BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

«التىن توبىلعى» ادەبي بايقاۋىنىڭ جۇلدەگەرلەرى ماراپاتتالدى

استانا، baq.kz. استانادا «التىن توبىلعى» رەسپۋبليكالىق ادەبي بايقاۋىنىڭ جۇلدەگەرلەرى ماراپاتتالدى.

جەڭىمپازدار «جىلدىڭ ۇزدىك پروزاسى»، «جىلدىڭ ۇزدىك پوەزياسى»، «جىلدىڭ بالالارعا ارنالعان ۇزدىك شىعارماسى»، «جىلدىڭ ۇزدىك دراماتۋرگياسى» ٴداستۇرلى اتالىمدار بويىنشا بەلگىلەندى. ٴار نوميناسيا بويىنشا سىياقى قورى 1 ميلليون تەڭگەنى قۇرايدى. سونىمەن قاتار بايقاۋ استانانىڭ مەرەيتويىنا ارنالعان «استانانىڭ 20 جىلدىعى» تاقىرىبىنا ارنالعان ۇزدىك ادەبي تۋىندى» ارنايى اتالىممەن تولىقتى. ونىڭ جۇلدە قورى 1،5 ميلليون تەڭگە.

«جىلدىڭ ۇزدىك پروزاسى» اتالىمىندا «اداسقاندار» شىعارماسىمەن ايزات راقىشەۆا ۇزدىك شىقتى. «جىلدىڭ ۇزدىك پوەزياسى» اتالىمى بويىنشا قايسار قاۋىمبەك («كۇڭىرەنبە، مولالار») جانە ايبول يسلامعاليەۆ («جالعىزدىق كارتيناسى») قاتار جەڭىمپاز اتاندى. «جىلدىڭ بالالارعا ارنالعان ۇزدىك شىعارماسى» اتالىمىندا الينا گاتينا توپ جارسا، «استانانىڭ 20 جىلدىعى» تاقىرىبىنا ارنالعان ۇزدىك ادەبي تۋىندى» اتالىمىنىڭ يەگەرى بولىپ شەرحان تالاپ («استانا بوياۋلارى») تانىلدى. بيىل «جىلدىڭ ۇزدىك دراماتۋرگياسى» اتالىمى بويىنشا ۇسىنىلعان جۇمىستاردىڭ قويىلعان تالاپتارعا ساي كەلمەۋىنە بايلانىستى، جەڭىمپاز انىقتالعان جوق. سونداي-اق «جىلدىڭ ۇزدىك پروزاسى» اتالىمى بويىنشا تۇرسىنبەك باشاروۆقا («چيريمە») جانە «جىلدىڭ بالالارعا ارنالعان ۇزدىك شىعارماسى» اتالىمىندا اقان مارعۇلانعا («جەتىقاراقشى») كوتەرمەلەۋ سىياقىسى رەتىندە 500 مىڭ تەڭگەدەن بەرىلدى.

بايقاۋعا ٴتۇرلى جانردا قالام تەربەپ جۇرگەن 18-35 جاس ارالىعىنداعى قالامگەرلەر قاتىستى. قر تۇڭعىش پرەزيدەنتى - ەلباسىنىڭ قورى جاس ادەبيەتشىلەردىڭ ەڭبەگىنە وسىمەن ٴتورتىنشى رەت قولداۋ كورسەتىپ وتىر. جىلدان جىلعا بايقاۋعا دەگەن قىزىعۋشىلىق ارتىپ كەلەدى. بيىلعى بايگەگە ەلدىڭ تۇكپىر-تۇكپىرىنەن 108 شىعارما كەلىپ تۇسكەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي