BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

يسەكەشەۆ: احقو – پوستكەڭەستىك ەلدەر اراسىنداعى العاشقى رەۆوليۋسيا

استانا ٴوتىپ جاتقان ٴحى استانا ەكونوميكالىق فورۋمىندا «باستى جوبالار تۇساۋكەسەرى» پلەنارلىق وتىرىسىندا استانا قالاسىنىڭ اكىمى اسەت يسەكەشەۆ ەلوردانى دامىتۋ ماقساتىندا اتقارىلىپ جاتقان جۇمىستارعا توقتالدى، دەپ حابارلايدى baq.kz اقپارات اگەنتتىگى.

«جاھاندىق قالالاردىڭ قاتارىنا دۋباي نەمەسە سينگاپۋر سەكىلدى قالالاردى ەنگىزۋگە بولادى. ونداي شاھارلاردا اۋەلى ينفراقۇرىلىمنىڭ جوعارى ساپاسى - اۋەجايلار، قوناق ۇيلەر، رەستوراندار، اۋرۋحانالار مەن الەۋمەتتىك نىساندار ايقىن كورىنەدى. سول باعىتتا استانادا ٴبىرشاما نىساندار سالىندى. ەكىنشىدەن، ٴبىز ينۆەستورلاردى قورعاۋدىڭ جوعارى دەڭگەيىنە بەيىمدەلىپ كەلەمىز. جالپى قازاقستاندا ينۆەستورلاردى قورعاۋ ماسەلەسى شەشىلگەن. ٴبىراق، «استانا» حالىقارالىق قارجى ورتالىعىنىڭ سالىنىپ جاتقانىن - پوستكەڭەستىك ەلدەردىڭ ىشىندە رەۆوليۋسيا دەپ ايتۋعا بولادى. بريتاندىق قۇقىقپەن تەك بريتاندىق سۋديالار جۇمىس ىستەيدى. بۇل - وسىندا جۇمىس ىستەۋگە كەلەتىن ينۆەستورلاردىڭ ۇلكەن سەنىمىن قالىپتاسىرادى»، - دەيدى اسەت يسەكەشەەۆ.

ونىڭ ايتۋىنا قاراعاندا قالانى دامىتۋ ٴۇشىن تەك قانا مۇمكىندىكتەر تۋعىزا ٴبىلۋ كەرەك.

«وسى قالادا بىرنەشە ۋنيۆەرسيتەت اشىلادى. ٴبىلىم جۇيەسىندەگى كوشباسشىمىز - نازاربايەۆ ۋنيۆەرسيتەتى بار. ول تولىق كەشەندى قۇرايدى. ەلوردادا الەمدىك دەڭگەيدەگى مەديسينالىق جەلىلەر جۇمىسىن باستايدى. دەمەك، وسىنىڭ ٴبارى استانانى جاھاندىق قالاعا اينالدىرۋدىڭ جولدارى بولىپ ەسەپتەلەدى. كەز كەلگەن ادام استاناعا كەلىپ، ٴوز ۇيىندەگىدەي سەزىنىپ، بيزنەسىن باستاپ نەمەسە ٴبىلىمىن الىپ جۇرۋگە مۇمكىندىگى بولۋى كەرەك - مىنە ٴبىزدىڭ كوزدەپ وتىرعانىمىز وسى. سوندىقتان، الەمنىڭ ٴىرى جەتەكشى قالالارىنىڭ تاجىريبەسىن تەرەڭ زەرتتەۋدەمىز»، - دەيدى اكىم.

اسەت يسەكەشەۆتىڭ ايتۋىنشا، لوندون، ۆەنا، بەرلين سەكىلدى كونە قالالارمەن بىرگە، دۋباي جانە سينگاپۋر سەكىلدى زاماناۋي شاھارلاردىڭ تاجىريبەسى قالالىق اكىمدىك ٴۇشىن ماڭىزدى.

«تۋريزم مەن ٴبىلىم سالاسىنا دا باسا كوڭىل ٴبولىپ وتىرمىز. سوندىقتان، بۇل ۇلكەن پروسەس. ٴبىز ٴاردايىم وقۋ ۇستىندەمىز»، - دەيدى اسەت يسەكەشەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي