BAQ.kz - Қазақстан жаңалықтары USD 346.68 BAQ.kz - Қазақстан жаңалықтары EUR 404.02 BAQ.kz - Қазақстан жаңалықтары RUB 5.47
استانا:

الماتىدا تىنىشتىقبەك ابدىكاكىم ۇلىنىڭ شىعارماشىلىق كەشى وتەدى

20 ٴساۋىر كۇنى الماتىداعى "الاتاۋ" ٴداستۇرلى ونەر تەاترىندا قازاقستان جازۋشىلار وداعىنىڭ مۇشەسى، كورنەكتى اقىن تىنىشتىقبەك ابدىكاكىم ۇلىنىڭ "كوكەك ايى - گۇلستان..." اتتى شىعارماشىلىق كەشى وتەدى، دەپ حابارلايدى baq.kz اقپارات اگەنتتىگى.

قازاقستان جازۋشىلار وداعىنىڭ ۇيىمداستىرۋىمەن وتەتىن كەشكە قازاقتىڭ بەلگىلى اقىندارى مەن ونەر جۇلدىزدارى قاتىسادى.

ەلىمىزدىڭ ٴار وڭىرىنەن جينالعان تانىمال اقىندار تىنىشتىقبەك ابدىكاكىم ۇلىنىڭ ولەڭىن وقىپ، جىردان شاشۋ شاشپاق. اتاپ ايتساق، تەمىرحان مەدەتبەك، يسرايل ساپارباي، مەرەكە قۇلكەنوۆ، ابۋباكىر قايران، قاسىمحان بەگمانوۆ، جاركەن بودەش، باۋىرجان جاقىپ، گۇلنار سالىقباي، تەمىرعالي كوپبايەۆ، مۇرات شايماران، جاراس سارسەك، داۋلەتكەرەي كاپ ۇلى، جاناربەك ٴاشىمجان، باقىت بەدەلحان، الماس تەمىرباي، اقبەرەن ەلگەزەك، ىرىسبەك دابەي، ەرلان ٴجۇنىس، باۋىرجان قاراعىز ۇلى، قالقامان سارين، ەرجان جۇمابەك، جانات جانقاش ۇلى، مەرەي قارتوۆ سىندى تانىمال اقىندار كەش كوركىن قىزدىرماق.

سونداي-اق، ەلەنا ٴابدىحالىقوۆا، ەركىن شۇكىمان، قادىرعالي كوبەنتاي، ەرشات قايىرحان، گۇليا ساعيدوللاقىزى سەكىلدى ونەر قايراتكەرلەرى تىنىشتىقبەك اقىننىڭ سوزىنە جازىلعان اندەردى شىرقايدى. اقىننىڭ "بەسىنشى ماۋسىم جۇپارى" اتتى جاڭا كىتابى دا ساتىلىمعا شىعادى. كەشتىڭ باستالۋى: ساعات 16:00-دە.

ايتا كەتسەك، تىنىشتىقبەك ابدىكاكىم ۇلى - 1953 جىلى 20 شىلدەدە سەمەي وبلىسىنىڭ اباي اۋدانى، قاراۋىل اۋىلىندا تۋعان. 1994 جىلى سەمەي پەداگوگيكا ينستيتۋتىنىڭ فيلولوگيا فاكۋلتەتىن بىتىرگەن. «اباي اۋىلى» گازەتىندە، اباي مۇراجايىندا جۇمىس ىستەگەن.

«اقشام حاتتارى»، «راۋان»، «قاس ساق اڭقىماسى» اتتى ت.ب. جىر جيناقتارىنىڭ اۆتورى. 1993-1996 جىلدارى قازاقستان جازۋشىلار وداعىنىڭ سەمەي بولىمشەسىنىڭ جاۋاپتى حاتشىسى بولىپ قىزمەت اتقاردى. جازۋشىلار وداعىنىڭ مۇشەسى، ت.ايبەرگەنوۆ اتىنداعى سىيلىقتىڭ لاۋرەاتى، جازۋشىلار وداعى ۇيىمداستىرعان اقىندار ٴمۇشايراسىنىڭ باس جۇلدەگەرى. «اقشام حاتتار» (1990)، «ىراۋان» (2000) جىر جيناقتارىنىڭ اۆتورى. 2001 جىلى «ەلوردا» باسپاسىنان «قاس ساق اڭقىماسى» اتتى فيلوسوفيالىق ەڭبەگى شىقتى. 2017 جىلى "بەسىنشى ماۋسىم جۇپارى" اتتى جاڭا كىتابى جارىق كوردى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي