BAQ.kz - Қазақстан жаңалықтары USD 346.68 BAQ.kz - Қазақстан жаңалықтары EUR 404.02 BAQ.kz - Қазақстан жаңалықтары RUB 5.47
استانا:

فرانسۋا وللاند: يننوۆاسيالار — ەكونوميكالىق تەڭسىزدىككە قارسى ساياساتتىڭ نەگىزگى باعىتى

فوتو: Бауыржан Жақсыбай

يننوۆاسيالار ەكونوميكالىق تەڭسىزدىككە قارسى ساياساتتىڭ نەگىزگى باعىتى. بۇل جونىندە استانا ەكونوميكالىق فورۋمى: global challenges summit 2018 بارىسىنداعى ەكونوميكالىق تەڭسىزدىك تاقىرىبىنا ارنالعان پانەلدىك سەسسيادا فرانسيانىڭ ەكس-پرەزيدەنتى فرانسۋا وللاند مالىمدەدى، دەپ حابارلايدى baq.kz ٴتىلشىسى.

«تەڭسىزدىك ماسەلەسى دامىعان، دامۋشى جانە كەدەي ەلدەرگە دە قاتىستى جانە بۇل ماسەلە تالقىلاناتىن وزەكتى ماسەلەنىڭ ٴبىرى بولۋى كەرەك. كۇنى بۇگىندە الەمدەگى كوپتەگەن ۇيىمدار ەلدەردە تەڭسىزدىك كوبەيىپ، سونىڭ سالدارىنان كەلىسپەۋشىلىكتەردىڭ ورىن الىپ جاتقانىنا الاڭداۋشىلىق بىلدىرۋدە. بايقاعانىمىزداي، ەۋروپادا ورتا تاپ ٴوز جۇمىستارىنىڭ تابىسىنان قانداي دا ٴبىر يگىلىك كورمەيدى. ال، الدەقايدا كەدەي ەلدەردەگى تەڭسىزدىككە قاتىستى ايتار بولساق، وندا بىزگە دامۋ ساياساتىن دۇرىس ۇيىمداستىرۋ كەرەك. سونداي-اق، ٴبىلىم بەرۋ، دەنساۋلىق ساقتاۋ جانە يننوۆاسيالارعا باسىمدىلىق تانىتۋ كەرەك. يننوۆاسيالار ەكونوميكالىق تەڭسىزدىككە قارسى ساياساتتىڭ نەگىزگى باعىتى بولا الادى. بۇل حالىقتىڭ دامۋىنا ىقپال ەتەدى جانە دامۋشى ەلدەرمەن ارىپتەستىك ورناتۋعا دا سەبەپشى بولادى»، - دەدى فرانسۋا وللاند.

ەكس-پرەزيدەنت ەكونوميكالىق تەڭسىزدىك ساياسي دەباتتاردا تالقىلاناتىن باستى ماسەلە بولۋ كەرەكتىگىن اتاپ ٴوتتى.

«ٴبىز بايقاعانداي، دامىعان ەلدەردە كاسىپورىن باسشىلارى، اكسيونەرلەر مەن جۇمىسشىلار اراسىندا الشاقتىق ٴوسىپ كەلەدى. بۇل كوپتەگەن كاسىپورىننىڭ ەكونوميكالىق ٴوسىمىنىڭ مودەلىنە ىقپال ەتۋى ابدەن مۇمكىن. بۇل فەنومەندى وزگەرتۋ قاجەت. بۇل تابىستى ۇلەستىرۋ كەزىندەگى ۇلكەن ايىرماشىلىقتاردىڭ ورىن الاتىنىن ٴبىلدىرىپ وتىر. سول سەبەپتى، اكسيونەرلەردىڭ تابىسىنا قاتىستى شەكتەۋ قويۋ كەرەك»، - دەگەن ول كەي جاعدايلاردا سالىق ساياساتىنىڭ ٴوزى دە تەڭسىزدىكتىڭ تۋىنداۋىنا سەبەپشى بولاتىنىن ايتتى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي