BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

پرەزيدەنتتىڭ الەۋمەتتىك باستاماسىن جۇمىسشىلارعا تۇسىندىرە الماعان كومپانيا باسشىلىعى دەپۋتاتتان ٴسوز ەستىپ قالدى

فوتو: Нұржас Жақсыбай

پرەزيدەنتتىڭ بەس الەۋمەتتىك باستاماسىن جۇمىسشىلارعا تۇسىندىرە الماعان «ەۆروكوپتەر قازاقستان ينجينيرينگ» كومپانياسىنىڭ باسشىلىعى دەپۋتات باقىتجان ەرتايەۆتان ٴسوز ەستىپ قالدى، دەپ حابارلايدى baq.kz ٴتىلشىسى.

بۇگىن قر پارلامەنتى ٴماجىلىسىنىڭ دەپۋتاتتارى نۇرلان ٴابدىروۆ، پاۆەل كازانسەۆ، باقىتجان ەرتايەۆ، جانات وماربەكوۆا «ەۆروكوپتەر قازاقستان ينجينيرينگ» كومپانياسىنىڭ جۇمىسىمەن تانىستى.

اتالعان زاۋىت ەلىمىزدە تىكۇشاقتاردى قۇراستىرىپ، ولارعا تەحنيكالىق قىزمەتتەر كورسەتۋمەن اينالاسادى. سونداي-اق، زاۋىتتا ورتالىق ازيا مەن ەلىمىزگە ٴتيىستى كادرلاردى دايىندايتىن اۆياسيالىق ٴبىلىم بەرۋ ورتالىعى جۇمىس ىستەيدى. ول ec145 تىكۇشاعىن باسقاراتىن ۇشقىشتاردى دايىندايتىن الەمدەگى جالعىز ورتالىق بولىپ سانالادى. قازىرگى تاڭدا مۇندە 8 مامان ٴبىلىمىن شىڭداۋدا.

دەپۋتاتتارعا زاۋىتتىڭ جۇمىسىن كومپانيانىڭ كوممەرسيالىق ديرەكتورى تيمۋر تيلينين ٴتۇسىندىرىپ بەردى.

الايدا دەپۋتات باقىتجان ەرتايەۆقا كومپانيا باسشىلىعىنا ماقتانعاندى قويىپ، ناقتى ىستەرمەن شۇعىلدانۋ قاجەتتىگىن اتاپ ٴوتتى.

«كوزبوياۋشىلىقتى قويۋ كەرەك. مۇندا قويىلعان زاتتار ادەمى ەكەن. مولودەس! ال نە بولدى؟»، - دەدى دەپۋتات كوممەرسيالىق ديرەكتورعا.

وسى ورايدا ەرتايەۆ قاراپايىم جۇمىسشىلارمەن سويلەسكىسى كەلەتىنىن ايتتى.

جۇمىسشىلارمەن اڭگىمە بارىسىندا ولاردىڭ پرەزيدەنتتىڭ بەس الەۋمەتتىك باستاماسىنان حابارى از ەكەنى بايقالىپ قالدى. وسى جەردە دەپۋتات زاۋىتقا جاي كەلمەگەنىن، حالىقتى تولعاندىراتىن ماسەلەلەردى ٴبىلۋ ٴۇشىن كەلگەنىن مالىمدەدى.

«نۇرلان زايروللا ۇلى (ٴماجىلىس ٴتوراعاسى نۇرلان نىعماتۋلين)، (اتالعان باستامانى – اۆتور) بىزگە حالىققا تۇسىندىرىڭدەر دەدى. ٴبىز حالىققا بارساق، ولار ەشتەڭە بىلمەيدى. قۇر ماقتاندى قويايىقشى! جاساعان ىسىمىزبەن ماقتانايىق. ٴبىز وسىندا جاي كەلگەن جوقپىز. سىزدەردىڭ شەشە الماي جۇرگەن ماسەلەلەرىڭىزدى ٴبىلۋ ٴۇشىن كەلدىك»، - دەدى ول.

سونداي-اق، باقىتجان ەرتايەۆ ەلىمىزدە قر قورعانىس جانە اەروعارىش ونەركاسىبى مينيسترلىگى قۇرىلعانىن اتاپ ٴوتىپ، اتالعان سالانى دامىتۋ ٴۇشىن بىلىكتى كادلارعا جاعداي جاساۋ قاجەتتىگىن ايتتى. ونىڭ پىكىرىنشە، پرەزيدەنتتىڭ بەس الەۋمەتتىك باستاماسى حالىقتىڭ ٴال-اۋقاتىن كوتەرۋگە باعىتتالعان.

«قورعانىس ونەركاسىبىن قۇردىق. ەندى وسى سالانى دامىتۋ قاجەت. ول ٴۇشىن مىقتى ماماندار كەرەك. سوندىقتان ولاردىڭ جۇمىسىن ىنتالاندىرۋ ٴۇشىن پرەزيدەنتتىڭ بەس الەۋمەتتىك باستاماسى قولعا الىندى. اتالعان باستاما جاستارعا پاتەر بەرۋدى، جەڭىلدەتىلگەن نەسيەگە قول جەتكىزۋدى ٴارى ٴبىلىم الۋعا مۇمكىندىك بەرۋدى كوزدەيدى. ولار وسىنى ٴبىلۋى قاجەت. ال جۇمىسشىلار وسىنى بىلمەي وتىر. بىلسە دە، ايتپايدى. سەبەبى، ولار «مۇنىڭ بارلىعى قاعاز جۇزىندە» دەپ ويلايدى. سوندىقتان ٴبىز، دەپۋتاتتار اتالعان باستامانى حالىققا ٴتۇسىندىرۋىمىز قاجەت. ٴبىز سىزدەرمەن تىعىز جۇمىس جاساۋىمىز كەرەك»، - دەپ تۇيىندەدى ٴسوزىن ول.

ال دەپۋتاتتان ٴسوز ەتىپ قالعان كومپانيانىڭ كوممەرسيالىق ديرەكتورى تيمۋر تيلينين الداعى ۋاقىتتا پرەزيدەنتتىڭ الەۋمەتتىك باستامالارىن جۇمىسشىلارعا ٴتۇسىندىرۋ ٴۇشىن ارنايى جۇمىس توبى قۇرىلاتىنىن ايتتى.

«ٴبىز پرەزيدەنتتىڭ بەس الەۋمەتتىك باستاماسىن جۇمىسشىلارعا ٴتۇسىندىرۋ ٴۇشىن ارنايى جۇمىس توبىن قۇرامىز. ولار جۇمىسشىلارعا الەۋمەتتىك باستامانى تۇسىندىرەدى. كەيىن ماجىلىستەگى جۇمىس توبىمەن اتالعان باستامانى جۇزەگە اسىرامىز»، - دەدى باسشى.

ايتا كەتەيىك، «ەۆروكوپتەر قازاقستان ينجينيرينگ» كومپانياسى ec145 تىكۇشاعىن قۇراستىراتىن تمد-داعى جالعىز زاۋىت بولىپ سانالادى.

فوتو: نۇرجاس جاقسىباي


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي