USD 335.71 EUR 357.36 RUB 5.23
استانا:

ەلباسىنىڭ ٴومىر جولىنا ارنالعان كىتاپ كورمەسى اشىلدى

قازاقستان رەسپۋبليكاسىنىڭ ۇلتتىق اكادەميالىق كىتاپحاناسىندا قازاقستان رەسپۋبليكاسىنىڭ تۇڭعىش پرەزيدەنتى كۇنىنە ارنالعان «ٴبىزدىڭ پرەزيدەنت. كوشباسشىلىق فەنومەنى» تاقىرىبىنداعى كىتاپ كورمەسىنىڭ اشىلۋ سالتاناتى ٴوتتى، دەپ حابارلايدى baq.kz ٴتىلشىسى.

«ٴبىزدىڭ پرەزيدەنت. كوشباسشىلىق فەنومەنى» تاقىرىبىندا كىتاپ كورمەسى اشىلادى. كورمە ەكسپوزيسياسى كەلەسىدەي بەس بولىمنەن تۇرادى: «ٴومىربايان جانە وتباسى»، «مەملەكەتتىك رامىزدەر»، «اتاق دارەجەسى جانە ماراپاتتارى»، «حالىقارالىق فورۋمدار»، «ەلى تاڭداعان ەلباسى».

كىتاپ كورمەسىنىڭ اشىلۋ سالتاناتىنا قر پارلامەنت ٴماجىلىسىنىڭ دەپۋتاتى باقىتبەك سماعۇل، قوعام قايراتكەرى سادىبەك تۇگەل، جازۋشى مارات ٴماجيتوۆ باستاعان زيالى قاۋىم وكىلدەرى مەن مەكتەپ وقۋشىلارى، ۇستازدار، وقىرماندار قاتىستى.

"بۇگىن قازاق ەلىنىڭ بولاشاعى بولار جاستارمەن جولىعىپ وتىرمىز. پرەزيدەنتىمىز "مەنىڭ حالقىم وزگە ۇلتتىڭ تۇسىنە كىرسە، شوشىپ وياناتىنداي اۋىر تاعدىردى باستان كەشتى. ٴتىپتى، تۇپ-تۇقيانىمەن قىرىلىپ، جويىلىپ تا كەتەتىن كەزى بولدى. ازاتتىققا دەگەن ارپالىس، تاۋەلسىزدىككە دەگەن تالپىنىس، بۇگىنگى تاڭعا جەتكىزدى" دەگەن ٴسوزى بار ەدى. سول تاڭنىڭ، ارايلى تاڭنىڭ ٴتول پەرزەنتتەرىسىزدىر. ازاتتىقتىڭ اۋاسىن اڭساعان اتا-بابالارىمىزدىڭ، تاۋەلسىزدىك تاڭىنداعى كەۋدەسىن كەرە جۇتقان تاۋەلسىزدىكپەن تىنىستاعان تۇلەكتەرىسىزدەر. ەل ەرتەڭى جاستارىمىزدىڭ قولىندا دەيتىن بولساق، سول بولاشاقتىڭ باستاۋى دا سەندەرسىڭدەر - دەدى كىتاپ كورمەسىنىڭ اشىلۋىنا جينالعان وقۋشىلارعا ارناپ.

ەكسپوزيسيانىڭ ۇلكەن ٴبىر ٴبولىمى پرەزيدەنت ن. نازاربايەۆتىڭ كىتاپتارىنان تۇرادى. وقىرماندار پرەزيدەنتتىڭ «ٴححى عاسىر بوساعاسىندا»، «g-global: ٴححى عاسىر الەمى» (قاز.، ورىس. جانە اعىلشىن تىلدەرىندە) ٴتارىزدى تۋىندىلارىمەن، مەملەكەت باسشىسىنىڭ قايراتكەرلىگى تۋرالى ٴتۇرلى كىتاپتارمەن، ياعني ۆ.ف.ميحايلوۆ، ت.ا.مانسۋروۆتاردىڭ «ونەگەلى ادامدار ٴومىرى» سەرياسىمەن جارىق كورگەن «نۋرسۋلتان نازاربايەۆ» اتتى كىتابىمەن جانە «ٴححى ۆەك ستانەت زۆەزدنىم ۆەكوم كازاحستانا» («ححi century will be kazakhstan’s century to celebrate») اتتى باسىلىمدارىمەن تانىسا الادى. بۇل كىتاپتاردا قازاقستان رەسپۋبليكاسى پرەزيدەنتىنىڭ سيرەك كەزدەسەتىن فوتوسۋرەتتەرى بەرىلگەن، سول سۋرەتتەردەن وقىرماننىڭ كوز الدىنا مەملەكەت باسشىسى رەتىندە ەمەس، حالقىنىڭ ناعىز كوشباسشىسى ٴارى وتانسۇيگىش ازامات رەتىندەگى نۇرسۇلتان نازاربايەۆ كەلەدى. باسىلىمدا نۇرسۇلتان نازاربايەۆتىڭ وتان، ۇلتتىق سالت-داستۇرلەرىمەن ەرەكشەلەنگەن قازاقستان حالقى تۋرالى قاناتتى سوزدەرى كەلتىرىلگەن.

"مۇندا پرەزيدەنتتىڭ بۇكىل ٴومىرى الاقانداعىداي ايقىن كورىنىس العان: بالالىق شاعى، بوزبالا جانە جاستىق شاعى، كەمەلدىك كەزەڭى جانە مەملەكەت باسشىسىنىڭ مەملەكەتتى نىعايتۋعا، ەكونوميكانى، الەۋمەتتىك-مادەني سالالاردى دامىتۋعا، قازاقستاننىڭ باسقا ەلدەرمەن حالىقارالىق بايلانىستارىن ورنىقتىرۋعا باعىتتالعان تاۋەلسىز قازاقستاننىڭ يگىلىگى جولىنداعى كوپ قىرلى قايراتكەرلىگى. تاۋەلسىز قازاقستاننىڭ باس قالاسى – استانانىڭ قالىپتاسۋ تاريحىندا ەلباسىنىڭ ٴرولى ەرەكشە بولدى. پرەزيدەنت ەلوردامىزدى گۇلدەندىرۋگە، ەكونوميكاسى مەن ينفراقۇرىلىمىن جەتىلدىرۋگە ولشەۋسىز ۇلەس قوستى. بۇل تۋرالى كورمەدە باياندالادى" - دەيدى كىتاپحانا قىزمەتكەرلەرى.

سونىمەن قاتار وسى شارا بارىسىندا «ن. نازاربايەۆ – قازاقستان رەسپۋبليكاسىنىڭ سىرتقى ساياساتىنىڭ نەگىزىن قالاۋشى»، « ۇلى دالا ەلى جانە تاريحتاعى تاريحي سانا حاھىندا» تاقىرىپتارىنداعى دارىستەر، «مەنىڭ تۇڭعىش پرەزيدەنتىم» تاقىرىبىندا مەكتەپ وقۋشىلارىنا ارنالعان تاربيە ساعاتى ٴوتتى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي