BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

«جاس وتان» ۆيدەو-بايقاۋ جاريالايدى

«جاس وتان» جاستار اراسىندا «ەلباسىنىڭ 5 باستاماسى» تاقىرىبىندا رەسپۋبليكالىق ۆيدەو-بايقاۋ جاريالايدى، دەپ حابارلايدى baq.kz اقپارات اگەنتتىگى.

جاقىندا قر پارلامەنتى پالاتالارىنىڭ وتىرىسىندا ەلباسى 5 الەۋمەتتىك باستاما كوتەردى. قازاقستاندىقتاردىڭ الەۋمەتتىك جاعدايىن جاقسارتۋعا ارنالعان ماڭىزدى باستامالاردى حالىق اراسىندا، اسىرەسە جاستارعا ٴتۇسىندىرۋ ماڭىزدى.

«جاس وتان» جاستار قاناتىنىڭ ٴباسپاسوز قىزمەتى ٴمالىم ەتكەندەي، بايقاۋ 14 ناۋرىز-4 مامىر ارالىعىندا وتەدى، جەڭىمپازدار الەۋمەتتىك جەلىدە قولداۋ تاپقان ۇزدىك 10 جۇمىستى ارنايى قازىلار القاسى انىقتايدى. ۆيدەولار mp4، mpeg، avi سيفرلىق فورماتىندا 1-5 مينۋت حرونومەتراجدا قابىلدانادى. بايقاۋعا 16 جاسقا تولعان كەز كەلگەن قازاقستاندىق قاتىسا الادى.

ناتيجەسىندە جەڭىمپازدارعا باعالى سىيلىقتار تابىستالادى (canon 7d mark فوتوكامەراسى، bestablecam horizon h6 ەلەكتروندى ستەديكام، dji osmo كامەراسى، gopro hero5 4k ەكشن-كامەراسى).

بايقاۋ ارقىلى جاستار ۇيىمى جاس ازاماتتار اراسىنان ساياساتقا دەگەن ەرەكشە، كرەاتيۆتى كوزقاراستى بايقاپ قانا قويماي، مەملەكەتتىك ساياسات پەن رەفورمالار تۋرالى ويلارىن ٴبىلىپ، وزدەرىنىڭ ازاماتتىق ۇستانىمىن بىلدىرۋگە ىنتالاندىرۋدى كوزدەيدى.

«بايقاۋدى ۇيىمداستىرۋ ارقىلى قوعامنىڭ ەلباسىمىز ۇسىنعان 5 الەۋمەتتىك باستاماسىمەن تانىسۋعا، تۇرعىن ٴۇي ماسەلەسىندەگى جەڭىلدىكتەردى، ٴبىلىم الۋ سالاسىنداعى مۇمكىندىكتەردى، سالىق تولەۋ ەرەكشەلىكتەرى، شاعىن جانە ورتا بيزنەستىڭ قىر-سىرلارىمەن تانىسۋعا مۇمكىندىك بەرەمىز. جاستاردىڭ قىزىعۋشىلىقتارى ٴارتۇرلى. ٴبىز ٴۇشىن ٴار باستامانى ٴوزىمىزدىڭ ەلەگىمىزدەن وتكىزىپ، جاستار تىلىندە ٴتۇسىندىرۋ وڭايىراق. سونداي-اق، بايقاۋ جاس تالانتتاردىڭ شىعارماشىلىق پوتەنسيالىن ارتتىرىپ قانا قويماي، باسەكەلەستىككە، سايىسقا تۇسۋگە ۇيرەتەدى، جاس تالانتتاردى حالىققا تانىستىرامىز. ۆيدەو سالاسىن بولاشاق كاسىبى رەتىندە كورەتىن جاستارعا باعالى تەحنيكا سىيلاۋ ارقىلى ولاردىڭ ٴوز كاسىبىن جەتىلدىرۋلەرىنە جول اشامىز. ال ٴبىز تاڭداعان تاقىرىپ قوعامداعى الەۋمەتتىك جاۋاپكەرشىلىكتى ارتتىرۋعا كومەكتەسەدى»، - دەيدى «جاس وتان» جاستار قاناتىنىڭ ٴتوراعاسى دانيار سۇندەتبايەۆ.

ۇزدىك جۇمىستاردى انىقتايتىن ارنايى قۇرىلعان ٴادىل قازىلار قۇرامىندا تەلەجۇرگىزۋشى، جۋرناليست اسحات سادىرباي، تانىمال ۆاينەر، اكتەرلەر اقسۇلتان قاليەۆ جانە عاني اجيكەنوۆ بار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي