BAQ.kz - Қазақстан жаңалықтары USD 375.9 BAQ.kz - Қазақстан жаңалықтары EUR 423.56 BAQ.kz - Қазақстан жаңалықтары RUB 5.55
استانا:

الفرەد گۋزەنباۋەر: احقو - كەرەمەت يدەيا ەكەنىن ايتقىم كەلەدى

بۇگىن استانادا ٴوتىپ جاتقان xi استانا ەكونوميكالىق فورۋمى بارىسىندا اۆستريانىڭ بۇرىنعى كانسلەرى الفرەد گۋزەنباۋەر ورتالىق ازيادا وسى كۇنگە دەيىن قارجى ورتالىعىنىڭ بولماعانى جونىندە پىكىر ايتتى، دەپ حابارلايدى baq.kz اقپارات اگەنتتىگى.

ونىڭ ايتۋىنا قاراعاندا، استانا حالىقارالىق قارجى ورتالىعى تىڭ ٴارى ٴتيىمدى يدەيا.

"ەڭ الدىمەن، قارجى ورتالىعى كەرەمەت يدەيا ەكەنىن ايتقىم كەلەدى. سەبەبى وسى كۇنگە دەيىن ورتالىق ازيادا قارجى ورتالىعى بولعان ەمەس. دەگەنمەن، وعان دەگەن قاجەتتىلىك ۇنەمى بولدى. الەمنىڭ كەز كەلگەن تۇكپىرىندەگى مەملەكەت دامۋدى ماقسات ەتسە، قارجى ورتالىعىن قۇرۋى كەرەك دەپ ويلايمىن. نەگىزىنەن، قارجى ورتالىقتارى ايماقتاعى ەڭ ٴىرى مەملەكەتتەردە ەمەس، شاعىن ەلدەردە بولادى" - دەيدى الفرەد گۋزەنباۋەر.

سونىمەن قاتار، ول قازاقستان گەوگرافيالىق تۇرعىدا جاقسى ورنالاسقانىن ٴساتتى پايدالانىپ، ٴوزىن جاقسى قىرىنان كورسەتە بىلگەنىن ايتتى.

"ٴبىز بارلىق ٴوڭىر ٴۇشىن قىزمەت ۇسىنۋشىمىز. سوندىقتان نەگىز رەتىندە جالپىەۋروپالىق قۇقىق ەنگىزۋ يدەياسى دۇرىس دەپ ويلايمىز. بۇل قارجى نارىعىنا حالىقارالىق قاتىسۋشىلاردى تارتۋعا مۇمكىندىك بەرەدى. ال كوپتەگەن زاڭدى تۇلعالار وزدەرى ۇيرەنگەن ورتاعا، تۇراقتى ورتاعا بارعاندى ٴجون سانايدى. وسى رەتتى قازاقستاننىڭ مۇمكىندىگى زور دەپ ايتا الامىن جانە بارلىعى ٴساتتى بولاتىنىنا سەنىمدىمىن" - دەيدى الفرەد گۋزەنباۋەر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي