BAQ.kz - Қазақстан жаңалықтары USD 369.35 BAQ.kz - Қазақстан жаңалықтары EUR 421.47 BAQ.kz - Қазақстан жаңалықтары RUB 5.57
استانا:

اگروونەركاسىپتىك كەشەن: سۋبسيديالار سانى قىسقارادى

baq.kz ٴتىلشىسى. بۇگىن ۇكىمەت وتىرىسىندا اۋىل شارۋاشىلىعى ۆيسە-مينيسترى ارمان ەۆنيەۆ اگروونەركاسىپتىك كەشەندى دامىتۋدىڭ 2017–2021 جىلدارعا ارنالعان مەملەكەتتىك باعدارلاماسىن ىسكە اسىرۋ جونىندە ەسەپ بەردى.

اگروونەركاسىپتىك كەشەن سۋبەكتىلەرىن قارجىلاندىرۋ قولجەتىمدىلىگىن ارتتىرۋ ٴۇشىن 8 ناقتى شارا كوزدەلگەن.

«2018 جىلى نەگىزگى قۇرالدارعا ارنالعان كرەديتتەر بويىنشا سىياقى مولشەرلەمەلەرىن سۋبسيديالاۋ، سونداي-اق اۋىل شارۋاشىلىعى تەحنيكالارى مەن جانۋارلارىنىڭ ليزينگى قالپىنا كەلتىرىلدى. بيىل 10 ايدا 50 ملرد تەڭگەدەن استام 2752 بىرلىك تەحنيكانى ليزينگكە الۋ مۇمكىن بولدى. وتكەن جىلمەن سالىستىراتىن بولساق 40 ملرد تەڭگەگە، نەمەسە 20 پايىزعا تومەن 2400 تەحنيكا بەرىلدى. باعدارالما اعىمداعى جىلدىڭ ەكىنشى جارتى جىلدىعىندا ىسكە اسىرىلا باستاعانىن ەسكەرسەك، بۇل – جاقسى ناتيجە. جالپى 2018 جىلى ليزينگ باعدارلاماسىنا 60 ملرد تەڭگەگە دەيىن قارجى باعىتتاۋ جوسپارلانىپ وتىر»، - دەپ ايتتى ەۆنيەۆ.

اۋىل شارۋاشىلىعى ۆيسە-مينيسترى ينۆەستيسيالىق سۋبسيديالاۋ بويىنشا تاسىلدەمەلەر وزگەرتىلگەنىن، ەندى ينۆەستيسيالىق سالىمداردى وتەۋ ۇلەسى بارلىق پاسپورتتار بويىنشا 25 پايىز بولىپ بەلگىلەنگەنىن اتاپ ٴوتتى. تەك جايىلىمداردى سۋلاندىرۋ ينفراقۇرىلىمىن قۇرۋ جوبالارى بويىنشا وتەۋ پايىزى 80 پايىز دەڭگەيىندە ساقتالاتىن بولادى جانە بۇل جاڭا ينۆەستيسيالىق جوبالارعا باستاما جاساۋعا سەرپىن بەردى.

«ەگەر بىلتىر «قازاگرو» جەلىسى بويىنشا 45 ملرد تەڭگەگە 40 ٴىرى ينۆەستيسيالىق جوبا ماقۇلدانسا، ال بيىل جىل باسىنان بەرى قۇنى 104،5 ملرد تەڭگە 76 جوبا ماقۇلداندى»، - دەدى ۆيسە-مينيستر.

ەۆنيەۆ مەملەكەتتىك قولداۋ شارالارىنىڭ تيىمدىلىگىن ارتتىرۋ شەڭبەرىندە ٴتيىمسىز سۋبسيديالار سانى قىسقارتىلاتىنىن ايتتى. مۇنداي سۋبسيديالارعا وسىمدىك شارۋاشىلىعىنداعى گەكتارلىق، مال شارۋاشىلىعىنداعى ونىمدىلىكتى سۋبسيديالاۋ جاتقىزىلادى. رەفورمالاۋ قورىتىندىسى بويىنشا 54 سۋبسيديا تۇرىنەن 34 سۋبسيديا قالادى. قالعاندارى بارىنشا وڭتايلاندىرىلىپ، جىل سوڭىنا دەيىن تولىقتاي اۆتوماتتاندىرىلاتىن بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي