USD 336.23 EUR 360.3 RUB 5.28
استانا:

قازاقستان جازۋشىلارى ماسكەۋلىك ارىپتەستەرىمەن كەزدەستى

فوتو: Әлеуметтік желі

كەزدەسۋ بارىسىندا قازاقستاننىڭ رەسەيدەگى ەلشىلىگى مەن قازاقستان جازۋشىلار وداعى «ليتەراتۋرنايا گازەتا» جانە «رومان-گازەتا» شىعارعان «قازاقستان-رەسەي» ادەبي الماناحىنىڭ ەكىنشى ٴبولىمى جازۋشىلارعا ۇسىنىلدى. الماناحتى جالعاستىرۋ شەشىمى وتكەن جىلى قازاندا بولعان قازاقستان جانە رەسەي جازۋشىلار كەزدەسۋىندە قابىلدانعان بولاتىن. ەكىنشى الماناحتىڭ ەكىنشى ٴبولىمى ەكى ەلدىڭ جاس جازۋشىلار شىعارماشىلىعىنا ارنالدى. پرەزيدەنت ن.نازابايەۆتىڭ قازىرگى زامانداعى مادەنيەت ديالوگىنىڭ ماڭىزدىلىعى تۋرالى ويىنىڭ ارقاسىندا ەكى ەل جازۋشىلارىنىڭ شىعارماشىلىق بايلانىسى ٴوتىپ جاتقانىن قازاقستاننىڭ رەسەيدەگى توتەنشە جانە وكىلەتتى ەلشىسى مارات ٴتاجين تۇساۋ كەسۋ ٴراسىمى بارىسىندا باسا ايتتى، دەيدى baq.kz ٴتىلشىسى.

ول، وسى ٴبولىم جاس قالامگەرلەرگە ارنالىپ، قازاقستان تاۋەلسىزدىگىنىڭ 25-جىلدىعىنا وراي باسىلاپ شىققانىن ايتىپ ٴوتتى.

"قازاقستاننىڭ تاۋەلسىزدىك جىلدارىندا ەلىمىزدە قىزىقتى، جاس، ەرەكشە اۆتورلار بۋىنى ٴوسىپ شىقتى جانە ولاردىڭ شىعارماشىلىعى ورىس اۋديتورياسىنىڭ قىزىعۋشىلىعىن تۋعىزۋى مۇمكىن. قازاقستاندا دا رەسەيدىڭ جاڭا ادەبيەتىمەن تانىسۋعا قىزىعۋشىلىق بايقالادى. جاڭا جيناققا شىعارماشىلىعى دا جانە وزدەرى دە ەكى مىڭجىلدىقتىڭ تۇيىسىندە تۋىلعان ەلۋدەن استام پروزايك جانە اقىنداردىڭ ەڭبەكتەرى ەندى. ٴبىزدىڭ جوبا – بۇل وتكەندى اڭساۋ ەمەس. بۇگىنگى جازۋشىلار ديالوگتى مۇنداي نەگىزدە قۇرۋعا بولمايدى. مادەني ۇدەرىستى وتكەن زاماننىڭ ۇلگىسىمەن ولشەۋگە بولمايدى. دەگەنمەن مادەنيەت جانە ادەبيەت سياقتى سالالار ادامداردى بىرىكتىرەتىن سيپاتىنان ايىرىلماعان. بۇنىڭ بارلىعىنىڭ كۆينتەسسەنسياسى، دراماتيزم، سەزىم جانە وتكەنمەن قوشتاسۋ جانە جاڭا الەمنىڭ دۇنيەگە كەلۋى، جاڭا كەيىپكەرلەر، بەينەلەر جانە سوزدەر – وسىنىڭ بارلىعى جاڭا الماناحتا جينالعان» دەدى مارات ٴتاجين.

ٴسوز سوڭىندا ەلشى جاڭا ادەبي جيناقتىڭ شىعۋىنا قولداۋ كورسەتكەن قر مادەنيەت جانە سپورت مينيسترلىگىنە، قازاقستان جازۋشىلار وداعىنا جانە «ليتەراتۋرنايا گازەتانىڭ" باسشىلىعىنا العىسىن ايتتى.

«مەنىڭ ويىمشا، الماناحتىڭ بارلىق قاتىسۋشىلارى ٴوزىنىڭ ەرەكشە داۋسىمەن تانىمال، اسىرەسە، ۇلتتىق مادەنيەت باعدارلارعا بۇلجىماستىق ٴبىلدىرىپ، جاسامپازدىققا بەت بۇرىپ جانە ادەبيەتكە بار ىنتاسىمەن قىزمەت ەتۋگە دايىن، - دەپ جازادى پولياكوۆ ٴوز العى سوزىندە. – ەگەر رەسەي مەن قازاقستاننىڭ جاس جازۋشىلارى ٴبىر-بىرىن تەك وقۋمەن شەكتەلمەي، اۋدارا باستاسا، وندا ٴبىزدىڭ مەملەكەتتەرىمىزدىڭ دوستاستىعىنا جانە ىنتىماقتاستىعىنا ەشقانداي قيراتقىش گەوساياسي داۋىلداردا ٴقاۋىپ توندىرە المايدى».

كەزدەسۋ باسىندا قازاقستان جازۋشىلار وداعى جولداعان ارنايى قۇتتىقتاۋ حاتى دا وقىلدى. وندا قازاقستان-رەسەيلىك ادەبي بايلانىستارىنىڭ ٴداستۇرلى دوستىق سيپاتى اتالىپ، جانە قازاقستاننىڭ رەسەيدەگى ەلشىلىگىنىڭ باستامالارى ارقاسىندا جاڭا جاسامپازدىق قۋات الىپ جاتقانى ايتىلعان.

«ٴبىز تۋعان ٴتىلىن جانە ادەبيەتىن – ياعني حالقىن ساقتاۋ ميسسياسىن، قولدارىنا العان 30-40 جاستاعى ادەبيەتشىلەردىڭ ەڭبەكتەرى ەنگەن «قازاقستان-رەسەي» الماناحىنىڭ ەكىنشى ٴبولىمى جارىق كورۋىمەن بارلىقتارىڭىزدى قۇتتىقتايمىز! ەگەر دە جيناقتىڭ مازمۇنىمەن مۇقيات تانىسساق، بۇل قالىپتاسقان ادەبي بۋىنعا سەنىمدى كۇش بەرەرىنە كوزىمىز جەتەدى»، - دەلىنگەن قازاقستان جازۋشىلار وداعىنىڭ ٴتوراعاسى نۇرلان ورازالين جولداعان قۇتتىقتاۋ حاتتا.

كەزدەسۋ بارىسىندا جاس اۆتورلار ەۋرازيالىق كەڭىستىكتە ادەبيەت ۇدەرىسىنىڭ ەڭ وزەكتى ماسەلەلەرىن تالقىلاپ، وزدەرىنىڭ شىعارماشىلىق ويلارىمەن جانە جوسپارلارىمەن ٴبولىستى. سونىمەن بىرگە، قازاقستان-رەسەي جازۋشىلار كلۋبىنىڭ بارلىق مۇشەلەرىنىڭ قاتىسۋىمەن ورىنداۋعا بولاتىن جاڭا جوبالار بويىنشا پىكىر الىستى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي