BAQ.kz - Қазақстан жаңалықтары USD 374.47 BAQ.kz - Қазақстан жаңалықтары EUR 421.43 BAQ.kz - Қазақстан жаңалықтары RUB 5.54
استانا:

اەف اياسىنداعى ازاماتتىق قوعام ماسەلەسىن تالقىلاۋعا الەمنىڭ 12 ەلى قاتىسادى

استانا ەكونوميكالىق فورۋمى اياسىندا ازاماتتىق قوعام پروبلەمالارىن تالقىلايتىن پانەلدىك سەسسياعا الەمنىڭ 12 ەلىنەن كەلگەن باس-اياعى 150 ازامات قاتىسادى. بۇل جونىندە قازاقستاننىڭ ورتالىق كوممۋنيكاسيالار قىزمەتىندە وتكەن بريفينگ بارىسىندا eurasian expert council قورىنىڭ پرەزيدەنتى شىڭعىس لەپسىبايەۆ مالىمدەدى، دەپ حابارلايدى baq.kz ٴتىلشىسى.

«وسى جىلى استانا ەكونوميكالىق فورۋمىنىڭ اياسىندا تەك ەكونوميكالىق ماسەلەلەر تالقىلانىپ قويماي، سونىمەن قاتار، ازاماتتىق بەلسەندىلىك، ۇكىمەتتىك ەمەس ۇيىمداردى دامىتۋ، بۇقارالىق اقپارات قۇرالدارىن دامىتۋ ماسەلەلەرى دە تالقىلاناتىن بولادى. سەبەبى، وزدەرىڭىز بىلەتىندەي، سوڭعى جىلدارى جاڭا اقپاراتتىق ٴداۋىر ٴداستۇرلى باق پەن ساياسي پارتيالار الدىنا جاڭا سىن-تەگەۋرىندەردى شىعاردى. سول سەبەپتى، ٴقازىر بارشامىزعا ٴبىرشاما ترانسفورماسيالاۋدان وتكەن دۇرىس سياقتى. اەف اياسىنداعى پانەلدىك سەسسيا الاڭىندا ٴبىز جەتەكشى ۇكىمەتتىك ۇيىمداردى، شەتەلدىك ساراپشىلاردى تارتۋعا تىرىستىق. وسى ورايدا ايتا كەتۋ كەرەك، الاڭعا الەمنىڭ 12 ەلىنەن 150 ادام قاتىسادى دەپ جوسپارلاپ وتىرمىز»، - دەدى لەپسىبايەۆ.

ونىڭ ايتۋىنشا، پانەلدىك سەسسياعا قر ٴدىن ىستەرى جانە ازاماتتىق قوعام ٴمينيسترى، ۇەۇ وكىلدەرى، ساياساتكەرلەر، دەپۋتاتتار مەن بىرنەشە ەلشى، سونىڭ ىشىندە، قازاقستانداعى وزبەكستان ەلشىسى قاتىسادى.

بۇعان دەيىن حابارلاعانىمىزداي، 17-19 مامىر ارالىعىندا وتەتىن استانا ەكونوميكالىق فورۋمى اياسىندا ازاماتتىق قوعام پروبلەمالارىن تالقىلايتىن پانەلدىك سەسسيا ۇيىمداستىرىلادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي