BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

شقو-دا «7-20-25» بويىنشا العاشقى نەسيە بەرىلدى

فوتو: OKA.FM

رەسپۋبليكانىڭ ايماقتارىندا جاڭا تۇرعىن ٴۇي ساتىپ الۋ ٴۇشىن حالىققا جەڭىلدىكپەن نەسيە بەرۋ باستالدى، دەپ حابارلايدى baq.kz اقپارات اگەنتتىگى altaynews.kz سايتىنا سىلتەمە جاساپ.

بۇگىنگى كۇنى 7 ەكىنشى دەڭگەيلى بانكپەن (تۇرعىن ٴۇي قۇرىلىس جيناق بانكى، اتف بانك، بانكسەنتركرەديت، bankrbk،حالىق بانكى، ەۋرازيالىق بانك، سەسنابانك) باعدارلاماعا قاتىسۋعا كەلىسىم جاسالىندى. بولاشاقتا سبەربانك پەن فورتەبانك تە باعدارلاماعا قاتىسپاق.

يپوتەكالىق نەسيە باعدارلاماسى بويىنشا العاشقى بولىپ تۇرعىندارعا نەسيە بەرگەندەردىڭ ىشىندە وسكەمەن، الماتى، استانا، اقتاۋ، ورال قالالارى بار.

«7-20-25» يپوتەكالىق نەسيە باعدارلاماسىنا بايلانىستى وتكەن ٴباسپاسوز ٴماسليحاتىندا«قازاقستان ۇلتتىق بانكى» اق نىڭ شىعىس قازاقستان وبلىستىق فيليالىنىڭ ديرەكتورى ايناگۇل جولدىبالينا جەڭىلدەتىلگەن نەسيە تابىسى بار ازاماتتارعا، ۇلتتىق ۆاليۋتامەن بەرىلەتىنىن ايتتى.

«باعدارلاماعا بانككە ٴوتىنىم بەرگەن كەزدە جەكە باسىندا باسپاناسى بولماعان، تابىسى بار ازاماتتار قاتىسا الادى. «7-20-25» باعدارلاماسىن جۇزەگە اسىرۋ باستالىپ كەتتى. ەكىنشى دەڭگەيدەگى بانكتەرمەن كەلىسىم جاسالىندى. وبلىس ورتالىعىندا باعدارلاما بويىنشا العاشقى نەسيە بەرىلدى»، - دەدى ايناگۇل جولدىبالينا.

«7-20-25» باعدارلاماسى ارقىلى يپوتەكالىق نەسيەلەندىرۋ تۋرالى تولىق اقپاراتتى «باسپانا» يپوتەكالىق ۇيىمىنىڭ www.baspana72025.kz رەسمي سايتىنان جانە تاۋلىك بويى تەگىن قىزمەت كورسەتەتىن +7(727) 227-20-25. سall-ورتالىعىنا حابارلاسىپ الۋعا بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي