BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

استانا ەكونوميكالىق فورۋمى باستالدى

فوتو: Нұржас Жақсыбай

استانادا global challenges summit 2018 فورۋمى باستالدى، دەپ حابارلايدى baq.kz اقپارات اگەنتتىگى.

ەكونوميكالىق دامۋ جانە رەسۋرستىق تۇراقتىلىق، سيفرلاندىرۋ جانە ۋربانيزاسيا، ۇزاق ٴومىر ٴسۇرۋ جانە قارجى توڭكەرىسى، جاھاندىق قاۋىپسىزدىك جانە مادەني ورلەۋ - وسىناۋ جالپىادامزاتتىق تەندەنسيالاردىڭ ٴبارى جاڭعىرعان استانا ەكونوميكالىق فورۋمى global challenges summit 2018 باعدارلاماسىنىڭ وزەگىن قۇراپ وتىر.

2018 جىلى فورۋمعا الەمنىڭ ٴتۇرلى ەلدەرىنەن 500-گە جۋىق سپيكەر قاتىسىپ، رەكوردتىق كورسەتكىشكە جەتەدى دەپ كۇتىلۋدە.

بيىل توپ-سپيكەرلەردىڭ اراسىندا فرانسيانىڭ بۇرىنعى پرەزيدەنتى فرانسۋا وللاند، بۇۇ-نىڭ بۇرىنعى باس ديرەكتورى پان گي مۋن، دۇنيەجۇزىلىك بانكتىڭ ەۋروپا جانە ورتالىق ازيا جونىندەگى باس ەكونوميسى گانس تيممەر سىندى ەسىمدەر بار.

فورۋمنىڭ العاشقى ەكى كۇنى كۇن تارتىبىندەگى جاھاندىق ماسەلەلەرگە ارنالادى، ٴۇشىنشى كۇنى سپيكەرلەر قر ۇكىمەتىنىڭ، ساراپشىلار قوعامداستىعىنىڭ وكىلدەرىمەن التى باعىت بويىنشا جۇمىس جۇرگىزەدى.

ايتا كەتەيىك، كونگرەستىڭ 10 جىلدىق جۇمىسى بارىسىندا وعان الەمنىڭ 150 ەلىنەن 50 مىڭ دەلەگات، سونىڭ ىشىندە 20-دان استام نوبەل سىيلىعىنىڭ يەگەرلەرى، 30-دان استام شەتەلدىك جوعارى دەڭگەيلى ساياسي قايراتكەرلەر كەلگەن. كونگرەسس اياسىندا جالپى قۇنى 20 ملرد دوللاردان اسىپ جىعىلاتىن 300-دەن استام مەموراندۋم جانە كەلىسىمدەرگە قول قويىلدى.

ٴار جىلدارى فورۋمدا الەمدىك دەڭگەيدەگى ساياساتكەرلەر، عالىمدار، ەكونوميستەر، جۋرناليستەر جانە قوعام قايراتكەرلەرى، حالىقارالىق ۇيىمداردىڭ، قارجى ينستيتۋتتارىنىڭ، بيزنەس-ەليتانىڭ وكىلدەرى سپيكەر بولدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي