BAQ.kz - Қазақстан жаңалықтары USD 346.68 BAQ.kz - Қазақстан жаңалықтары EUR 404.02 BAQ.kz - Қазақстан жаңалықтары RUB 5.47
استانا:

جاستار جەڭىل ماماندىقتاردى تاڭداۋعا تىرىسادى – ٴلايلا سۇلتانقىزى

بۇگىن استانادا ٴحى استانا ەكونوميكالىق فورۋمىن وتكىزۋ اياسىندا «اەف-كە بارامىن» رەسپۋبليكالىق بايقاۋى جەڭىپازدارىنىڭ ەسىمدەرى بەلگىلى بولدى، دەپ حابارلايدى baq.kz ٴتىلشىسى.

بايقاۋ ەرەجەسىنە سايكەس الەۋمەتتىك جەلىنى پايدالانۋشىلار جەكە اككاۋنتتارىندا فورۋمنىڭ رەسمي حەشتەگتەرىمەن «اەف-كە نەلىكتەن بارعىسى كەلەتىنىن» جازىپ نەمەسە اتالعان تاقىرىپتا بەينەروليك ٴتۇسىرىپ، ونى جەلىدە جاريالاۋ قاجەت بولعان.

«اەف-كە بارامىن» رەسپۋبليكالىق بايقاۋى 4-15 مامىر ارالىعىندا ۇيىمداستىرىلدى. ناتيجەسىندە قازىلار القاسى ۇزدىك بەس جۇمىستى ىرىكتەپ الىپ، بۇگىن استانادا ولاردى ماراپاتتادى.

بايقاۋدا حالىقارالىق بيزنەس جانە كوممۋنيكاسيا كوللەدجىنىڭ ستۋدەنتى ايگەرىم تاسبولات (الماتى قالاسى)، «جاس وتان» جاستار قاناتىنىڭ وكىلى ايگەرىم سەرىكجانوۆا (استانا قالاسى)، وڭتۇستىك قازاقستان وبلىسىنداعى ميراس ۋنيۆەرسيتەتىنىڭ ستۋدەنتى سونار ەرجان، قازاق مەملەكەتتىك قىزدار پەداگوگيكالىق ۋنيۆەرسيتەتىنىڭ وقىتۋشىسى، phd دوكتورى شايحيسلام لايسحانوۆ (الماتى قالاسى)، وڭتۇستىك قازاقستان مەملەكەتتىك پەداگوگيكالىق ۋنيۆەرسيتەتىنىڭ ستۋدەنتى ناديرا سىرلىبايەۆا جەڭىسكە جەتتى.

ەندى ولار استانا ەكونوميكالىق فورۋمىنا تەگىن قاتىسىپ، ٴارى فورۋم سپيكەرلەرىنىڭ بىرىمەن فوتوعا تۇسە الادى.

وسى ورايدا جەڭىمپازداردى ماراپاتتاۋعا كەلگەن تانىمال قازاقستاندىق تەلەجۇرگىزۋشى ٴلايلا سۇلتانقىزى اتالعان فورۋمنىڭ جاستار ٴۇشىن ماڭىزدى ەكەنىن اتاپ ٴوتتى.

«استانا ەكونوميكالىق فورۋمى سياقتى باسقوسۋلار جاستارعا كەرەك. نەگە؟ سەبەبى، قازىرگى ۋاقىتتا ولار ٴارتۇرلى سالالارعا قىزىعادى. ٴبىراق ولارعا «بولاشاقتا كىم بولعىڭ كەلەدى؟» دەگەن سۇراقتى قويساڭ، جاستار «عالىم بولامىن نەمەسە الەم ٴۇشىن ماڭىزدى ٴبىر جاڭالىق اشامىن» دەگەننەن گورى جەڭىل ماماندىقتاردى تاڭداۋعا تىرىسادى. مەنىڭ ويىمشا، بۇل – ۋاقىتشا قۇبىلىس. ويتكەنى، ۋاقىت وتە كەلە ٴبارىمىز عىلىمعا، جاڭالىق اشۋعا ۇمتىلاتىنىمىز ايدان انىق»، - دەدى تەلەجۇرگىزۋشى.

وسى ورايدا ٴلايلا سۇلتانقىزى قازىرگى تاڭدا مەملەكەت ستۋدەنتتەر مەن وقۋشىلاردىڭ ٴبىلىم الۋىنا جاعداي جاساپ وتىرعانىن اتاپ ٴوتتى.

«سەبەبى، ەلىمىزدە نازاربايەۆ زياتكەرلىك مەكتەپتەرى جانە باسقا دا ٴبىلىم وردالارىندا اشىلدى. ونداعى جاس جەتكىنشەكتەر عىلىمي باعىتقا دەن قويىپ جاتىر. وسى وزگەرىستەردى مەن ٴوز ۇلدارىمنان بايقايمىن. مىسالى، مەنىڭ 11 جاستاعى ۇلىم بار. ٴقازىردىڭ وزىندە ول عىلىمي جوبالارعا قاتىسىپ ٴجۇر. بۇل – جاقسىلىقتىڭ نىشانى. سوندىقتان اەف – جاستارعا ۇلكەن مۇمكىندىك بەرەدى. فورۋم اياسىندا ولار الەمدەگى بەدەلدى تۇلعالارعا ٴوز سۇراقتارىن قويىپ، ٴوز يدەيالارىمەن بولىسە الادى. مەنىڭ ويىمشا، جاستار بۇل مۇمكىندىكتى جىبەرىپ الماۋى كەرەك»، - دەپ تۇيىندەدى ٴسوزىن ول.

ال اتالعان بايقاۋدا جەڭىسكە جەتكەن ايگەرىم سەرىكجانوۆا اەف-تە تالقىعا سالاناتىن، الەم ٴۇشىن ماڭىزدى 11 تاقىرىپتىڭ قايسىسىن تاڭدايتىتنىن جەتكىزدى.

«فۋتۋرولوگتاردىڭ ايتۋىنشا، كەلەشەكتە الەمدە سۋ تاپشىلىعى پايدا بولىپ، ادامدارعا ازىق-تۇلىك جەتىسپەيدى. ٴقازىردىڭ وزىندە دۇنيەجۇزىندەگى كەيبىر ەلدەردە تابيعي بايلىقتار ٴۇشىن سوعىس بولىپ جاتىر. بۇل ماسەلە مەنى قاتتى الاڭداتادى. سوندىقتان مەن فورۋم بارىسىندا وسى ماسەلەگە قاتىستى ساراپشىلاردىڭ پىكىرىن بىلگىم كەلەدى»، - دەدى ول.

سونداي-اق، «اەف-كە بارامىن» بايقاۋىنىڭ تاعى ٴبىر جەڭىمپازى ايگەرىم تاسبولات جاڭا تەحنولوگيالار مەملەكەتتىڭ دامۋىنا پايداسىن تيگىزەتىنىن ايتا كەلە، الەمدەگى سيفرلىق وزگەرىستەر جايلى كوبىرەك بىلگىسى كەلەتىنىن العا تارتتى.

«مەن «سيفرلاندىرۋ الەمى» سەكسياسىنا قاتىسقىم كەلەدى. سەبەبى، مەن تەحنيكالىق ماماندىق بويىنشا ٴبىلىم الىپ جاتىرمىن. بۇل سالاداعى ماسەلەلەر مەن ٴۇشىن قىزىقتى. مىسالى، ٴبىز ەلىمىزدە سيفرلاندىرۋ پروسەسىن جەدەلدەتسەك، ول باسقا سالالارعا قالاي اسەر ەتەدى؟ وسى سۇراق مەنى قاتتى تولعاندىرادى. سونداي-اق، 2020 جىلعا دەيىن دامىعان ەلدەر ٴوز ەكونوميكاسىنىڭ 20%ٴ-ىن سيفرلاندىرماق. نەگە؟ فورۋمدا وسى سۇراقتارعا جاۋاپ تاپقىم كەلەدى»، - دەيدى ستۋدەنت.

ايتا كەتەيىك، ٴحى استانا ەكونوميكالىق فورۋمى 17-19 مامىر ارالىعىندا ەلوردادا وتەدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي