BAQ.kz - Қазақстан жаңалықтары USD 327.42 BAQ.kz - Қазақстан жаңалықтары EUR 383.51 BAQ.kz - Қазақстан жаңалықтары RUB 5.29
استانا:

قازاقستانداعى كەدەيلىك دەڭگەيى 47 پروسەنتتەن 2،6 پروسەنتكە ازايدى – مينيستر ٴابىلقاسىموۆا

فوتو: ашық дереккөзден

سوڭعى 17 جىلدا قازاقستانداعى كەدەيلىك دەڭگەيى 47 پروسەنتتەن 2،6 پروسەنتكە ازايدى.بۇل جونىندە استانا ەكونوميكالىق فورۋمى: global challenges summit 2018 بارىسىنداعى ەكونوميكالىق تەڭسىزدىك تاقىرىبىنا ارنالعان پانەلدىك سەسسيادا قر ەڭبەك جانە حالىقتى الەۋمەتتىك قورعاۋ ٴمينيسترى مادينا ٴابىلقاسىموۆا مالىمدەدى، دەپ حابارلايدى baq.kz ٴتىلشىسى.

«تەڭسىزدىك ماسەلەسى دامۋشى ەلدەردىڭ عاناي ەمەس، سونداي-اق، دامىعان مەملەكەتتەر الدىندا تۇرعان پروبلەما بولىپ وتىر. ٴقازىر ٴبىز اۆتوماتتاندىرۋ، سيفرلاندىرۋ سياقتى ترەندتەر ەڭبەك نارىعىنداعى، سونىڭ ىشىندە، تابىستى بىركەلكى ەمەس بولۋدە جاڭا سىن-تاۋەكەلدەردى تۋدىرىپ وتىر. وزدەرىڭىز بىلەسىزدەر، قازاقستان ەكونوميكاسى قارقىندى دامىعان مەملەكەت. سوڭعى 17 جىلدا قازاقستانداعى كەدەيلىك دەڭگەيى 47 پروسەنتتەن 2،6 پروسەنتكە ازايدى»، - دەگەن مينيستر بۇعان ەكونوميكالىق ٴوسىمنىڭ ارقاسىندا قول جەتكەنىن ايتتى.

ٴابىلقاسىموۆانىڭ ايتۋىنشا، قازاقستان ەكونوميكالىق ٴوسىمنىڭ حالىق تابىسىنا تىكەلەي ىقپال ەتۋىنە قول جەتكىزگەن مەملەكەت. الايدا، ەلدە ٴالى دە شەشىمىن تاپپاي جاتقان ٴبىرقاتار ماسەلەلەر بار كورىنەدى.

«بىزدە دە ٴبىرقاتار پروبلەمالار بار. ونى «ورتا تابىس قاقپانى» دەپ تە اتايدى. ياعني، جۇمىس جاساپ، ەڭبەك ەتىپ جاتقان ازاماتتار سول كەدەي قالپىندا قالىپ قويۋدا. شىندىعىندا، قازاقستانداعى جۇمىسسىزدىق دەڭگەيى نەبارى 5 پروسەنت شاماسىندا. الايدا، جۇمىسى بار ادامدار تابىسىنىڭ دەڭگەيى باسقا ەلدەردەگىمەن سالىستىرعاندا اناۋ ايتقانداي جوعارى ەمەس. نە سەبەپتى بۇلاي؟ بۇل كەي سەكتورلارداعى ونىمدىلىكتىڭ تومەن بولۋىنا بايلانىستى. قازاقستاندا ازاماتتاردىڭ باسىم بولىگى اۋىل شارۋاشىلىعى سالاسىندا جۇمىسپەن قامتىلعان. ال مۇنداعى ەڭبەك ونىمدىلىگى باسقا ەلدەردەگى ٴدال وسى سەكتورداعىدان الدەقايدا تومەن. مۇناي-گاز، تاۋ-كەن-مەتاللۋرگياسى سالاسىندا ونىمدىلىك ارتىپ كەلەدى. ٴبىراق، قازاقستان ەكونوميكاسى تەز ۋربانيزاسيالانۋدا. اۋىلدان قالاعا كوشەتىندەر سانى ارتىپ جاتىر. جالپى، ەكونوميكالىق تەڭسىزدىكتى جويۋ ٴۇشىن، بىرىنشىدەن، تابىستى ٴبولۋ ماسەلەسىندە سالىق ساياساتىنا قانداي دا ٴبىر اۆتوماتتاندىرۋدى ەنگىزۋ كەرەك دەپ سانايمىن. ەكىنشىدەن، جاپپاي كاسىپكەرلىكتى قولدايتىن جۇمىس بەرۋگە باعىتتالعان دامۋ باعدارلاماسىن قۇرۋ ماڭىزدى. ٴبىز قازاقستاندا وسىنداي ەكى باعدارلامانى جۇزەگە اسىردىق»، - دەگەن مينيستر ەلدەگى «بيزنەستىڭ جول كارتاسى» مەن «جاپپاي كاسىپكەرلىك» باعدارلامالارىنا توقتالىپ ٴوتتى. ۇشىنشىدەن، دامۋشى مەملەكەتتەگى ۇكىمەت ٴار ۋاقىتتا بەلگىلى ٴبىر قولداۋدى قاجەت ەتەتىن الەۋمەتتىك از قامتىلعان، از قورعالعان توپتاردىڭ بولاتىنىن ٴتۇسىنۋى كەرەك»، - دەدى ٴابىلقاسىموۆا.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي