BAQ.kz - Қазақстан жаңалықтары USD 327.42 BAQ.kz - Қазақстан жаңалықтары EUR 383.51 BAQ.kz - Қазақстан жаңалықтары RUB 5.29
استانا:

smart تەحنولوگيالار قالالاردىڭ دامۋىنا قالاي اسەر ەتۋدە؟

فوتو: tripwire.com

بىرىككەن ۇلتتار ۇيىمى الداعى 15 جىلدا الەمدە ۋربانيسيزاسيا پروسەسى جەدەلدەيتىنىن مالىمدەدى. بۇگىندە دۇنيەجۇزىندەگى شاھارلاردا 3،5 ملرد ادام قالادا تۇرسا، ال 2050 جىلى بۇل كورسەتكىش ەكى ەسەگە دەيىن ٴوسۋى مۇمكىن. بۇل - كولىك، مەديسينا، كوممۋنالدىق قىزمەتتەرگە سالماق تۇسىرەتىنى انىق. سوندىقتان اتالعان سىن قاتەرگە توتەپ بەرۋ ٴۇشىن دامىعان ەلدەر يننوۆاسيالىق تاجىريبەلەرگە سۇيەنۋدە. سونداي جوبالاردىڭ ٴبىرى – smart city. وسى اپتادا وتەتىن ٴحى استانا ەكونوميكالىق فورۋمىندا الەمدىك كوشباسشىلار، حالىقارالىق ساراپشىلار، ساياساتكەرلەر، ەكونوميستەر، عالىمدار الەم حالقىنىڭ قالاعا ۇدەرە كوشۋى ماسەلەسىن، ونىڭ سالدارىن جانە جاڭا مۇمكىندىكتەرگە جول اشاتىن smart city جوباسىن تالقىعا سالادى. وسى ورايدا baq.kz ٴتىلشىسى smart تەحنولوگيالار قالالاردىڭ دامۋىنا قالاي اسەر ەتىپ جاتقانىن بىلۋگە تىرىستى.

جاڭا تەحنولوگيالار جىلدام ٴوسىپ كەلە جاتقان مەگاپوليستىڭ پروبلەمالارىن ٴتيىمدى شەشۋگە مۇمكىندىك بەرەدى. قر پرەزيدەنتى جانىنداعى قازاقستان ستراتەگيالىق زەرتتەۋلەر ينستيتۋتىنىڭ عىلىمي قىزمەتكەرى سليامجار احمەتجاروۆتىڭ پىكىرىنشە، بۇگىندە دامىعان ەلدەر smart city تۇجىرىمداماسىنا باسا ٴمان بەرىپ وتىر.

«قالالارداعى ماسەلەلەردى شەشۋ ٴۇشىن smart city كونسەپسياسى (smart city، electronic city، safe city) كەڭىنەن تارالۋدا. ونىڭ نەگىزگى ماقساتى – اقپاراتتىق-كوممۋنيكاسيالىق تەحنولوگيالاردى پايدالانۋ ارقىلى بارلىق قالالىق قىزمەتتەردىڭ تيىمدىلىگىن ارتتىرۋ. قازىرگى ۋاقىتتا الەمنىڭ 2500-دەن استام ٴىرى جانە كىشى قالالارى smart city كونسەپسياسىنىڭ ٴارتۇرلى كومپونەنتتەرىن بەلسەندى تۇردە ەنگىزۋدە»، – دەيدى ساراپشى.

وسى جىلدىڭ باسىندا philips lighting كومپانياسى مەن smartcitiesworld ۇيىمى ەڭ «اقىلدى» قالالار ٴتىزىمىنىڭ ەسەبىن جاريالادى. ەسەپتى جاساۋ بارىسىندا 150 ساراپشىنىڭ پىكىرى ەسكەرىلىپتى. ولار شاھاردا جاڭا تەحنولوگيالاردى دامىتۋعا مۇمكىندىك بەرەتىن فاكتورلارعا باسا ٴمان بەرگەن. وسىلايشا، بۇگىندە ەڭ «اقىلدى» قالالار توبىنا سينگاپۋر، بارسەلونا، لوندون كىرگەن.

ساراپشىلاردىڭ شەشىمەن سينگاپۋر بارلىق ساناتتار بويىنشا جوعارى باعاعا يە بولعان. مىسالى، اتالعان قالا-مەملەكەتتە جول جەلىسى وتە جاقسى ويلاستىرىلعان، بۇل كەپتەلىستى ازايتىپ، جۇرگىزۋشىلەرگە جىلىنا 60 ساعاتقا دەيىن ۋاقىتتى ۇنەمدەۋگە مۇمكىندىك بەرگەن.

ٴتىپتى سينگاپۋر قارت ادامداردى دەنساۋلىعىن باقىلاپ وتىراتىن جانە شۇعىل كومەك كەرەك بولعان جاعدايدا قاجەتتى اقپاراتتى ٴتيىستى مەكەمەگە جىبەرەتىن ٴموبيلدى قۇرالدارمەن قامتاماسىز ەتكەن ٴارى مۇندا قۇقىق بۇزۋشىلاردى جەدەل تابۋعا مۇمكىندىك بەرەتىن، بەينەباقىلاۋ جۇيەسى دە ورناتىلعان.

سونداي-اق، «اقىلدى» تەحنولوگيالاردىڭ كومەگىمەن مەگاپوليستەر بيۋدجەت قارجىسىن ۇنەمدەۋدى ۇيرەنىپتى.

مىسالى، لوس-اندجەلەس پەن سان-حوسەدەگى جارىقتاندىرۋ جۇيەسى جەرگىلىكتى بيلىككە 9 ملن دوللار بيۋدجەت قارجىسىن ۇنەمدەۋگە مۇمكىندىك بەرگەن. سونداي-اق، قولدانىسقا ەنگىزىلگەن جارىقتاندىرۋ جۇيەسى وزىندىك قۇنىن 7 جىلدا اقتاپ شىققان

«smart city تەحنولوگيالاردى ەنگىزۋ ارقىلى بيۋدجەتى شاعىن قالالار دا قارجى ۇنەمدەي الادى»، - دەيدى اتالعان زەرتتەۋگە قاتىسقان ساراپشىلار.

تەك ولاردىڭ پىكىرىنشە، مۇندا ەلەكتر ەنەرگياسىن ٴتيىمدى جۇمساي ٴبىلۋ قاجەت. سەبەبى، ستاتيستيكا بويىنشا شاھارلارداعى ەلەكتر ەنەرگياسىنىڭ 50%ٴ-ى كوشەلەردى جارىقتاندىرۋعا جۇمسالادى.

سونىمەن قاتار، الەمدە جاڭا «اقىلدى» قالالاردى سالۋ نەمەسە جاڭا «اقىلدى» اۋداندى تۇرعىزۋ جاڭا تەندەنسياعا يە بولۋدا. الداعى ۋاقىتتا قىتاي xiongan ەكونوميكالىق اۋدانىندا (حەبەي پروۆينسياسى – اۆتور) تازا ەكولوگيالىق قالانى تۇرعىزباق. بۇل جوباعا – baidu كومپانياسى جاۋاپتى.

ٴقازىردىڭ وزىندە قىتاي 290 قالاعا smart city جوباسى كومپونەنتتەرىن ەنگىزىپ ۇلگەرگەن. ساراپشىلاردىڭ بولجامىنشا، 2040 جىلى حالىقارالىق «اقىلدى» قالالار يندۋسترياسىنداعى اقشا اينالىمى 1 ترلن دوللارعا جەتەدى.

اتالعان تەندەنسيادان قازاقستان دا قالىس قالار ەمەس. smart city كونسەپسياسى «سيفرلىق قازاقستان – 2020» مەملەكەتتىك باعدارلاماسىنىڭ ٴبىر بولىگى بولىپ سانالادى. قازىرگى ۋاقىتتا ۇكىمەت smart سity جوباسىن استانا، الماتى، قاراعاندى، شىمكەنت جانە اقتوبە سياقتى ٴىرى قالالاردا بىرتىندەپ ەنگىزۋدى جۇزەگە اسىرۋدا. قازاقستاننىڭ باسقا قالالارىندا دا smart سity جوباسىن بىرتىندەپ ەنگىزۋ جوسپارلانىپ وتىر.

ەلباسى حالىققا ارناعان بيىلعى جولداۋىندا ەلىمىزدەگى شاھارلاردا جاڭا تەحنولوگيالاردى ەنگىزۋ قاجەتتىگىن اتاپ وتكەن.

«smart city تۇجىرىمداماسى مەن قالاعا قونىس اۋداراتىن ادامداردىڭ قۇزىرەتتەرىن دامىتۋ نەگىزىندە قالالىق ورتانى باسقارۋدى كەشەندى تۇردە ەنگىزۋ قاجەت. الەمدە ينۆەستورلار ٴۇشىن قالالار باسەكەگە تۇسەدى دەگەن تۇسىنىك قالىپتاستى. ولار ەلدى ەمەس، جايلى ٴومىر ٴسۇرىپ، جۇمىس ىستەيتىن قالانى تاڭدايدى. سوندىقتان، استانانىڭ تاجىريبەسى نەگىزىندە smart city «ەتالوندى» ستاندارتىن قالىپتاستىرىپ، قازاقستان قالالارى اراسىندا وزىق پراكتيكانى تاراتۋدى جانە تاجىريبە الماسۋ ٴىسىن باستاۋ كەرەك»، - دەدى پرەزيدەنت.

ايتا كەتەيىك، بيىل استانا ەكونوميكالىق فورۋمى 17-19 ماۋسىم ارالىعىندا ەلوردادا وتەدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي