BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

ەلباسى: زەينەتاقى جۇيەسى جاڭا دەموگرافيالىق اقيقاتقا سايكەس كەلۋى كەرەك

فوتو: Нұржас Жақсыбай

زەينەتاقى جۇيەسى مەن الەۋمەتتىك قامسىزداندىرۋ جۇيەسىن قايتا قۇراستىرۋ قاجەت. ولار جاڭا دەموگرافيالىق اقيقاتقا سايكەس كەلۋى كەرەك. بۇل جونىندە استانا ەكونوميكالىق فورۋمى: global challenges summit 2018 بارىسىندا قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ مالىمدەدى، دەپ حابارلايدى baq.kz ٴتىلشىسى.

«ٴۇشىنشى مەگاترنەد – جەرشارى حالقى سانىنىڭ قارقىندى ٴوسۋى. سوڭعى ونجىلدىقتاعى عىلىمي-تەحنيكالىق پروگرەستىڭ جەتىستىكتەرى ادام بالاسى ٴومىرىنىڭ ورتاشا ۇزاقتىعىن ايتارلىقتاي ارتتىرۋعا مۇمكىندىك بەردى. سوڭعى 70 جىلدا ادامزاتتىڭ ورتاشا جاسى 23 جىلعا – 48-دەن 71-گە دەيىن ۇلعايدى. قازاقستاندا بۇل كورسەتكىش تاۋەلسىزدىك جىلدارىندا 7 جىلعا – 65-تەن 72،5-كە دەيىن ٴوستى جانە بۇگىنگى كۇنى ورتاشا الەمدىك دەڭگەيدەن اسىپ وتىر. ۇزاق ٴومىر ٴسۇرۋ يندۋسترياسى الەم ەكونوميكاسىنىڭ ماڭىزدى بولىگىنە اينالدى. الايدا، جەدەل دەموگرافيالىق وزگەرىستەر ونىڭ كوپتەگەن ىلەسپە ماسەلەلەرىن دە شەشۋدى تالاپ ەتەدى»، - دەدى پرەزيدەنت.

ەلباسى عاسىر ورتاسىندا 100 ميلليارد ادامدى ازىقپەن قامتاماسىز ەتۋ ٴۇشىن الەم بويىنشا بۇگىنگى كۇنگىدەن 60% كوپ تاماق ٴوندىرۋ كەرەكتىگىن اتاپ ٴوتتى. ونىڭ ايتۋىنشا، بۇل نەگىزگى قورلاردىڭ، سونىڭ ىشىندە، تۇششى سۋ جەتىسپەۋشىلىگى ەسەبىمەن العاندا وڭاي شارۋا ەمەس.

«بۇگىنگى كۇنى ەكونميكانىڭ جوعارى تەحنولوگيالى سالالارىنىڭ ٴبىرى بولۋى ٴتيىس اگروونەركاسىپ كەشەنىنىڭ ونىمدىلىگى، رەسۋرستىق تيىمدىلىگىنىڭ ايتارلىقتاي ٴوسىمى قاجەت بولادى. قازاقستاندا زاماناۋي جەتىستىكتەردى پايدالانۋ، اگروكەشەندەگى ەڭبەك ونىمدىلىگىن 2،5 ەسە ارتتىرۋ ماقساتى العان قويىلعان. حالىقتىڭ قارتايۋىنىڭ ارتۋىمەن بايلانىستى تۋىنداعان كەزەكتى سىن-تاۋەكەلدىڭ ٴبىرى – بۇل زەينەتاقى جۇيەسى مەن الەۋمەتتىك قامسىزداندىرۋ جۇيەسىن قايتا قۇراستىرۋ. ولار جاڭا دەموگرافيالىق اقيقاتقا سايكەس كەلۋى كەرەك»، - دەدى نازاربايەۆ.

ەسكە سالا كەتسەك، اەف بارىسىندا ٴسوز سويلەگەن قازاقستان پرەزيدەنتى نۇرسۇلتان نازاربايەۆ جاھاندىق وزگەرىستەر سالدارىنان تۋىنداپ وتىرعان پروسەستەردىڭ سيپاتىن جەرشارى دامۋىنىڭ 5 باستى مەگاترەندى ارقىلى اتاپ كورسەتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي