BAQ.kz - Қазақстан жаңалықтары USD 361.94 BAQ.kz - Қазақстан жаңалықтары EUR 423.25 BAQ.kz - Қазақстан жаңалықтары RUB 5.4
استانا:

اگرارلىق سەكتورعا قولداۋ كورسەتۋ ٴۇشىن جاڭا شارالار قولعا الىنادى

فوتو: ашық дереккөзден

قازاقستان رەسپۋبليكاسىنىڭ ۇكىمەتى مەن ۇلتتىق بانكى اگرارلىق سەكتوردى قوسىمشا قولداۋدىڭ جاڭا ٴىس-شارالارى تۋرالى بىرلەسكەن مالىمدەمە جاسادى، دەپ حابارلايدى، baq.kz اقپارات اگەنتتىگى.

جاقىن ارادا ۇكىمەت ۇلتتىق ەكونوميكانىڭ اگرارلىق سەكتورىن قولداۋ ٴۇشىن جاڭا ٴىس-شارالاردى ىسكە قوساتىن بولادى.

«ەكونوميكانى جاڭعىرتۋدىڭ ٴۇشىنشى تولقىنى مەن ٴوسىمنىڭ جاڭا مودەلىن قۇرۋدىڭ قازىرگى جاعدايىندا اگروونەركاسىپتىك كەشەننىڭ ماڭىزى ارتا تۇسۋدە. بۇل – ستراتەگيالىق سالا. الەۋەتتى لوكوماتيۆ. ٴبىزدىڭ ماقساتىمىز – الداعى 5 جىلدىڭ ىشىندە اگروونەركاسىپتىك كەشەندەگى ەڭبەك ونىمدىلىگى مەن قايتا وڭدەلگەن ونىمدەر ەكسپورتىن 2،5 ەسەگە ۇلعايتۋ. بۇل ورايدا ٴبىز اۋىل شارۋاشىلىعى تاۋارىن وندىرۋشىلەر ٴۇشىن قارجىلاندىرۋ مەن ٴونىم وتكىزۋ رىنوكتارىنىڭ قولجەتىمدى بولۋىنا جانە ەكسپورتتى دامىتۋعا جۇمىس ىستەۋدەمىز.

سونىمەن بىرگە الەمدىك رىنوكتاعى احۋال تۇراقسىز، جىلدام وزگەرۋدە. ۆاليۋتالىق نەسيە تۇرىندە جۇكتەمەسى بار اگرارلىق سالا سىرتقى سەبەپتەردىڭ اۋىرتپالىعى جاعدايىندا دامۋدا. سوندىقتان ۇكىمەت پەن ۇلتتىق بانك اۋىل شارۋاشىلىعى تاۋارىن وندىرۋشىلەردى جانە بۇكىل اگرارلىق سەكتوردى قولداۋدىڭ قوسىمشا ٴىس-شارالار پاكەتىن دايىندادى»، - دەلىنگەن مالىمدەمەدە.

باستى ماقسات – سالانىڭ سەرپىندى وسۋىنە قاجەتتى جاعداي جاساۋ، جاڭعىرتۋدىڭ قارقىنىن تومەندەتپەۋ، كۇرمەۋى كۇردەلى ماسەلەلەردى شەشۋ.

«ٴىس-شارالاردىڭ ىشىندە اوك كاسىپورىندارىنا تۇسەتىن بورىشتىق جۇكتەمەلەردى ازايتۋعا جانە ولاردىڭ بورىشتىق اۋىرتپالىقتارىن ازايتۋعا ەرەكشە كوڭىل ٴبولىنىپ وتىر»، - دەيدى ماماندار.

ىسكە اسىرۋ تەتىكتەرى - قازاگرو حولدينگىنىڭ تالاپتارىن قايتا قۇرىلىمداۋ جانە دوللارسىزداندىرۋ، اوك دامىتۋدىڭ مەملەكەتتىك باعدارلاماسىنىڭ جاڭا قۇرالدارىن پايدالانۋ.

ايتا كەتەيىك، ٴىس-شارالار پاكەتىندە قارجىلىق ينستيتۋتتاردىڭ، ونىڭ ىشىندە اوك دامىتۋدىڭ باعدارلاماسىن ىسكە اسىرۋ بويىنشا سەرىكتەس-بانكتەردىڭ جۇمىسىنا سەرپىن بەرەتىن ٴبىرقاتار قارجىلىق تەتىكتەر بار.

«سەسنابانك «اگروبيزنەس 2020» باعدارلاماسى مەن كاسىپكەرلىكتى قولداۋعا ارنالعان مەملەكەتتىك باعدارلامالاردىڭ جوبالارىن ىسكە اسىرۋعا بەلسەندى اتسالىسىپ كەلەدى. ونىڭ ۇلەسىنە سالانى نەسيەلەندىرۋدىڭ 65% استامى تيەسىلى. سول سەبەپتەن، «سەسنابانك» «قازاگرو» حولدينگىمەن بىرلەسە وتىرىپ، بەرىلگەن ۆاليۋتالىق نەسيەلەر مەن قارىزداردى قايتا قارجىلاندىرۋدى جانە ولاردىڭ مەرزىمدەرىن ۇزارتۋ ماسەلەسىن قولعا الدى»، - دەلىنگەن مالىمدەمە ماتىنىندە.

اتاپ ايتقاندا، بۇل جۇمىستار اياسىندا ۇكىمەت پەن ۇلتتىق بانك «سەسنابانكتەن» 450 ملرد. تەڭگەگە اۋىل شارۋاشىلىعى نەسيەلەر پورتفەلىن ساتىپ الۋ تەتىكتەرىن پىسىقتاۋدا. بۇل بانكتەن قارىز الۋشى اگروونەركاسىپتىك سەكتور كاسىپورىندارىن قارجىلىق ساۋىقتىرۋدى قامتاماسىز ەتۋگە مۇمكىندىك بەرەدى، سونداي-اق «سەسنابانكتىڭ» قارجىلىق تۇراقتالىعىن نىعايتادى. «سەسنابانكتىڭ» اكسيونەرلەرى بانكتى كاپيتالداندىرۋ ارقىلى جەكە قاراجاتتارى ەسەبىنەن قارىز الۋشىلاردى ساۋىقتىرۋعا قاتىسادى.

«بۇل شارالاردى ىسكە اسىرۋ وتاندىق اۋىل شارۋاشىلىعى ونىمدەرىن وندىرۋشىلەردىڭ مۇددەسىن قورعايدى، نەسيەلەندىرۋدىڭ كولەمىن ارتتىرادى جانە اگرارلىق سەكتوردى جاڭعىرتۋ ساياساتىنا قولداۋ جاسايدى»، - دەلىنگەن مالىمدەمەنىڭ قورىتىندىسىندا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي