BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

دۇنيەجۇزىلىك بانك قازاقستانداعى كەدەيلىك دەڭگەيىنە قاتىستى پىكىر ٴبىلدىردى

فوتو: Нұржас Жақсыбай

قازاقستاندا سوڭعى 20 جىلدا كەدەيلىك پەن جۇمىسسىزدىق دەڭگەيى ايتارلىقتاي تومەندەدى. بۇل جونىندە استانا ەكونوميكالىق فورۋمى: global challenges summit 2018 بارىسىنداعى ەكونوميكالىق تەڭسىزدىك تاقىرىبىنا ارنالعان پانەلدىك سەسسيادا دۇنيەجۇزىلىك بانكتىڭ قازاقستانداعى تۇراقتى وكىلى اتو براۋن مالىمدەدى، دەپ حابارلايدى baq.kz ٴتىلشىسى.

«ٴبىز پروبلەمالاردى تالقىلاعان كەزدە، مىندەتتى تۇردە، تەڭسىزدىك پەن كەدەيلىك پروبلەماسىن كوتەرەمىز. ٴقازىر الەمدىك ٴونىمنىڭ شىعۋى ۇلعايىپ جاتىر جانە كوپتەگەن ادامداردا كەدەيلىكتەن شىعۋ مۇمكىندىگى بولدى. مەنىڭ ويىمشا، حالىقتا كەدەيلىكتەن شىعۋ مۇمكىندىگى مەن جولدارى بولماۋى سالدارىنان كوپتەگەن ەلدەردە شيەلەنىستەر مەن قاقتىعىستار ورىن الىپ جاتىر. قازاقستاندا سوڭعى ەكى ونجىلدىقتا كەدەيلىك پەن جۇمىسسىزدىق دەڭگەيى ايتارلىقتاي تومەندەدى. الايدا، سىزدەردە كەدەيلىككە قاتىستى ٴبىرشاما ماسەلەلەر بار. ولاردى شەشۋ ٴۇشىن قازاقستان ٴوز حالقىنىڭ 65 پروسەنتىن قۇرايتىن ورتا تۇراقتى دامۋشى ورتا تاپقا ٴمان بەرۋى كەرەك»، - دەدى اتو براۋن.

سونىمەن قاتار، قارجى ۇيىمىنىڭ ەلىمىزدەگى تۇراقتى وكىلى اتاپ وتكەندەي، دۇنيەجۇزىلىك بانك ٴوز زەرتتەۋلەرىن جۇرگىزىپ، كەدەيلىكتىڭ كوزىن جويۋ ماسەلەسىن قاراستىرعان وتە كەدەي كوپتەگەن ەلدەردە دە سوڭعى جيىرما جىلدا ٴبىرماشا ٴوسىم بايقالادى.

«بارلىق كەزدە ورتا تاپقا ۇلكەن نازار اۋدارۋ قاجەت. بۇل قانداي كەدەرگىلەردى جويىپ، ادامدار قانداي دا ٴبىر مۇمكىندىكتەردەن جۇرداي كەدەيلىك سەكىلدى قاقپاندا قالىپ قويماۋىنىڭ ادىستەرىن دامىتۋ قاجەت. كەدەيلىك بەلەڭ الىپ، مۇنداي قيىن جاعدايدان شىعۋ مۇمكىندىگى جوق ەلدەردەگى ادامدار ەكسترەميزمگە بەيىم بولىپ، قاقتىعىستار تۋىندايدى»، - دەدى دۇنيەجۇزىلىك بانك وكىلى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي