BAQ.kz - Қазақстан жаңалықтары USD 326 BAQ.kz - Қазақстан жаңалықтары EUR 382.2 BAQ.kz - Қазақстан жаңалықтары RUB 5.29
استانا:

استانادا قازاقستان-امەريكا بيزنەس فورۋمى ٴوتتى

فوتو: Егемен Қазақстан

بۇگىن ەلوردادا سىرتقى ىستەر مينيسترلىگىندە استانا ەكونوميكالىق فورۋمى (global challenges summit) قارساڭىندا «باسەكەگە قابىلەتتى قازاقستان» اتتى ەكىنشى قازاقستان-امەريكا بيزنەس-فورۋمى ٴوتتى، دەپ حابارلايدى baq.kz ٴتىلشىسى.

فورۋم 2018 جىلدىڭ قاڭتارىندا مەملەكەت باسشىسىنىڭ اقش-قا رەسمي ساپارى ناتيجەسىندە قول جەتكىزىلگەن كوممەرسيالىق ۋاعدالاستىقتاردىڭ ورىندالۋىن تالقىلاۋ ٴۇشىن ٴتيىمدى الاڭ بولدى.

ٴىس-شاراعا قازاقستان پرەمەر-مينيسترىنىڭ ٴبىرىنشى ورىنباسارى اسقار مامين، «استانا» حالىقارالىق قارجى ورتالىعىنىڭ باسقارۋشىسى قايرات كەلىمبەتوۆ، ينۆەستيسيالار جانە دامۋ ٴمينيسترى جەڭىس قاسىمبەك، مادەنيەت جانە سپورت ٴمينيسترى ارىستانبەك مۇحامەدي ۇلى، دەنساۋلىق ساقتاۋ ٴمينيسترى ەلجان ٴبىرتانوۆ، سونداي-اق اۋىل شارۋاشىلىعى، ادىلەت، اقپارات جانە كوممۋنيكاسيالار مينيسترلىكتەرىنىڭ باسشىلىعى، قازاقستان مەن اقش-تىڭ 50-دەن استام كومپانيالارى، سونىڭ ىشىندە امەريكالىق جەكە شەتەلدىك ينۆەستيسيالار كورپوراسياسى (opic)، دۇنيەجۇزىلىك بانكى، ەۋروپالىق قايتا قۇرۋ جانە دامۋ بانكىنىڭ (ەققدب) وكىلدەرى قاتىستى.

ٴوز سوزىندە اسقار مامين مەملەكەت باسشىسىنىڭ اقش-قا اعىمداعى جىلعى قاڭتاردا جاساعان رەسمي ساپارى اياسىندا قول جەتكىزىلگەن ۋاعدالاستىقتاردىڭ ورىندالۋ بارىسى تۋرالى ايتىپ بەردى. سونىمەن قاتار، فورۋمعا قاتىسۋشىلار قازاقستانداعى ىسكەر ورتانى ودان ٴارى جاقسارتۋعا باعىتتالعان ٴىس-قيمىل، سونداي-اق جاڭعىرتۋ، ٴارتاراپتاندىرۋ جانە سيفرلاندىرۋ جونىندەگى ماقساتتاردى ورىنداۋ بارىسى تۋرالى ەگجەي-تەگجەيلى مالىمەت الدى.

وسى جىلى فورۋمدى ۇيىمداستىرۋشىلار – حالىقارالىق تۇسىنىستىك جونىندەگى ىسكەرلiك كەڭەس، قازاقستاننىڭ اقش-تاعى ەلشىلىگى جانە «قازاق ينۆەست» ۇلتتىق كومپانياسى سەرىكتەستىكتىڭ جاڭا پەرسپەكتيۆالىق باعىتتارىنا نازار اۋداردى. تاراپتار اگروونەركاسىپتىك كەشەن، مەديسينا، اقپاراتتىق تەحنولوگيالار، قارجى جانە كينويندۋستريا سالالارىنداعى ىنتىماقتاستىقتى جانداندىرۋ مۇمكىندىكتەرىن، سونداي-اق، قازاقستانداعى زياتكەرلىك مەنشىكتى قورعاۋداعى پروگرەستى تالقىلادى.

فورۋم اياسىندا ەكى جاقتى كەلىسسوزدەر ٴوتتى. «valmont industries»، «agco-gsi»، «global beef» جانە «animart» كومپانيالارى اۋىل شارۋاشىلىعى مينيسترلىگىنىڭ جانە قازاقستاندىق اگرارلىق بيزنەس وكىلدەرىمەن كەزدەسۋلەر وتكىزۋگە نيەتتى. مەديسينا سالاسىنداعى امەريكالىق كوشباسشىلار – «pfizer»، «medtronic»، «ecolab» – بيزنەستى دامىتۋ جانە قازاقستاندىق مامانداردى دايارلاۋعا مۇددەلى. «mastercard»، «autodesk» جانە «microsoft» جوعارى تەحنولوگيالىق كومپانيالارى ۇلتتىق ەكونوميكانى سيفرلاندىرۋ جوبالارىنا بەلسەندى قاتىسۋعا دايىن.

قازاقستانعا العاش رەت «comcast nbc universal» كومپانياسىنىڭ باسشىلىعى كەلىپ، قازاقستاندىق تاراپپەن كينويندۋستريا جانە ويىن-ساۋىق سالاسىنداعى ىنتىماقتاستىق تۋرالى كەلىسسوزدەر جۇرگىزدى.

امەريكالىق قاتىسۋشىلاردىڭ فورۋمعا كەلۋ باعدارلاماسى اەف-2018 جۇمىسىنا قاتىسۋدى كوزدەيدى.

فورۋم ناتيجەسىندە كەلەسى ٴ3-شى «باسەكەگە قابىلەتتى قازاقستان» اتتى بيزنەس-فورۋمدى قازاقستاننىڭ سىرتقى ساياساتىن ەكونوميزاسيالاۋ اياسىندا 2019 جىلى استانادا وتكىزۋ ۇيعارىلدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي