BAQ.kz - Қазақстан жаңалықтары USD 346.68 BAQ.kz - Қазақстан жаңалықтары EUR 404.02 BAQ.kz - Қазақстан жаңалықтары RUB 5.47
استانا:

جاساندى ينتەللەكت الەم ەكونوميكاسىن 16 ترلن دوللارعا ارتتىرادى – نازاربايەۆ

فوتو: Нұржас Жақсыбай

2030 جىلعا قاراي جاساندى ينتەللەكت الەمدىك ەكونوميكانى 16 ترلن دوللارعا ارتتىرادى. بۇل جونىندە استانا ەكونوميكالىق فورۋمى: global challenges summit 2018 بارىسىندا قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ مالىمدەدى، دەپ حابارلايدى baq.kz ٴتىلشىسى.

«وسىندا وتىرعانداردىڭ كوپشىلىگى ٴۇشىن، ٴبىزدىڭ ازاماتتار ٴۇشىن استانا ەكونوميكالىق فورۋمىنا قاتىسۋ يگى داستۇرگە اينالدى. وسى ٴۇشىن سىزدەرگە ۇلكەن العىسىمدى بىلدىرەمىن. فورۋم ون ٴبىرىنشى رەت الەم ەكونوميكاسى، ينۆەستيسيالار مەن يننوۆاسيالار ماسەلەلەرىن تالقىلاۋعا ارنالعان الاڭعا اينالىپ وتىر. وتكەن جىلعى فورۋمنان بەرى ٴبىز الەمدەگى ۇلكەن وزگەرىستەرگە كۋا بولدىق. مەملەكەتتەر اراسىندا ٴبىر مامىلەگە كەلۋ بارا-بارا قيىنداپ بارادى. قارسىلاستىڭ قاعيدالارى مەن ۇستانىمدارىن تۇسىنۋگە تىرىسپاۋ جانە سەنىمسىزدىك تانىتۋ دا بەلەڭ الۋدا. بۇل الەم ٴۇشىن قيىن كەزەڭ بولىپ تابىلادى. سوندىقتان، وسى قيىندىقتارعا قاتىستى ماسەلەلەردى ٴادىل تالقىلاۋدىڭ ماڭىزى زور. بۇل ادامزات ٴۇشىن ماڭىزدى. سول سەبەپتى، بۇگىنگى فورۋم جاھاندىق سىن-تاۋەكەلدەردىڭ ٴتيىمدى جاۋاپتارىن تابۋعا باعىتتالعان. وسى ماقساتتا تانىمال ماماندار جينالىپ وتىر»، - دەدى پرەزيدەنت.

سونىمەن قاتار، مەملەكەت باسشىسى داۋلار مەن كەلىسپەۋلشىلىكتەر اركەز ادامزات دامۋىمەن بىرگە ەرىپ كەلەتىنىن ايتىپ، الايدا، بۇگىنگى كۇنى شيەلەنىستىڭ ٴورىس الۋىنىڭ سەبەبى تەرەڭدە جاتقانىن اتاپ ٴوتتى.

«بۇگىندە الەم كوز ىلەسپەس جىلدامدىقپەن وزگەرىپ جاتىر. كەزەكتى رەت جول ايىرىعىندا تۇرمىز. قايدا بۇرىلساق، ەرتەڭگى كۇنىمىز دە سوعان بەلگىلى بولادى: دامۋ كەزەڭى مە، الدە توقىراۋ ما. بايقاپ وتىرعان پروسەستەر وبەكتيۆتى، ولار جاھاندىق وزگەرىستەر سالدارىنان تۋىنداپ وتىر. ولاردىڭ سيپاتىن جەرشارى دامۋىنىڭ 5 باستى مەگاترەند ارقىلى اتاپ كورسەتۋگە بولادى. ٴبىرىنشى مەگاترەند – ادامزات جۇمىسىنداعى بارلىق اسپەكتىلەردى سيفرلاندىرۋ. ٴبىزدىڭ كوز الدىمىزدا تەك بيزنەس ەمەس، بۇتىندەي قوعام ٴومىرى سيفرلاندىرىلعان ەكونوميكانىڭ جاڭا مودەلدەرى پايدا بولۋدا. جاڭا تەحنولوگيالاردىڭ سىني كورسەتكىشتەگى كولەمىنە قول جەتكىزۋ بۇعان دەيىن ەلدىڭ باسەكەگە قابىلەتتىلىگىن بەلگىلەيتىن نەگىزگى فاكتورلاردى وزگەرتىپ وتىر. ٴوندىرىستى باقىلاۋشى جانە جاقسارتۋشى وزدىگىنەن ۇيرەنەتىن ينتەللەكتۋالدىق جۇيەلەر قالىپتى قۇبىلىسقا اينالدى. 2030 جىلعا قاراي جاساندى ينتەللەكت الەمدىك ەكونوميكانى 16 ترلن دوللارعا ارتتىرادى. كريپتوۆاليۋتالار فەنومەنى، بلوكچەيندەر تەحنولوگياسى قارجى جۇيەسىنە تۇبەگەيلى وزگەرىستەر الىپ كەلەرى ٴسوزسىز»، - دەدى نازاربايەۆ.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي