BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

نازاربايەۆ: مەگاپوليستەر ٴداۋىرى كەلە جاتىر

فوتو: Нұржас Жақсыбай

21 عاسىردىڭ ورتاسىندا قالالارداعى حالىقتىڭ 7 ملرد-قا جەتەدى. بۇل – پروسەس جالعاسا بەرەدى. مەگاپوليستەر ٴداۋىرى كەلە جاتىر. ولار ينۆەستيسيا، بىلىكتى ماماندار مەن تەحنولوگيالار ٴۇشىن تارتىسقا تۇسەدى. بۇل تۋرالى ٴحى استانا ەكونوميكالىق فورۋمىندا مەملەكەت باسشىسى نۇرسۇلتان نازاربايەۆ ٴمالىم ەتتى، دەپ حابارلايدى baq.kz ٴتىلشىسى.

جيىندا قازاقستان پرەزيدەنتى حالىقتىڭ جاپپاي قالالارعا قونىستانۋ پروسەسىنە نازار اۋدارۋعا شاقىردى.

«ٴتورتىنشى مەگا ترەند، ۋربانيزاسيا پروسەسىنىڭ قارقىنى مەن سيپاتىنىڭ وزگەرۋى. بۇۇ مالىمەتىنە سايكەس، 21 عاسىردىڭ ورتاسىندا قالالاردا تۇراتىن حالىقتىڭ سانى 7 ملرد-قا جەتەدى. سونداي-اق، ٴىرى اگلومەروسيالاردا حالىقتىڭ كوپتەپ شوعىرلانۋ پروسەسى جالعاسادى. مەگاپوليستەر ٴداۋىرى كەلە جاتىر. ولاردىڭ اراسىندا باسەكەلەستىك پايدا بولادى. مەگاپوليستەر بارلىق جاعدايدى جاساي وتىرىپ، ينۆەستيسيا، اقىلدى، ٴبىلىمدى ادامدار جانە تەحنوگيالار ٴۇشىن تارتىسادى. بۇل – ەكونوميكا ٴۇشىن ماڭىزدى»، - دەدى ەلباسى.

وسى ورايدا نۇرسۇلتان نازاربايەۆ اتالعان وزگەرىستەرگە قاتىستى قازاقستاندا ٴتيىستى جۇمىستار جۇرگىزىلىپ جاتقانىن جەتكىزدى.

«وسى جاعدايدى ەسكەرە قازاقستان اگلومەراسيانى دامىتۋدى ستراتەگياسىن قولعا الدى. ەگەر بىزدە بۇرىن 1 ملن ادام تۇراتىن تەك ٴبىر قالا، ياعني الماتى بولسا، ەندى وعان استانا، شىمكەنت شاھارلارى قوسىلدى. وسىلايشا، بىزدە 3 ميلليونەر قالا بار. بۇل پروسەس جالعاسا بەرەدى. سوندىقتان استانانىڭ 20 جىلدىعىنا وراي جىبەك جولىندا ورنالاسقان ٴىرى قالالاردىڭ فورۋمىن وتكىزەمىز»، - دەدى مەملەكەت باسشىسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي