BAQ.kz - Қазақстан жаңалықтары USD 346.68 BAQ.kz - Қазақстан жаңалықтары EUR 404.02 BAQ.kz - Қазақстан жаңалықтары RUB 5.47
استانا:

نازاربايەۆ جاسىل تەحنولوگيالاردى دامىتۋ تۋرالى: قازاقستان كوشتەن قالعان جوق

فوتو: Нұржас Жақсыбай

قازاقستان الەمدەگى بالامالى ەنەرگەتيكانى دامىتۋ تەندەنسياسىنان تىس قالعان جوق. «ەكسپو-2017» حالىقارالىق كورمەسىن وتكىزۋ ارقىلى مەملەكەت جاسىل تەحنولوگيالاردىڭ بازاسىن قۇرۋعا مۇمكىندىك الدى. بۇل تۋرالى ٴحى استانا ەكونوميكالىق فورۋمىندا مەملەكەت باسشىسى نۇرسۇلتان نازاربايەۆ ٴمالىم ەتتى، دەپ حابارلايدى baq.kz ٴتىلشىسى.

فورۋمدا ەلباسى الەم ەلدەرى نازار اۋدارۋى قاجەت بەس ترەندتتى ايتا كەلە، جاسىل تەحنولوگيالاردى دامىتۋ ماڭىزدى ەكەنىن اتاپ ٴوتتى.

«ەنەرگەتيكالىق توڭكەرىس تازا ەنەرگيانى وندىرۋگە باعىتتالىپ وتىر. 30 جىلدىڭ ىشىندە الەمدەگى بالامالى ەنەرگيا كوزدەرىنەن الىناتىن قۋات كولەمى 13 ەسەگە دەيىن ارتتى. سوڭعى 5 جىلدا كۇن پانەلدەرىنىڭ باعاسى ەكى ەسەگە دەيىن تومەندەدى. ەلەكتر ماشينالارى ٴوندىرىسى ايتارلىقتاي دامىدى. ساراپشىلاردىڭ ايتۋىنشا، ەگەر قازىرگى اۆتوكولىكتەردى ەلەكتر ماشينالارعا اۋىستىرار بولساق، جەردەگى اۋانى تازارتۋعا مۇمكىندىك بەرەدى. ياعني اۋا وسىدان 200 جىل بۇرىنعى دەڭگەيدە بولادى. مۇنى ساراپشىلار ايتىپ وتىر»، - دەدى پرەزيدەنت.

سونىمەن قاتار نۇرسۇلتان نازاربايەۆ قازىرگى تاڭدا تەك قازبا بايلىقتارىنا ٴۇمىت ارتۋ ورىنسىز ەكەنىن العا تارتتى.

«تابيعي رەسۋرستارعا يە مەملەكەتتەرگە قازبا بايلىعى باسىمدىق بەرۋدەن قالىپ وتىر. ٴتىپتى قازبا بايلىعى – ارتىق تابىس تابۋدىڭ كوزىن جوعالتۋدا. ٴبىز الەمدەگى ٴداستۇرلى ەنەرگەتيكا نارىعىنداعى ٴىرى ويىنشىلار، كورپوراسيالار، مەملەكەتتەر اۋقىمدى تۇردە جاڭا ەنەرگيكاتيكاعا ينۆەستيسيا سالا باستادى»، - دەدى ول.

وسى ورايدا مەملەكەت باسشىسى وتكەن جىلى «ەكسپو-2017» كورمەسىن وتكىزە وتىرىپ، ەلدە جاڭا سالانىڭ دامۋىنا جول اشقانىن ٴمالىم ەتتى.

«قازاقستان اتالعان تەندەنسيادان تىس قالىپ وتىرعان جوق. ٴبىز «ەكسپو-2017» حالىقارالىق كورمەسىن «بولاشاق ەنەرگياسى» تاقىرىبىندا وتكىزە وتىرىپ، ەلدە جاسىل تەحنولوگيالاردىڭ بازاسىن قۇرۋعا مۇمكىندىك الدىق. 2030 جىلى ەلىمىزدە التەرناتيۆتى ەنەرگەتيكانىڭ ۇلەسى 30%-كە جەتەدى»، - دەپ تۇيىندەدى ٴسوزىن نۇرسۇلتان نازاربايەۆ.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي