BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

استانادا ٴىىى حالىقارالىق وقۋ كونگرەسى ٴوتىپ جاتىر 

قر ۇلتتىق اكادەميالىق كىتاپحاناسى تاۋەلسىزدىك سارايىندا قر مادەنيەت جانە سپورت مينيسترلىگىنىڭ قولداۋىمەن استانا قالاسىنىڭ 20 جىلدىعىنا وراي «زاماناۋي الەمدەگى وقۋ مادەنيەتى» تاقىرىبىنداعى ٴىىى حالىقارالىق وقۋ كونگرەسىن ٴوتىپ جاتىر، دەپ حابارلايدى baq.kz اقپارات اگەنتتىگى.

"كونگرەسستىڭ ماقساتى كىتاپ وقۋدى ناسيحاتتاۋدىڭ الەمدىك تاجىريبەسىن تالقىلاۋ، وقىرمانداردىڭ مادەني قۇزىرەتتىلىگىن جاقسارتۋ، ينتەللەكتۋالدىق الەۋەتتى ارتتىرۋ، كىتاپحانالاردىڭ الەۋمەتتىك-مادەني مەكەمە رەتىندە قىزمەتىن جەتىلدىرۋدىڭ پىكىرتالاس الاڭى بولماق" - دەيدى كونگرەسستىڭاشىلۋسالتاناتىندا قر جازۋشىلار وداعىنىڭ ٴتوراعاسى ۇلىقبەك ەسداۋلەت.

ٴىس-شاراعا ادەبيەت سالاسى بويىنشا نوبەل سىيلىعىنىڭ لاۋرەاتى كادزۋو يسيگۋرو، تانىمال جازۋشىلار يانۋش ۆيشنەۆسكيي، گەورگيي پرياحين، قازاقستاننىڭ اقىندارى مەن جازۋشىلارى: دۋلات يسابەكوۆ، قابدەش ٴجۇمادىلوۆ، بەكسۇلتان نۇرجەكەەۆ، بايبوتا قوشىم-نوعاي، مارالتاي ىبىرايەۆ جانە باقىتجان قاناپيانوۆ ت.ب. قاتىسىپ جاتىر.

ەكى كۇنگە جالعاساتىن كونگرەسستىڭ پلەنارلىق وتىرىسىنا قازاقستان جازۋشىلار وداعىنىڭ ٴتوراعاسى ۇلىقبەك ەسداۋلەت، عالىم-تۇركولوگ ٴابدۋاقاپ قارا (تۇركيا، ستامبۋل)، عالىم، اۋدارماشى حۋان چجونسيان (پەكين، كيتاي)، جازۋشى، جۋرناليست، پرياحين گەورگيي ۆلاديميروۆيچ، (موسكۆا، روسسيا)، يتاليا، ماكەدونيا، ەگيپەت، يران، ينديا، يسپانيا، پاكيستان، تۇركيا، ازەربايجان، بەلورۋسيا، فرانسيا ەلىنىڭ اقىندارى مەن جازۋشىلارى قاتىسادى.

سونىمەن قاتار اتالعان شاراعا ارنايى قوناق رەتىندە شىڭعىس ايتماتوۆتىڭ حالىقارالىق قورىنىڭ پرەزيدەنتى (ىستىقكول فورۋمى) اسقار ايتماتوۆ شىڭعىس ۇلى (قىرعىزستان)، ماركەتينگ كوممۋنيكاسياسىنىڭ مامانى، بيزنەسمەن، بلوگگەر ەرجان راشەۆ، باسپاگەر، جۋرناليست، بيزنەسمەن، بلوگەر بەيبىت الىبەكوۆ، تمد-عا قاتىسۋشى مەملەكەتتەردىڭ مادەنيەت جانە ونەر تۋرالى «سودرۋجەستۆو يسكۋسستۆ» مەملەكەتارالىق اقپاراتتىق-تالدامالىق جۋرنالىنىڭ باس رەداكتورى اندرەي اندرەەۆيچ بليوك (روسسيا، سانكت-پەتەربۋرگ)، ارمەنياداعى «كومسومولسكايا پراۆدا» جانە «ارگۋمەنتى نەدەلي» گازەتىنىڭ ديرەكتورى، «يراۆنۋك» گازەتىنىڭ جارناما ٴبولىمىنىڭ باستىعى ۆارتان سپارتاكوۆيچ استۆاساتاريان، ت.ب. تانىمال تۇلعالار شاقىرىلعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي