BAQ.kz - Қазақстан жаңалықтары USD 369.98 BAQ.kz - Қазақстан жаңалықтары EUR 428.7 BAQ.kz - Қазақстан жаңалықтары RUB 5.64
استانا:

ادام كۇشىمەن جاسالاتىن ەڭبەكتىڭ 80 پروسەنتى روبوتتارمەن الماستىرىلادى – نازاربايەۆ

فوتو: Нұржас Жақсыбай

الداعى جىلدارى ادام كۇشىمەن جاسالاتىن دەنە ەڭبەگىنىڭ 80 پروسەنتى روبوتتاندىرىلعان جۇيەلەرمەن الماستىرىلادى. بۇل جونىندە استانا ەكونوميكالىق فورۋمى: global challenges summit 2018 بارىسىندا قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ مالىمدەدى، دەپ حابارلايدى baq.kz ٴتىلشىسى.

«بەسىنشى مەگاترەند – جاھاندىق ەڭبەك نارىعىنىڭ ترانسفورماسياسى. قالىپتى دەنە ەڭبەگىنىڭ 80 پروسەنتى الداعى جىلداردىڭ وزىندە-اق روبوتتاندىرىلعان جۇيەلەرمەن الماستىرىلۋى مۇمكىن. زاماناۋي كاسىپورىندار ٴۇشىن جۇمىس كۇشىنىڭ ارزاندىعى ەمەس، بىلىكتى قىزمەتكەرلەردىڭ بولۋى ماڭىزدى بولىپ وتىر. وندىرىستەردى دامىعان ەلدەردە ورنالاستىرۋدىڭ ماقساتقا سايكەستىگى تۋىنداۋدا. بۇل ۇلتتىق ەكونوميكا مەن الەۋمەتتىك جۇيەلەر ٴۇشىن سىن-تاۋەكەل بولىپ تابىلادى»، - دەدى مەملەكەت باسشىسى.

نازاربايەۆ وسى ورايدا ٴبىلىم بەرۋدى رەفورمالاۋدىڭ ماڭىزى زور ەكەنىن اتاپ ٴوتتى. ول تاجىريبە الماسۋدان كرەاتيۆتى ويلاۋ، قاجەتتى اقپاراتتى تابا ٴبىلۋ جانە ونى دۇرىس پايدالانۋعا كوشۋدى بىلدىرەدى. ونىڭ ايتۋىنشا، بۇل ماقساتقا قول جەتكىزۋدە ادامزات بالاسى ٴومىر بويى ٴبىلىم الۋ، وقىپ-ۇيرەنۋ قاعيداسىنا سۇيەنىپ، بىرنەشە ماماندىق اۋىستىرا الادى.

«بۇل ورايدا قازاقستان ناتيجەلى جۇمىستار جۇرگىزىپ جاتىر. ٴبىز بارلىق دەڭگەيدە ٴبىلىم بەرۋ باعدارلاماسىن وزگەرتۋ ارقىلى وسىعان دايىندالدىق جانە دايىندالىپ جاتىرمىز. كەڭەس وداعى ىدىراپ، ەلىمىز قيىن زاماندى باستان كەشىرىپ جاتقان جانە ەل قازىناسىندا قاراجات بولماعان كەزەڭدە ٴبىز «بولاشاق» باعدارلاماسىن ىسكە قوسىپ، جاستارىمىز الەمنىڭ ۇزدىك ەلدەرىندە ٴبىلىم الۋىن قامتاماسىز ەتتىك. جيىرما بەس جىل ىشىندە شامامەن 13 مىڭ قازاقستاندىق مەملەكەت قاراجاتى ەسەبىنەن الەم ۋنيۆەرسيتەتتەرىندە ٴبىلىم الۋ مۇمكىندىگىنە يە بولدى»، - دەدى ەلباسى.

ەسكە سالا كەتسەك، بۇگىن باس قالادا استانا ەكونوميكالىق فورۋمى: global challenges summit 2018 ٴوز جۇمىسىن باستادى. اەف بارىسىندا ٴسوز سويلەگەن قازاقستان پرەزيدەنتى نۇرسۇلتان نازاربايەۆ جاھاندىق وزگەرىستەر سالدارىنان تۋىنداپ وتىرعان پروسەستەردىڭ سيپاتىن جەرشارى دامۋىنىڭ 5 باستى مەگاترەندى ارقىلى اتاپ كورسەتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي