BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

ٴابىش كەكىلباي ۇلى اتىنداعى وقۋ زالى اشىلدى

استانا، baq.kz. قر ۇلتتىق اكادەميالىق كىتاپحاناسىندا قازاقستاننىڭ حالىق جازۋشىسى، مەملەكەت جانە قوعام قايراتكەرى ٴابىش كەكىلباي ۇلى اتىنداعى جاڭا وقۋ زالىنىڭ سالتاناتتى اشىلۋ كەشى بولىپ ٴوتتى.

ٴا.كەكىلباي ۇلى كىتاپحاناسى ەڭ باي كىتاپحانالاردىڭ ٴبىرى بولىپ سانالادى. ٴابىش كەكىلباي ۇلى اتىنداعى وقۋ زالىنىڭ قورى جازۋشىنىڭ كىتاپحانا كوللەكسياسىنان ىرىكتەلگەن جەكە كىتاپحاناسىنىڭ كاتالوگى بويىنشا مىناداي ادەبيەتتەردى ۇسىنادى: بۇل - ادامزات تاريحىنا ارنالعان مادەنيەت جانە ونەر تاريحى تۋرالى باسىلىمدار، پلانەتانىڭ ۇلى تۇلعالارى تۋرالى كىتاپتار، قازاقستاننىڭ اقىندارى مەن جازۋشىلارىنىڭ كىتاپتارى، البومدار مەن اتلاستار، قازاقستاننىڭ گەوگرافياسى مەن تاريحى جانە ونىڭ شاعىن وتانى – ماڭعىستاۋداعى الماناحتار مەن كوپتەگەن قىزىقتى باسىلىمدار.

ٴىس-شارا بارىسىندا ٴا.كەكىلباي ۇلىنىڭ جەكە كىتاپحاناسى قورىنداعى قالامگەرلەردىڭ قولتاڭبا كوللەكسيالارىنىڭ جيناعى بويىنشا جارىق كورگەن «قالامگەر قولتاڭباسى» كىتابى تانىستىرىلدى.

قازىرگى تاڭدا وقىرمانداردىڭ سۇرانىسىنا بايلانىستى قر ۇلتتىق اكادەميالىق كىتاپحاناسى جازۋشىنىڭ «اڭىزدىڭ اقىرى» كىتابىن فرانسۋز جانە قىتاي تىلدەرىنە اۋدارۋدا.

قر ۇاك قورىندا ٴا.كەكىلباي ۇلىنىڭ كوپتەگەن شىعارمالارى بار. قر ۇلتتىق اكادەميالىق كىتاپحاناسى بازاسىنداعى قازاقستاننىڭ ۇلتتىق ەلەكتروندى كىتاپحاناسىنىڭ ۆەب-پورتالىندا جازۋشىمەن اۆتورلىق كەلىسىم-شارت جاسالىنىپ، كىتاپتارى وقىرماندارعا قولجەتىمدى بولىپ وتىر. ونىڭ بىرنەشە كىتاپتارى سيفرلىق فورماتقا ٴوتتى: «شىڭىراۋ»، «ەلەڭ-الاڭ»، «قۇس قاناتى»، «دالا باللادارى»، «ماحاببات مۇناراسى»، «زامانمەن سۇحبات»، «حانشا داريا حيكاياسى».

ٴىس-شاراعا قر پارلامەنتى سەناتىنىڭ ٴتوراعاسى قاسىم-جومارت توقايەۆ، قر مادەنيەت جانە سپورت ٴمينيسترى ارىستانبەك مۇحامەدي ۇلى، مىرزاتاي جولداسبەكوۆ، نەسىپبەك ايت، تولەن ابدىك، دارحان ٴقىدىرالى، ورازكۇل اسانعازى، الدان سمايىل، قۋانىش سۇلتانوۆ، ورالباي ابدىكارىموۆ، ساۋىتبەك ابدراحمانوۆ، كوپەن امىربەك، ٴشاربانۋ بەيسەنوۆا جانە ت.ب. زيالى قاۋىم وكىلدەرى قاتىستى.

«حالقىمىزدىڭ ماڭدايىنا بىتكەن زاڭعار جازۋشىسى، ەڭبەك ەرى، كورنەكتى مەملەكەت جانە قوعام قايراتكەرى، قازاق ادەبيەتىنىڭ كلاسسيگى ٴابىش كەكىلبايەۆتىڭ ۇلتتىق كىتاپحانادا ارنايى وقۋ زالى اشىلىپ وتىر. مەنىڭشە، بۇل ٴابىش اعامىزدىڭ 80 جىلدىعى قارساڭىندا ونىڭ ەسىمىن ۇلىقتاۋ جولىنداعى العاشقى قادامداردىڭ ٴبىرى. ۇلت رۋحانياتىنا ولشەۋسىز ۇلەس قوسقان تۇلعانىڭ ەسىمى، شىن مانىندە، حالقىمىزدىڭ ەڭ جوعارى قۇرمەتىنە لايىق. سوندىقتان وسىنداي يگى باستامالاردىڭ عۇمىرى ۇزاق بولارى ٴسوزسىز. جاڭا جىلدان باستاپ بۇل جۇمىسقا كىرىسۋىمىز كەرەك. ۇكىمەت، ٴتيىستى اكىمدىكتەر قاجەتتى جوسپارلاردى دايىنداپ، ٴتيىستى ٴىس شارالاردى قولعا الادى دەپ ويلايمىن. بۇل بۇكىل حالىققا كەرەك ماڭىزدى جۇمىس» ،- دەدى ق.توقايەۆ.

ٴابىش كەكىلبايەۆ گ.موپاسساننىڭ «پەر جانە جان»، «ٴومىر»، ش. ايتماتوۆتىڭ «راننيە جۋراۆلي» روماندارىن اۋدارعان. ل. تولستويدىڭ «سوعىس جانە بەيبىتشىلىك» ەپيكالىق رومانىنىڭ اۋدارماسىنا قاتىسقان. ٴابىش كەكىلبايەۆتىڭ اۋدارماسىنداعى ۆ. شەكسپيردىڭ «رومەو مەن دجۋلەتتا»، «كورول لير»، ك. گوسسيدىڭ «حانشايىم تۋراندوت»، م.كارىمنىڭ «ايدىڭ تۇتىلۋ ٴتۇنى»، م. ٴفريشتىڭ «دون حۋان نەمەسە گەومەترياعا دەگەن سۇيىسپەنشىلىگى»، گ. يبسەننىڭ «ەلەس»، ا.ۆالەحونىڭ «بۇگىن مەرەكە» شىعارمالارى رەسپۋبليكالىق تەاترلاردىڭ رەپەرتۋارىندا قويىلىپ ٴجۇر. بۇل جۇمىستار كوپ تومدىق باسىلىمدار مەن جيناقتاردا ۇسىنىلعان.

"كوللەكسيادا بارلىعى 6019 باسىلىم ۇسىنىلىپ وتىر، ونىڭ ىشىندە 5 ٴ883-ى دانا كىتاپ، cd جانە dvd ديسكىلەرىندەگى بەينەفيلمدەر مەن اۋديو كىتاپتار 134 دانا جانە 2 بيبليوگرافيالىق بروشيۋرالار بار" - دەيدى كىتاپحانانىڭ ٴباسپاسوز قىزمەتىنىڭ جەتەكشىسى اسەم ساعيقىزى.

اتالمىش زال قر پرەزيدەنتى ن.ٴا.نازاربايەۆتىڭ «بولاشاققا باعدار:رۋحاني جاڭعىرۋ» اتتى باعدارلامالىق ماقالاسىن ىسكە اسىرۋ اياسىندا قر مادەنيەت جانە سپورت مينيسترلىگىنىڭ قولداۋىمەن اشىلدى.

وقۋ زالىنىڭ اشىلۋى جازۋشىنىڭ وتباسى مەن ونىڭ جۇبايى كلارا جۇمابايقىزىنىڭ جانە نەمەرەسى ابىل كەكىلبايەۆتىڭ كومەگىمەن اشىلىپ وتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي