەتتى باعىتتاعى شەتەلدىك مال باسىن ساتىپ الامىن دەگەن جوسپار بار" - دەيدى «جۇلدىز» فەرمەرلىك شارۋاشىلىعىنىڭ باسشىسى قۋانىشبەك ٴتۇسىپوۆ.

مەملەكەت باسشىسىنىڭ «5 الەۋمەتتىك باستاماسىنا» سايكەس، وسى جىلى شاعىن نەسيەلەۋدىڭ كولەمى 20 ميلليارد تەڭگەگە ۇلعايدى. وسىمەن، كاسىپكەرلەرگە بيىل 62 ميلليارد تەڭگە بولىنەتىن بولدى.

"نەسيەلىك قارجىنىڭ ارقاسىندا كەشە جۇمىسسىز جۇرگەن، نەمەسە ٴوز ٴوزىن جۇمىسپەن قامتىعان اۋىل تۇرعىندارى ٴوز شارۋاشىلىعىن اشۋعا، كەڭەيتۋگە مۇمكىندىك الىپ، مال باسىن وسىرۋدە. وتكەن جىلى قوردىڭ پاۆلودار وبلىستىق فيليالى 2 ملرد. تەڭگەگە 480 نەسيە بەردى. ونىڭ ىشىندە ناتيجەلى جۇمىسپەن قامتۋ باعدارلاماسى اياسىندا جانە جۇمىسپەن قامتۋ جول كارتاسى بويىنشا قايتارىلعان قارجىعا 543 ملن تەڭگەگە 157 شاعىن نەسيە بەرىلدى. بيىل، شاعىن نەسيەلەۋ كولەمىنىنىڭ ٴوسۋىن ەسكەرسەك، وبلىس تۇرعىندارىنا 1،6 ملرد تەڭگە بەرىلەدى، ونىڭ ىشىندە ناتيجەلى جۇمىسپەن قامتۋ باعدارلاماسى اياسىندا – 700 ملن تەڭگە" - دەيدى «اۋىل شارۋاشىلىعىن قارجىلاي قولداۋ قورى» اق پاۆلودار وبلىسى فيليالىنىڭ ديرەكتورى سايرا ىقىلاسوۆا.

اۋىل شارۋاشىلىعى باسقارماسى ٴبولىم باستىعى نۇرالى قابيەۆتىڭ ايتۋىنشا، وبلىس بويىنشا اتالعان باعدارلاما ارقىلى 1،8 ملرد تەڭگە شاعىن نەسيەلەۋگە باعىتتالاتىن بولادى.

جالپى، رەسپۋبليكا كولەمىندە اۋىل شارۋاشىلىعىن قارجىلاي قولداۋ قورى ارقىلى بارلىق قارجى كوزدەرىنەن 43،4 ميلليارد تەڭگەگە نەسيەلەۋ جوسپارلانعان. ونىڭ ىشىندە ناتيجەلى جۇمىسپەن قامتۋ باعدارلاماسى بويىنشا (بۇرىن بەرىلگەن نەسيەلەر بويىنشا قايتارىلعان قارجىنى قوسقاندا) 26،7 ملرد تەڭگە بەرىلەدى دەپ جوسپارلانعان.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي