BAQ.kz - Қазақстан жаңалықтары USD 343.06 BAQ.kz - Қазақстан жаңалықтары EUR 402.38 BAQ.kz - Қазақстан жаңалықтары RUB 5.49
استانا:

قازاق ادەبيەتىنىڭ جيناقتارى 600 ميلليوننان استام ادام سويلەيتىن يسپان تىلىنە اۋدارىلماق

فوتو: ҚазАқпарат

مادريدتە يسپانيا مادەنيەت مينيسترلىگىنىڭ قولداۋىمەن قازاق ادەبيەتى جيناقتارىن يسپان تىلىنە اۋدارۋ، باسىپ شىعارۋ جانە ىلگەرىلەتۋ جوباسىنىڭ الەۋمەتتى قاتىسۋشىلارىمەن كەلىسسوزدەر اياقتالدى، دەپ حابارلايدى baq.kz اقپارات اگەنتتىگى قازاقپارات-قا سىلتەمە جاساپ.

«رۋحاني جاڭعىرۋ» باعدارلاماسى اياسىندا جۇزەگە اسىرىلاتىن وسىناۋ قازاقستاندىق باستاماعا يسپانيانىڭ مادەنيەت مينيسترلىگى ستراتەگيالىق سەرىكتەس بولسا، جوبا كەڭەسشىسى رەتىندە «سەرۆانتەس ينستيتۋتى» بەكىتىلگەن. ٴبىرقاتار ٴىرى يسپاندىق باسىلىمنىڭ ۇسىنىستارىن قاراپ، سونىمەن قاتار ستراتەگيالىق سەرىكتەستىك ۇسىنىسىمەن قازىرگى قازاق ادەبيەتىنىڭ 2 انتولوگياسىن يسپان تىلىنە ادەبي اۋدارۋ، باسىپ شىعارۋ جانە تاراتۋ بويىنشا جۇمىستاردىڭ نەگىزگى وپەراتورى رەتىندە «visor-libros» باسپا ٴۇيى بەلگىلەنىپ وتىر.

سايكەسىنشە مەموراندۋمعا يسپان استاناسىنداعى قازاقستان ەلشىلىگىندە قول قويىلدى. قۇجاتتى «رۋحاني جاڭعىرۋ» باعدارلاماسىن جۇزەگە اسىرۋ جونىندەگى ۇلتتىق كوميسسيانىڭ حاتشىسى ايدا بالايەۆا مەن باسپا ٴۇيىنىڭ پرەزيدەنتى حەسۋس گارسيا سانچەس راسىمدەدى. شاراعا قازاقستاننىڭ يسپانياداعى ەلشىسى كونستانتين جيگالوۆ پەن «ۇلتتىق اۋدارما بيۋروسىنىڭ» ديرەكتورى راۋان كەنجەحان ۇلى قاتىستى.

«visor-libros» شەتەلدىك ادەبيەتپەن جۇمىس ىستەيتىن مامانداندىرىلعان باسپا سانالادى. باسپا رەداكسياسى الەمنىڭ 10-نان استام ەلىنىڭ اقىن-جازۋشىلارىنىڭ شىعارمالارىن اۋدارۋ، باسىپ شىعارۋ جانە ىلگەرىلەتۋدە كوپ جىلدىق تاجىريبەگە يە. سونىمەن قاتار بۇل باسپا لاتىن امەريكاسى ەدەرى مەن سولتۇسىك امەريكانىڭ يسپان ٴتىلدى حالىقتارىنىڭ اراسىندا كەڭىنەن تانىمال. قازاقستانمەن ىنتىماقتاستىق اياسىندا باسپا يسپانيادان تىسقارى جەردە دە قازاق ادەيەتىنىڭ انتولوگياسىن تاراتۋعا قاتىساتىن بولادى. ايتا كەتەرلىگى، يسپان ٴتىلى تەك يسپانيادا عانا ەمەس، سونىمەن قاتار لاتىن امەريكاسىنىڭ 18 ەلىنىڭ حالقى ٴۇشىن دە انا ٴتىلى سانالادى. بۇل تىلدە الەمدە 600 ميلليوننان استام ادام سويلەيدى.

«ٴبىز ٴۇشىن يسپاندىق وقىرماننىڭ جان-جۇرەگىنە دەيىن جەتەتىندەي اۋدارمانىڭ جوعارى ساپاسىن قامتاماسىز ەتۋ ماڭىزدى. شىعارماشىلىق ۇجىمدارىمىزدىڭ بىرلەسكەن جۇمىسى قازاق پەن يسپان مادەنيەتىن ودان ارى جاقىنداتا تۇسۋگە، ەلدەرىمىز اراسىنداعى قارىم-قاتىناستى نىعايتۋعا كوپىر بولادى»، - دەدى يسپاندىق باسپاگەرلەرمەن كەزدەسۋ بارىسىندا ايدا بالايەۆا.

قازىرگى قازاق ادەبيەتىن بۇۇ-نىڭ 6 تىلىنە اۋدارۋ جۇمىستارى «جاھاندىق الەمدەگى قازىرگى قازاق مادەنيەتى» جوباسى اياسىندا جۇزەگە اسىرىلۋدا. جوبا اياسىندا قازىرگى قازاق ادەبيەتىنىڭ ەكى انتولوگياسى يسپان تىلىنە اۋدارىلاتىن بولادى. ولار: «قازىرگى قازاق پوەزياسىنىڭ انتولوگياسى» مەن «قازىرگى قازاق پروزاسىنىڭ انتولوگياسى». ٴاربىرى شامامەن 500 بەتتەن تۇراتىن انتولوگيالارعا 60 قازاقستاندىق اۆتوردىڭ شىعارماسى ەنگىزىلگەن.

ەستەرىڭىزدە بولسا بۇعان دەيىن قازاق ادەبيەتىنىڭ انتولوگياسى كەمبريدج ۋنيۆەرسيتەتىندە اعىلشىن تىلىندە شىعارىلاتىنىن تۋرالى حابارلاعان بولاتىنبىز.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي