BAQ.kz - Қазақстан жаңалықтары USD 341.18 BAQ.kz - Қазақстан жаңалықтары EUR 392.97 BAQ.kz - Қазақстан жаңалықтары RUB 5.34
استانا:

جالاقىسى تومەن جۇمىسشىلاردىڭ جەكە تابىس سالىعىن ازايتۋ ماسەلەسى قارالادى – تيمۋر سۇلەيمەنوۆ

ۇكىمەت وتىرىسىندا ۇلتتىق ەكونوميكا ٴمينيسترى تيمۋر سۇلەيمەنوۆ جالاقىسى تومەن جۇمىسشىلاردىڭ ەڭبەكاقىسىن كوبەيتۋ ٴۇشىن ولاردىڭ سالىق جۇكتەمەسىن ازايتۋ ماقساتىندا ٴتيىستى جۇمىستار جۇرگىزىلەتىنىن ٴمالىم ەتتى، دەپ حابارلايدى baq.kz ٴتىلشىسى.

بۇگىن ۇلتتىق ەكونوميكا ٴمينيسترى ۇكىمەت باسشىسى باقىتجان ساعىنتايەۆتىڭ قاراۋىنا ەلباسى نۇرسۇلتان نازاربايەۆ ۇسىنعان پرەزيدەنتتىڭ بەس الەۋمەتتىك باستاماسىن ىسكە اسىرۋ جونىندەگى جول كارتاسى جوباسىن ۇسىندى. وسى ورايدا ول پرەزيدەنتتىڭ بەس الەۋمەتتىك باستاماسىنىڭ ەكىنشى باعىتى قالاي جۇزەگە اسىرىلاتىنىن ٴتۇسىندىردى.

«نەگىزگى ورىنداۋشى – ۇلتتىق ەكونوميكا مينيسترلىگى. بۇل باعىت شەڭبەرىندە سالىق زاڭناماسى نورماسىن وزگەرتۋ بويىنشا ۇسىنىستار ازىرلەۋ جوسپارلانىپ وتىر. جالاقى مولشەرى تومەن جۇمىسشىلاردىڭ جەكە تابىس سالىعى مولشەرىن ازايتۋ ماسەلەسى پىسىقتالادى. جەكە تابىس سالىعىن سالۋ ٴتارتىبى مەن اكىمشىلەندىرۋ تەتىگى جوسپارلانىپ وتىر. بۇدان باسقا جەكە تابىس سالىعى پروگرەسسيۆتى شكالاسىن ەنگىزۋ مۇمكىندىگى زەردەلەنەدى»، - دەدى سۇلەيمەنوۆ.

وسى ورايدا مينيستر بارلىق جۇمىستار قاي ۋاقىتتا اياقتالاتىنىن جەتكىزدى.

«ٴىس-شارالار تامىز ايىندا اياقتالادى. جاڭا تەتىكتەردى ەنگىزۋ جاڭا سالىق كەزەڭىنىڭ باستالۋىنا بايلانىستى 2019 جىلدىڭ 1 قاڭتارىنان باستاپ، اتالعان باستاما زاڭدى كۇشىنە ەنەدى»، - دەدى ول.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي