USD 335.61 EUR 361.32 RUB 5.26
استانا:

سەرىك اقسۇڭقار ۇلى: جەك كورەم ٴيتتى...

فوتو: Шыңғыс ҚАППАРОВ

ەۋرازيا ۇلتتىق ۋنيۆەرسيتەتىنىڭ باس عيماراتىندا قازاقتىڭ كوكجال اقىنى سەرىك اقسۇڭقار ۇلىنىڭ وقىرماندارمەن كەزدەسۋ كەشى ٴوتتى، دەپ حابارلايدى baq.kz ٴتىلشىسى.

كەنجەعالي مىرجىقباي جەتەكشىلىك ەتەتىن "كاۋسار" مادەني-شىعارماشىلىق بىرلەستىگىنىڭ ۇيىمداستىرۋىمەن وتكەن سەرىك اقسۇڭقار ۇلىنىڭ شىعارماشىلىق كەشىنە ەلوردا تۇرعىندارى، ستۋدەنتتەر، الىس-جاقىننان كەلگەن جىرسۇيەر قوناقتار قاتىستى.

ارقىراعان اقىننىڭ اساۋ جىرلارىن ەۇۋ-دىڭ ستۋدەنتتەرى ساحنادا اقىننىڭ جىرلارىن ناقىشىنا كەلتىرىپ وقىدى. سەرىك اقسۇڭقاردىڭ سوزىنە جازىلعان كومپازيتور ٴامىر ەسجانوۆتىڭ «ەسىل مەن نۇرا»، «ابىرالى» اندەرىن ٴانشى گۇلميرا سارينا، «قىزىما» دەگەن ٴانىن جاس ٴانشى كارينا كارەنينا ورىندادى.

وقىرمانداردىڭ سۇراقتارىنا جاۋاپ بەرگەن اقىن ادەبيەت مايدانىنداعى بىرنەشە تۇيتكىلدى ماسەلەگە جاۋاپ بەردى.

بولاشاق اقىندار اتوم بومباسىن جاسايتىنداردىڭ، ينجەنەرلەردىڭ اراسىنان شىعۋ كەرەك

-ەلوردادان تىس جەردە اقىن-جازۋشىنىڭ باسىن قوسىپ، ەلدىك مۇددەگە قىزمەت ەتۋ جايىندا نە ايتاسىز؟

قاي ەلدىڭ استاناسى قايدا بولسا، ينتەلەگەنسياسى سوندا بولۋ كەرەك. وزدەرىڭىز بىلەسىزدەر، ٴبىز قيىن قوعامدا ٴومىر سۇردىك، سول كەڭەس وداعىن ٴالى كۇنگە دەيىن جاماندايمىز. ٴبىراق، كەڭەس ۇكىمەتى اقىلدى مەملەكەت بولدى. تەك قانا ماسكەۋ عانا ەمەس، وداقتاس ەلدەردىڭ استاناسى قايدا بولسا، رۋحاني ورتاسى سوندا بولدى. الماتى ٴبىر كەزدەرى قانداي ەدى؟ بۇل استاناعا تەك قانا قالتالىلاردى اكەلە بەرمەي، ادەبيەت پەن ونەرگە بارلىق پوتەنسيالىن بەرىپ جاتقان 100 ادامدى اكەلۋگە جاعدايىمىز جەتەدى عوي. ينتەلەگەنسيانىڭ باسىن قوسپاي، استانا تاريحتاعى ٴرولىن اتقارا المايدى.

-قازاق اقىندارى ىلعي رەسەي قالامگەرلەرىنەن مىسال الادى. بۇل ورىس ٴتىلىن جەتىك مەڭگەرگەننەن تۋعان قاسيەت پە، جوق الدە كسرو زارداپتارى ما؟

مەن ورىس ادەبيەتىن الەمدەگى ەڭ وزىق ادەبيەت دەپ ەسەپتەيمىن. دۇنيەدە جامان حالىق جوق، ورىس دەگەن ۇلى حالىق. ونىڭ ادەبيەتىندەي الەمدە ادەبيەت از. ەگەر قازاق ادەبيەتى كەمەلىنە كەلىپ، باسقا ەلدەرمەن ۇزەڭگى قاعىستىرىپ وتىرسا، بۇل ٴۇشىن ورىس ادەبيەتىنە قارىزدار. ٴبىراق، سويتكەن ورىسىڭىز ٴبىزدىڭ ابايدى ٴالى ٴوز تىلىندە سويلەتە المادى. ٴبىز ولاردىڭ بارلىق كلاسسيكتەرىن قازاق تىلىنە قوتارىپ الدىق. ورىس ٴتىلىنىڭ ابايدى سويلەتۋگە پوتەنسيالى جەتپەيدى. بىزگە ەندى ورىس تىلىنە تەلمىرىپ وتىرۋدى قويۋ كەرەك. الەمگە اعىلشىن ٴتىلى ارقىلى جول تابۋ كەرەك.

-اقىن-جازۋشىنىڭ باسقا ماماندىقتىڭ يەسى بولۋى ونىڭ جازۋ قابىلەتىنە قانشالىقتى اسەر ەتەدى؟

مىسالى، كاكىمبەك سالىقوۆ كەنشى، ٴبىراق كەرەمەت اقىن بولدى. چەحوۆتىڭ ماماندىعى دارىگەر. بولاشاق اقىندار اتوم بومباسىن جاسايتىنداردىڭ، ينجەنەرلەردىڭ اراسىنان شىعۋ كەرەك. تىكەلەي ادەبيەتشىلەردىڭ اراسىنان شىعا بەرۋ شارت ەمەس. فيلولوگيادا وقىعان ادامدار ٴجوندى اقىن بولا المايدى.

قاسقىردىڭ مونولوگى

سەرىك اقسۇڭقار ۇلى

جەك كورەم ٴيتتى!

الىسىپ جۇرەم،

شابىسىم جۇرەم!

قاعىنىپ…

سايىن دالانىڭ تاعىسىمىن – مەن،

نە دەگەن عاجاپ – تاعىلىق!

شاۋىپ تۇسەمىن!

كۇش اعىسىمدى

سىيعىزا الماي ىشىمە.

ادامنىڭ الماس پىشاعى سىندى

ىرزامىن ازۋ تىسىمە!

قاسقىر – بابالار!

بار ۇلىستاردىڭ

مازاسىن الىپ مانادان –

يتتەرمەن بولعان قاندى ۇرىستاردىڭ

ٴيىسىن سەزەم دالادان.

قاڭقۋ ٴسوز جۇرەك كەگىن ۇرلەيدى،

قورلىق-قارعىسقا بارابار.

بىزبەنەن ٴيتتىڭ تەگى – ٴبىر دەيدى…

راس پا، قاسقىر – بابالار؟!

ولەكسە ٴۇشىن ج ۇلىسقان بولساق،

ٴومىرى بىتپەي كەگىمىز،

يتتەرمەن بىرگە تۋىسقان بولساق،

نە بولدى – اتا تەگىمىز؟!

الا توبەتتىڭ استىندا قالار،

كۇن تۋعانى ما اقىرى…

نەگە ۇندەمەيسىڭدەر، قاسقىر-بابالار،

قاعىنىپ كەتكەن جاتىرى؟!

نەگە ۇندەمەيسىڭدەر؟

ۇرلىق ٴتۇن ەدى:

جاتقانىم مىناۋ – جاۋ ٴىشى.

اسپاننىڭ استىن دۇرلىكتىرەدى،

ۇرگەن يتتەردىڭ داۋىسى…

فوتو: شىڭعىس قاپپاروۆ

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي