BAQ.kz - Қазақстан жаңалықтары USD 374.2 BAQ.kz - Қазақстан жаңалықтары EUR 420.34 BAQ.kz - Қазақстан жаңалықтары RUB 5.52
استانا:

ٴسوز ەنەرگياسى: ەۋرازيا قۇرلىعىنىڭ قالامگەرلەرى استانادا باس قوسادى

فوتو: ашық дереккөзден

قازاقستان جازۋشىلار وداعى قر مادەنيەت جانە سپورت مينيسترلىگىنىڭ قولداۋىمەن «قازىرگى زامانعى ٴسوز ەنەرگياسى» اتتى ەۋرازيالىق ادەبي فورۋم وتكىزبەك، دەپ حابارلايدى baq.kz اقپارات اگەنتتىگى.

استانانىڭ 20 جىلدىعىنا ارنالعان فورۋم 20-21 قىركۇيەكتە ەلوردا تورىندە وتەدى. شاراعا ەۋرازيا قۇرلىعىنىڭ تۇكپىر-تۇكپىرىنەن، اتاپ ايتساق، ۇلىبريتانيا، گەرمانيا، قىتاي، رەسەي، تۇركيا، لاتۆيا، ۆەنگريا، پولشا، مولدوۆا، ارمەنيا، ۋكراينا، بولگاريا، موڭعوليا، əزەربايجان جانە وزگە دە مەملەكەتتەن كەلگەن قالامگەرلەر قاتىسپاق. ٴدال وسىنداي اۋقىمدى فورۋم 1973 جىلدان بەرى اراعا 45 جىل سالىپ استانا قالاسىندا وتكىزىلمەك.

"20 قىركۇيەك كۇنى ساعات 10.00-دە تاۋەلسىزدىك سارايىندا فورۋمنىڭ سالتاناتتى اشىلۋ ٴراسىمى وتەدى. سونداي-اق، «زاماناۋي ەۋرازيالىق ادەبيەت» كىتاپ كورمەسى، «ادەبيەت جانە جاھاندىق ماسەلەلەر» مەن «ايماقتىق ادەبيەتتەردىڭ دامۋى» اتتى ەكى بولىمنەن تۇراتىن پلەنارلىق وتىرىس ۇيىمداستىرىلادى. 21 قىركۇيەكتە دە ٴتۇرلى ماڭىزدى باسقوسۋلار بولادى. جالپى، فورۋم اياسىندا بەلگىلى جازۋشىلار مەن ادەبيەت سىنشىلارىمەن توپتاسقان كونفەرەنسيالار، دوڭگەلەك ۇستەلدەر جانە شىعارماشىلىق كەزدەسۋلەر، كىتاپ كورمەسى مەن سەكسيالار ۇيىمداستىرىلادى"، - دەپ حابارلادى قر مادەنيەت جəنە سپورت مينيسترلىگىنىڭ ٴباسپاسوز قىزمەتى.

ۆەدومستۆو مالىمەتىنشە، əدەبي فورۋم اياسىندا قازاقستان جازۋشىلار وداعى مەن يران جازۋشىلار قاۋىمداستىعى اراسىندا ىنتىماقتاستىق تۋرالى مەموراندۋمعا قول قويىلماق. سونداي-اق، قر ۇلتتىق اكادەميالىق كىتاپحاناسىندا قازاقستان – رەسەي قالامگەرلەرىنىڭ كەزدەسۋى وتەدى.

"فورۋم ەۋرازيا حالىقتارىنىڭ كوركەم ادەبيەتىن تانىمال ەتۋ، ۇلتتىق مادەنيەت وكىلدەرىنىڭ اراسىنداعى بايلانىستى نىعايتۋ، ٴبىرىڭعاي ەۋرازيالىق ادەبي كەڭىستىكتى قالىپتاستىرۋ، سونداي-اق، جاستار اراسىندا تالانتتاردى انىقتاۋ ماقساتىندا وتكىزىلەدى"، - دەپ حابارلادى ٴباسپاسوز قىزمەتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي