BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

وڭايگۇل تۇرجان: ٴقازىر كۇللى الەمدى ساياسات ٴبىر ٴوزى بيلەي باستادى

استانا، baq.kz. نيۋ-يوركتە قازاقستان مادەنيەت جانە ادەبيەتىنىڭ «جاھاندىق الەمدەگى زاماناۋي قازاقستاندىق مادەنيەت» اتتى فورۋمى ٴوتتى. بۇل تۋرالى قر ۇلتتىق اكادەميالىق كىتاپحاناسىنىڭ ٴباسپاسوز حاتشىسى اسەم ساعيقىزى حابارلادى.

بۇعان دەيىن اتالعان فورۋم سەۋل، لوندون جانە بەرلين قالالارىندا وتكىزىلگەن بولاتىن.

ايتا كەتەيىك، ٴىس-شارالار اياسىندا ادەبيەت پەن مادەني الماسۋ جانە ىنتىماقتاستىق سالاسىنداعى سوڭعى ۇردىستەردى ٴتۇسىنۋ ماسەلەلەرى نەگىزگە الىندى.

"مادەنيەت پەن ونەر سالاسىنداعى مامانداردىڭ ۇلتتىق يدەياسى شەڭبەرىندەگى كۇش-جىگەرىن بىرىكتىرۋ جونىندە اڭگىمەلەر دە قوزعالدى. فورۋمنىڭ ماقساتى – قازاقستاندىق مادەنيەتتىڭ الەمدىك مادەني كەڭىستىككە ينتەگراسيالانۋى. اقش-تا وتكەن فورۋمعا اقىن، اۋدارماشى، قازاقستاننىڭ ەڭبەك سىڭىرگەن قايراتكەرى، "پاراسات وردەنىنىڭ" يەگەرى ٴشومىشباي ساريەۆ، «قازاق ٴۇنى» گازەتىنىڭ پرەزيدەنتى قازىبەك يسا، قازاقستان جۋرناليستەر وداعى سىيلىعىنىڭ لاۋرەاتى، تانىمال جۋرناليست مارات توقاشبايەۆ، جازۋشى، سىنشى، «الاش» ادەبي سىيلىعىنىڭ لاۋرەاتى اسقار التاي، «ايقىن» گازەتىنىڭ باس رەداكتورى نۇرتورە ٴجۇسىپ، جازۋشى، جۋرناليست، «قازاق ادەبيەتى» گازەتىنىڭ باس رەداكتورى داۋرەن قۋات، اقىن، فيلولوگيا عىلىمدارىنىڭ كانديداتى ەۋرازيا ۇلتتىق ۋنيۆەرسيتەتىنىڭ دوسەنتى وڭايگۇل تۇرجان، بەلگىلى تەلەجۇرگىزۋشى ماييا بەكبايەۆا جانە ت.ب. قاتىستى" - دەيدى اسەم ساعيقىزى.

ٴىس-شارانىڭ مودەراتورى «ايقىن» گازەتىنىڭ باس رەداكتورى نۇرتورە ٴجۇسىپ بولدى.

"مەملەكەتتىڭ مەديا-وبرازى نەگىزىنەن مەملەكەتتىڭ ٴومىرىنىڭ الەۋمەتتىك-مادەنيەت سالاسىنداعى وقيعالاردىڭ كونرىنىسى ارقىلى قالىپتاسادى، سەبەبى بۇل اقپارات اسا قاجەت. ادامداردىڭ جاپاي سانا-سەزىمىندە قالىپتاسقان اقپاراتتار مەن كوممۋنيكاسيالار ارقىلى قالىپتاستىرۋ بىزگە ٴوز كوممۋنيستىك اقپاراتتىق سيپاتى بار مەملەكەتتىڭ بەلگىلى ٴبىر ٴيميدجىن قالىپتاستىرۋعا مۇمكىندىك بەرەدى. شەتەلدەگى مەملەكەتتىڭ مۇددەلەرى كوپتەگەن فاكتورلاردىڭ اسەرىنەن قوعامدىق سانادا قالىپتاسقان ۇعىمدارمەن تىعىز بايلانىستى. قازىرگى جاعدايدا بۇل ساياسي، ەكونوميكالىق پروسەستەرگە اسەر ەتەتىن اقپاراتتىق سالا"، – دەدى نۇرتورە ٴجۇسىپ.

ال وسى ساپارداعى اسەرىمەن بولىسكەن «قازاق ادەبيەتى» گازەتىنىڭ باس رەداكتورى داۋرەن قۋات قازاق ادەبيەتىنىڭ ەرەكشەلىگى قانداي دەگەن سۇراققا جاۋاپ بەرە كەتتى.

"قازاق ادەبيەتى، بۇل – جاننىڭ ادەبيەتى. قازاق قالامگەرلەرى ادام جانىنا تەرەڭ ٴۇڭىلىپ جازادى. ادامنىڭ جان دۇنيەسىندەگى قايشىلىقتار، كۇيزەلىستەر، ۇنسىزدىكتەر مەن ىشكى ديالوگتار قازاق اقىن-جازۋشىلارىنىڭ شىعارمالارىنان تۇراقتى كورىنىس تاۋىپ جاتادى. قازاق قالامگەرلەرى سيمۆولداردى سويلەتۋگە شەبەر. تابيعات كورىنىستەرىن وتە اسەرلى ەتىپ جازادى. سالت ٴداستۇر مەن ىرىمدار، ٴافسانا اڭىزداردى دا شىعارمالارىنا ارقاۋ ەتىپ كەلەدى. بۇل رەتتە مەن قازاق ادەبيەتىنىڭ كلاسسيكتەرى مۇحتار اۋەزوۆتى، جۇسىپبەك ايماۋىتوۆتى، ماعجان جۇمابايەۆ، ٴىلياس جانسۇگىروۆ، بەيىمبەت مايلين، عابيت مۇسىرەپوۆتەردى اتاي الامىن" - دەيدى ول.

بۇل ماسەلەدە اقىن، فيلولوگيا عىلىمدارىنىڭ كانديداتى ەۋرازيا ۇلتتىق ۋنيۆەرسيتەتىنىڭ دوسەنتى وڭايگۇل تۇرجاننىڭ پايىمى بولەك.

"ٴقازىر كۇللى الەمدى ساياسات ٴبىر ٴوزى بيلەي باستادى. ولاي بولۋعا ٴتيىس ەمەس. الەمدىك قوعامداستىق ساياساتتىڭ عانا جەمىسى بولۋعا ٴتيىس ەمەس. كوركەم ادەبيەت ساياساتتىڭ استىندا قالىپ قويماۋى كەرەك. ادام بالاسى كونە زامانداردا ادەبيەتتى ويلاپ تاپقاندا، ونى بىر-بىرىمەن قارىم-قاتىناس ورناتۋ قۇرالى رەتىندە ويلاپ تاپقانى انىق. دەمەك، قازىرگى ساياساتقا كوركەم ادەبيەت ارالاسپاسا، الەم حالىقتارى بىر-بىرىمەن جاۋلاسۋىن قويمايدى. ەل مەن ەلدى دوستاستىراتىن بىردەن ٴبىر مۇمكىندىك ادەبيەتتە. سوندىقتان بۇگىنگى مۇمكىندىكتى پايدالانىپ، الدىمەن قازاقستان مەن امەريكا قالامگەرلەرىنىڭ قوعامداستىعىن قۇرىپ، كەيىن وعان باسقا ەلدەر قالامگەرلەرىن دە تارتىپ، الەمدىك قالامگەرلە قوعامداستىعىنى قۇرۋعا شاقىرامىن" - دەيدى وڭايگۇل تۇرجان.

اقىن قازىبەك يسانىڭ بۇل ماسەلەدە مەملەكەت تاراپىنان ۇسىنىلعان باعدارلامالارعا قولداۋ ٴبىلدىرۋ تۋرالى ۇسىنىسى قۇپتارلىق.

"ەلباسىنىڭ ەلگە سەرپىن بەرگەن رۋحاني تاۋەلسىزدىك باعدارلاماسى – ەل رۋحىن كوتەرگەن ەرەكشە قۇبىلىس! «نار جولىندا جۇك قالماس» دەگەن قازاقتىڭ دانالىق ٴسوزىنىڭ تۋرالىعىن ايقىندايتىن بۇل تۇعىرلى تۇجىرىمداما بويىنا بۇلا كۇش بىتىرگەن ۇلتىمىز لەزدە جالى كوتەرىلىپ، جالىنداپ شىعا كەلدى! مىڭداعان جىل تاريحى بار ۇلى دالا ەلىندەگى ەلباسىمىز باستاعان ۇلتتىق رۋحاني جاڭعىرۋ مايدانىندا ەلدىڭ ەرتەڭى جارقىن بولىپ، ەڭسەسى بيىكتەي بەرەتىنىنە سەنەمىز!" - دەيدى اقىن، حالىقارالىق الاش سىيلىعىنىڭ لاۋرەاتى قازىبەك يسا.

قازاقستان ٴۇشىن باتىس ادەبيەتى مەن مادەنيەتىنىڭ دە ىقپالى ايتارلىقتاي دەگەن مارات توقاشبايەۆ بۇگىنگى قازاقستاندىقتاردىڭ باتىس مادەنيەتىنە دە تالعاممەن قاراي باستاعاندىعىن ايتادى.

"قۋانىشتىسى باتىس مادەنيەتىن بۇرىنعى كەڭەس كەزىندەگىدەي سول قالپى قابىلداي بەرمەي سۇزگىدەن وتكىزىپ قابىلداۋ بايقالادى. ياعني ۇلتتىق، وتباسىلىق قۇندىلىقتاردى ساقتاي وتىرىپ، نەعۇرلىم پروگرەسسيۆتى ۇلگىلەر عانا قولدانىسقا وتۋدە. قورىتا ايتقاندا، قازاقستان ادەبيەتى مەن مادەنيەتىنىڭ فورۋمىنىڭ ارقاسىندا حالىقارالىق دەڭگەيدەگى ٴبىرقاتار جوبالار قولعا الىناتىن بولادى. بۇل ٴبىر جاعىنان حالىقتاردى وركەنيەت باعىتىندا دامىتۋعا سەپتىگىن تيگىزسە، ەكىنشى جاعىنان حالىقتار ارقىلى مەملەكەتتەردىڭ قالىپتاسۋىنا دا ىقپال ەتەدى" - دەيدى قازاقستان جۋرناليستەر وداعى سىيلىعىنىڭ لاۋرەاتى، تانىمال جۋرناليست مارات توقاشبايەۆ.

ايتا كەتەيىك، اتلمىش ٴىس-شارا استانانىڭ 20 جىلدىق مەرەيتويى اياسىندا قر مادەنيەت جانە سپورت مينيسترلىگىنىڭ ۇيىمداستىرۋىمەن جانە قازاقستان جازۋشىلار وداعىمەن بىرلەسىپ قر ۇلتتىق اكادەميالىق كىتاپحاناسى وتكىزىلدى. سونداي-اق، فورۋم اياسىندا قازاقستاندىق اۆتورلارىنىڭ كىتاپتارىنىڭ تۇساۋكەسەرى مەن «قازاقستان ادەبيەتى مەن مادەنيەتى» اتتى فوتوكورمەنىڭ تانىستىرىلىمى بولىپ ٴوتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي