BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

سولتۇستىكتە بيۋدجەت قىزمەتكەرلەرى ٴۇشىن «7-20-25» يپوتەكاسىنىڭ العاشقى جارناسى تومەندەتىلەدى

فوتو: Автор

پەتروپاۆلدا سولتۇستىك قازاقستان وبلىسىنىڭ بەلسەندىلەرى ەلباسىنىڭ «قازاقستاندىقتاردىڭ ٴال-اۋقاتىنىڭ ٴوسۋى: تابىس پەن تۇرمىس ساپاسىن ارتتىرۋ» اتتى جولداۋىن تالقىلادى. جيىن بارىسىندا وبلىس اكىمى قۇمار اقساقالوۆ ستراتەگيالىق قۇجاتتى ىسكە اسىرۋ بويىنشا باسىم باعىتتاردى ايقىندادى، دەپ حابارلايدى «baq.kz» ايماقتاعى ٴتىلشىسى.

ەلدىڭ باستى بايلىعى – ادام. بۇل ەلباسىنىڭ جاڭا جولداۋىنىڭ نەگىزگى يدەياسى. سولتۇستىك قازاقستان وبلىسىنىڭ اكىمى قۇمار اقساقالوۆتىڭ ايتۋىنشا، وڭىردە سولتۇستىكقازاقستاندىقتاردىڭ ٴال-اۋقاتىن ارتتىرىپ، ٴومىر ساپاسىن كوتەرۋ ٴۇشىن ايقىن جوسپار قۇرىلعان.

ٴوز جولداۋىندا مەملەكەت باسشىسى «7-20-25» يپوتەكالىق باعدارلاماسىن جۇزەگە اسىرۋ تەتىكتەرىنە توقتالدى. سولتۇستىك قازاقستان وبلىسىندا بيۋدجەتتىك سالا وكىلدەرى ٴۇشىن يپوتەكانىڭ قولايلىلىعى ارتپاق. جيىندا ايتىلعانىنداي، جەرگىلىكتى بيۋدجەتتەن العاشقى جارنانىڭ ٴبىر بولىگىن سۋبسيديالاۋعا قاراجات بولىنەدى. ٴقازىر وبلىستا 2011 پاتەرگە شاقتالعان 16 تۇرعىن ٴۇي سالىنىپ جاتىر. بيىل 10 كوپقاباتتى باسپانا حالىق يگىلىگىنە بەرىلەدى. 2019 جىلى 1500 پاتەرلىك 12 ٴۇي بوي كوتەرەدى.

«7-20-25» باعدارلاماسى بويىنشا، بيۋدجەتتىك سالا ماماندارىن باسپانامەن قامتۋ ماقساتىندا جىل سوڭىنا دەيىن جەرگىلىكتى بيۋدجەتتەن 200 ملن تەڭگە ٴبولىپ، باستاپقى جارنانى 20 پايىزدان 10 پايىزعا دەيىن ازايتامىز. بولىنگەن قاراجات شامامەن 200-300-دەي ادامنىڭ نەسيەسىن سۋبسيديالاۋعا مۇمكىندىك بەرەدى»، - دەدى قۇمار اقاساقالوۆ.

پەتروپاۆل قالاسىنىڭ تۇرعىنى سانات ەسماعۇلوۆ – بيۋدجەتتىك سالادا قازمەت ەتەدى. مەكتەپ ٴمۇعالىمى كۇتپەگەن جاڭالىقتى قۋانا قابىلداعانىن ايتادى. «7-20-25» يپوتەكالىق باعدارلاماسى ارقىلى العاشقى جارنا سوماسىنىڭ ەكى ەسە ازايتىلۋى ازىرەسە جاس وتباسىلارعا باسپانالى بولعا مۇمكىندىك سىيلايتىنىن ايتادى.

«باسپانالى بولۋ شارتتارى جەڭىلدەي تۇسكەنىنە قۋانىشتىمىن. ماسەلەن، پەتروپاۆل قالاسىنان 10 ملن تەڭگەنىڭ پاتەرىن الاتىن بولسام، بيۋدجەتتىك سالانىڭ قىزمەتكەرى رەتىندە العاشقى جارنا مەن ٴۇشىن 1 ملن تەڭگە بولادى. ٴبىر وتباسىندا ەكى ادام جۇمىس ىستەسە، بۇل سومانى جيناۋعا بولادى. ارينە وعان دا ۇنەمشىلدىك كەرەك. سوڭعى جىلدارى قازاقستاندا جىلجىمايتىن مۇلىك قولجەتىمدى بولا باستادى. سونىڭ داللەلى رەتىندە تانىستارىمنىڭ، دوستارىمنىڭ اراسىندا باسپانالى بولىپ جاتقاندار كوبەيگەنىن ايتقىم كەلەدى»، - دەيدى پەداگوگ.

فوتولار: اۆتور


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي