BAQ.kz - Қазақстан жаңалықтары USD 375.9 BAQ.kz - Қазақстан жаңалықтары EUR 423.56 BAQ.kz - Қазақстан жаңалықтары RUB 5.55
استانا:

ساعىنتايەۆ ەلىمىزدە جاتاقحانا سالۋ جۇمىستارى باياۋ ٴجۇرىپ جاتقانىن سىنادى 

بۇگىنگى ۇكىمەت وتىرىسىندا قر پرەمەر-مينيسترى باقىتجان ساعىنتايەۆ 5 الەۋمەتتىك باستاما اياسىندا ستۋدەنتتەرگە ارنالعان جاتاقحانا سالۋ ٴتيىستى دەڭگەيدە جۇزەگە اسىرىلىپ جاتپاعانىن ايتتى، دەپ حابارلايدى baq.kz ٴتىلشىسى.

«4،1% كورسەتكىشىمەن جارتىجىلدىقتى اياقتادىق. ٴبىراق، مىناۋ ٴوندىرىس سالاسىنا كەلەتىن بولساق، قاڭتار-مامىر ايلارىمەن سالىستىرعاندا تومەندەۋشىلىك 5،4% بولاتىن بولسا، قازىرگى تومەندەۋ 5،2% بولدى. ونىڭ ىشىندە، مۇناي ٴوندىرۋ، تابيعي گاز، مەتالل، وڭدەۋ سالاسىنداعى تاماق ٴوندىرىسى، سۋسىندار، كيىم شىعارۋ، حيميا ٴوندىرىسى، فارماسەۆتيكا، مەتاللۋرگيا، قارا مەتالدار، ٴتۇستى مەتالدار، ەلەكتر ەنەرگياسى، سۋمەن جابدىقتاۋ بويىنشا دا تومەندەۋشىلىك بار. مۇنىڭ بارلىعى ٴبىز ماۋسىم ايىن مامىر ايىمەن سالىستىرعاندا انىقتالىپ وتىر. ەگەر، وسى باعىتپەن كەتە بەرەر بولساق، وندا جىل سوڭىندا كورسەتىلگەن مەجەدەن شىعا المايتىن بولامىز»، - دەدى ۇكىمەت باسشىسى.

پرەمەر-مينيستر اتالعان كورسەتكىشتەردى ارتتىرۋ بويىنشا جۇمىستار جۇرگىزۋگە نازار اۋدارۋعا شاقىردى.

«جارتى جىل بولدى، سول 20-30 پروسەنتتىڭ سوڭىندا ٴجۇرمىز. قاجەتتى قارجىنىڭ بارلىعى بەرىلگەن، جۇمىستىڭ بارلىعى اتقارىلدى دەپ بايانداپ وتىرسىزدار»، - دەدى ساعىنتايەۆ.

ۇكىمەت باسشىسى پرەزيدەنتتىڭ 5 الەۋمەتتىك باستاماسى اياسىندا ستۋدەنتتەرگە ارنالعان جاتاقحانا سالۋ بويىنشا جۇمىستاردىڭ توقتاپ تۇرعانىن دا ەسكە سالدى.

«جاتاقحانا ماسەلەسىنە كەلەتىن بولساق، بۇل ەلباسىنىڭ 5 الەۋمەتتىك باستاماسىنىڭ اياسىندا قاراستىرىلعان شارا. جالپى، 8 وڭىردە عانا جاتاقحانا بەرىلگەن. بۇل اقمولا، الماتى، اتىراۋ، باتىس قازاقستان، قاراعاندى، شىعىس قازاقستان وبلىستارى مەن استانا جانە الماتى قالالارى. باسقا وڭىرلەردە بىردە-بىر جاتاقحانا، بىردە-بىر شارشى مەتر پايدالانۋعا بەرىلمەگەن. وسىنى نازارلارىڭىزعا الىڭىزدار»، - دەدى ساعىنتايەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي