BAQ.kz - Қазақстан жаңалықтары USD 339.95 BAQ.kz - Қазақстан жаңалықтары EUR 392.64 BAQ.kz - Қазақстан жаңалықтары RUB 5.3
استانا:

جازۋشىلار وداعىنىڭ جاڭا ٴتوراعاسى سايلاندى

فوتو: ult.kz

الماتىدا قازاقستان جازۋشىلارىنىڭ كەزەكتى xv قۇرىلتايى ٴوتتى. قۇرىلتايدا قازاقستان جازۋشىلار وداعى باسقارماسىنىڭ جاڭا قۇرامى بەكىتىلىپ، قازاقستان جازۋشىلار وداعى باسقارماسىنىڭ جاڭا ٴتوراعاسى بولىپ اقىن، جۋرناليست ۇلىقبەك ەسداۋلەت تاعايىندالدى جانە باقىلاۋ-تەكسەرۋ كوميسسياسى سايلانىپ، اعالار القاسىنىڭ قۇرامى بەكىتىلدى، دەپ حابارلايدى baq.kz اقپارات اگەنتتىگى.

قۇرىلتاي انۇرانمەن باستالىپ، ەكى قۇرىلتاي اراسىندا قازا بولعان 131 اقىن-جازۋشىنى ٴبىر ٴسات ەسكە الۋ ۇنسىزدىگىمەن باستالدى. قازاقستان جازۋشىلار وداعى باسقارماسىنىڭ ٴتوراعاسى نۇرلان ورازالين ٴسوز سويلەپ، وتكەن شيرەك عاسىرداعى جەتكەن جەتىستىكتەر مەن كەتكەن كەمشىلىكتەرگە توقتالدى.

بۇعان دەيىن نۇرلان ورازالين ٴوزىنىڭ كەزەكتى رەت سايلاۋعا تۇسپەيتىنىن مالىمدەگەن بولاتىن. ال جالپى جازۋشىلار ٴتوراعالىققا كورنەكتى اقىن ۇلىقبەك ەسداۋلەتتى قۇپ كورگەن ەدى. مەملەكەتتىك سىيلىقتىڭ يەگەرى ۇلىقبەك ەسداۋلەتتى جازۋشىلار قاۋىمىنىڭ باسىم كوپشىلىگى قولدادى.

سونىمەن كوپتەن كۇتكەن ماسەلەنىڭ دە باسى اشىلدى. 25 جىلدان كەيىن قازاقستان جازۋشىلار وداعىنىڭ باسقارما ٴتوراعاسى اۋىستى. سابىر اداي، ساۋىتبەك ابدراحمان، تىنىشتىقبەك ابدىكاكىم ۇلى، ەرمەك امانشايەۆ باستاعان الدىڭعى بۋىن اعالار مەن قاتار باقىتگۇل باباش، اقبەرەن ەلگەزەك، ٴاليا داۋلەتبايەۆا، باقىت بەدەلحان، ەرلان ٴجۇنىس قاتارلى جاڭا تولقىننىڭ بارلىعىن قامتىعان 151 ادام وداق ٴتوراعاسىن انىقتايتىن باسقارما مۇشەسى رەتىندە تىركەلدى. وسى 151 ادامنىڭ ٴبىر اۋىزدان جانە ٴبىر عانا ۇمىتكەر رەتىندە ۇلىقبەك ەسداۋلەتتى ۇسىندى. سونىڭ نەگىزىندە تانىمال اقىن ۇلىقبەك ورازباي ۇلى باسقارما ٴتوراعاسى بولىپ سايلاندى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي