BAQ.kz - Қазақстан жаңалықтары USD 346.68 BAQ.kz - Қазақстан жаңалықтары EUR 404.02 BAQ.kz - Қазақстан жаңалықтары RUB 5.47
استانا:

اەف اياسىندا ازاماتتىق قوعام پروبلەمالارىنا ارنالعان سەسسيا وتەدى

استانا ەكونوميكالىق فورۋمى اياسىندا ازاماتتىق قوعام پروبلەمالارىن تالقىلايتىن پانەلدىك سەسسيا وتەدى. بۇل جونىندە قازاقستاننىڭ ورتالىق كوممۋنيكاسيالار قىزمەتىندە وتكەن بريفينگ بارىسىندا قر ٴدىن ىستەرى جانە ازاماتتىق قوعام مينيسترلىگىنىڭ ازاماتتىق قوعام ىستەرى كوميتەتى ٴتوراعاسىنىڭ ورىنباسارى باقىتجان نارىمبەتوۆ مالىمدەدى، دەپ حابارلايدى baq.kz ٴتىلشىسى.

«بىرەر كۇننەن سوڭ ەلوردادا جاھاندىق ديالوگ الاڭى - استانا ەكونوميكالىق فورۋمى ٴوز جۇمىسىن باستايدى. سونىڭ اياسىندا، 18 مامىردا «ازاماتتىق قوعامنىڭ بولاشاعى. جاڭا ازاماتتىق بەلسەندىلىك» اتتى پانەلدىك سەسسيا وتەدى. اەف اياسىندا العاش رەت ازاماتتىق سەكتوردىڭ قازىرگى زاماناۋي تەندەنسيالارىنىڭ نەگىزگى اسپەكتىلەرى، جاڭا سىن-تەگەۋرىندەر مەن مۇمكىندىكتەر تالقىلانادى. سەسسيا جۇمىسىنا شەتەلدىك جانە وتاندىق ۇكىمەتتىك ەمەس ۇيىمدار، مەملەكەتتىك ۇيىمداردىڭ وكىلدەرى، ساياساتتانۋشىلار مەن الەۋمەتتانۋشىلار، عىلىمي-زەرتتەۋ ۇيىمدارى، سونىمەن قاتار، ٴوزىنىڭ ازاماتتىق پوزيسياسىمەن كوزگە تۇسكەن پىكىر كوشباسشىلارى قاتىسادى»، - دەدى نارىمبەتوۆ.

ونىڭ ايتۋىنشا، ازاماتتىق قوعام ماسەلەرىنە توقتالاتىن بۇل سەسسيا ٴدىن ىستەرى جانە ازاماتتىق قوعام مينيسترلىگى مەن ازاماتتىق باستامالاردى قولداۋ ورتالىعىنىڭ قولداۋىمەن وتكىزىلەدى.

«سەسسيا بارىسىندا ينتەراكتيۆتى كورمە وتكىزىلەدى دەپ جوسپارلانۋدا. وندا ۇكىمەتتىك ەمەس ۇيىمدارمەن ىسكە اسىرىلعان جوبالاردى جانە ازاماتتىق بەلسەندىلىك اياسىنداعى تاجىريبەلەردى ۇسىنۋ مۇمكىندىگى بولادى. كورمەگە قاتىسۋعا بارلىق مۇددەلى ۇكىمەتتىك ەمەس ۇيىمدار شاقىرىلدى»، - دەدى كوميتەت ٴتوراعاسىنىڭ ورىنباسارى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي