BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

نازاربايەۆ: قۇرىلتاي وتاندىق ادەبيەتكە، ەلىمىزدىڭ رۋحاني الەمىنە ۇلكەن بەتبۇرىس اكەلەدى

الماتىدا قازاقستان جازۋشىلارىنىڭ كەزەكتى xv قۇرىلتايى ٴوتىپ جاتىر. جيىنعا قازاقستان جازۋشىلار وداعىنىڭ مۇشەلەرى، قۇرىلتاي دەلەگاتتارى، ارنايى شاقىرىلعان قوناقتار، استانا مەن الماتىنىڭ بۇقارالىق اقپارات قۇرالدارى وكىلدەرى قاتىسۋدا، دەپ حابارلايدى baq.kz اقپارات اگەنتتىگى.

جازۋشىلار وداعى ەلىمىزدەگى ەڭ العاشقى جانە ەڭ ٴىرى شىعارماشىلىق بىرلەستىكتەردىڭ ٴبىرى. وداق مۇشەلەرىنىڭ ەلىمىزدىڭ مادەني ٴومىرىنىڭ دامۋى مەن مورالدىق جانە رۋحاني قۇندىلىقتاردى نىعايتۋعا، جاستاردى تاربيەلەۋ ىسىنە قوسىپ وتىرعان ۇلەسى مول.

قۇرىلتايدى قازاقستان جازۋشىلار وداعى باسقارماسىنىڭ ٴتوراعاسى نۇرلان ورازالين اشتى.

سونداي-اق، قۇرىلتايعا قازاقستان رەسپۋبليكاسى مادەنيەت جانە سپورت ٴمينيسترى ارىستانبەك مۇحامەدي ۇلى قاتىسىپ، ەلباسى نۇرسۇلتان نازاربايەۆتىڭ قۇتتىقتاۋىن وقىپ بەردى. قۇتتىقتاۋ حاتىندا ەلباسى قازاقستان جازۋشىلار وداعىنىڭ حv قۇرىلتايىنىڭ اشىلۋىمەن قۇتتىقتاپ، قۇرىلتاي جۇمىسىنا تابىس تىلەدى.

«اقىن-جازۋشىلاردىڭ باستى ميسسياسى – ەلدى رۋحاني بايلىققا كەنەلتۋ، قاستەرلى قۇندىلىعىمىز – تاۋەلسىزدىكتى نىعايتا تۇسۋگە يگى ىقپال ەتۋ. بۇل ورايدا بۇگىندە وتاندىق قالامگەرلەردىڭ كوركەم شىعارمالارىنا مەملەكەت تاراپىنان قالاماقى تولەۋ ماسەلەسى ورنىقتى شەشىمىن تاۋىپ، ٴتول ادەبيەتىمىزدىڭ بىرەگەي تۋىندىلارى الەمنىڭ ايتۋلى 6 تىلىنە اۋدارىلىپ جاتقانى ەلەۋلى وقيعا دەپ بىلەمىن. بۇگىنگى قۇرىلتاي وتاندىق ادەبيەتكە، سول ارقىلى ەلىمىزدىڭ رۋحاني الەمىنە ۇلكەن بەتبۇرىس اكەلەدى، سونداي-اق جازۋشىلار وداعىنىڭ جۇمىسىنا جاڭا لەپ، تىڭ قارقىن بەرەدى دەپ سانايمىن! حالقىمىزدىڭ رۋحاني بولاشاعى تۋرالى سۇبەلى سوزدەر مەن كوشەلى ويلار ايتىلىپ، ادەبيەتىمىزدىڭ دامۋ باعدارىن ايقىندايتىن سالماقتى شەشىمدەر قابىلدانادى دەپ سەنەمىن. ابىز جازۋشىلار مەن جاس بۋىننىڭ اراسىنداعى، قالامگەر مەن وقىرماننىڭ اراسىنداعى رۋحاني ساباقتاستىق نىعايا بەرسىن» - دەلىنگەن ەلباسىنىڭ قۇتتىقتاۋ حاتىندا.

قۇرىلتايدا قازاقستان جازۋشىلار وداعى باسقارماسىنىڭ جاڭا قۇرامىن، قازاقستان جازۋشىلار وداعى باسقارماسىنىڭ جاڭا ٴتوراعاسىن، باقىلاۋ-تەكسەرۋ كوميسسياسىن سايلاپ، اعالار القاسىنىڭ قۇرامىن بەكىتۋ قاراستىرىلعان.

تاۋەلسىزدىكتىڭ العاشقى كۇندەرىنەن باستاپ مەملەكەت تاراپىنان جازۋ­شىلارعا ۇدايى قولداۋ ٴبىلدىرىپ كەلەدى. اتاپ ايتساق، جىل سايىن شىعارماشىل قىزمەتكەرلەر مەن مادەنيەت قىزمەتكەرلەرىن مەملەكەتتىك قولداۋ ماقساتىندا قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ مادەنيەت سالاسىنداعى مەملەكەتتىك ستيپەندياسى بەرiلەدi. سونىمەن قاتار، ەكى جىلدا ٴبىر رەت قازاقستان رەسپۋبليكاسىنىڭ ادەبيەت پەن ونەر سالاسىنداعى مەملەكەتتىك سىيلىعى تۇراقتى تۇردە تابىستالىپ كەلەدى.

مەملەكەتتىك جانە قوعامدىق قىزمەتتە سىڭىرگەن ەڭبەگى، ەلدىڭ الەۋمەتتىك-ەكونوميكالىق جانە مادەني دامۋىنا، حالىقتار اراسىنداعى دوستىق پەن ىنتىماقتاستىقتى نىعايتۋعا قوسقان ەلەۋلى ۇلەسى ٴۇشىن ٴبىرقاتار جازۋشى قر پرەزيدەنتىنىڭ جارلىعىمەن ٴارتۇرلى مەملەكەتتىك ناگرادالارمەن ماراپاتتالدى. ەلىمىزدە جىل سايىن مەملەكەتتىك تاپسىرىس اياسىندا قازاقستاندىق ۇزدىك اۆتورلاردىڭ كىتاپتارىن شىعارۋ ٴىسى يگى داستۇرگە اينالعان.

«2017 جىلى قر مادەنيەت جانە سپورت مينيسترلىگى «مادەنيەت تۋرالى» زاڭعا كىتاپ شىعارۋ بولىگىندە ٴتيىستى وزگەرتۋلەر مەن تۇزەتۋلەر ەنگىزدى. بۇل تۇزەتۋلەر تالاي جىلدار بويى شەشىمىن تاپپاي كەلە جاتقان قازاقستاندىق اۆتورلارعا قالاماقى تولەۋ ىسىنە قاتىستى. اتالعان زاڭ قولىنا قالام ۇستاعان جازۋشىلارعا بەرىلىپ جاتقان ۇلكەن مۇمكىندىك، جاڭا سەرپىلىس» - دەپ اتاپ ٴوتتى جيىنعان قاتىسقان مادەنيەت جانە سپورت ٴمينيسترى ارىستانبەك مۇحامەدي ۇلى.

سونداي-اق، ەلىمىزدىڭ وبلىستىق، اۋداندىق، قالالىق، اۋىلدىق كىتاپحانالارىن جاڭا كىتاپتارمەن قامتۋ ماقساتىندا 2017 جىلدان باستاپ كىتاپ تارالىمى 5 000 داناعا دەيىن ۇلعايتىلىپ، قالاماقى بەرۋ پروسەسى تۇبەگەيلى وزگەردى.

بۇگىندە رەسپۋبليكالىق مادەنيەت ۇيىمدارى مەن جازۋشىلار وداعى اراسىندا تىعىز بايلانىس ورناتىلعان. كىتاپحانالاردا وداقپەن بىرلەسە فورۋم، بيەننالە، كىتاپ كورمەلەرى، ادەبي سازدى كەشتەر، مارافوندار، كەزدەسۋلەر، دوڭگەلەك ۇستەلدەر سەكىلدى ٴىس-شارالار تۇراقتى تۇردە وتكىزىلىپ وتىرادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي