BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

قاڭتاردان باستاپ قازاقستاندىقتار قوسىمشا جالاقى الادى

قازاقستاندىقتار 29 ملرد تەڭگە شاماسىندا قوسىمشا ەڭبەكاقى الاتىن بولادى. بۇل تۋرالى ۇەم-نىڭ ٴباسپاسوز قىزمەتى مالىمدەدى، دەپ حابارلايدى baq.kz اقپارات اگەنتتىگى.

اعىمداعى جىلعى 5 ناۋرىزدا مەملەكەت باسشىسى بەس الەۋمەتتىك باستاماسىن جاريالادى.

ايتىلعان شارالار حالىقتىڭ ٴال-اۋقاتىن جاقسارتۋعا باعىتتالعان.

ۇلتتىق ەكونوميكا مينيسترلىگىنە ەكىنشى باعىت بەكىتىلگەن: «جالاقىسى تومەن جۇمىسشىلاردىڭ ەڭبەكاقىسىن كوبەيتۋ ٴۇشىن ولاردىڭ سالىق جۇكتەمەسىن ازايتۋ».

ەكىنشى باستاماعا سايكەس، جالاقىسى 25 ايلىق ەسەپتىك كورسەتكىش نەمەسە 60 125 (الپىس مىڭ ٴبىر ٴجۇز جيىرما بەس) تەڭگەدەن تومەن جۇمىسشىلار ٴۇشىن جەكە تابىس سالىعىنىڭ مولشەرلەمەسىن 10 ەسە تومەندەتۋ ۇسىنىلادى.

جالپى رەسپۋبليكادا مۇنداي ەڭبەكاقىنى 2 ميلليوننان اسا ادام الادى. نەگىزىنەن، بۇل اۋىل شارۋاشىلىعى مەن ساۋدادا.

اتالعان باستامانى ىسكە اسىرۋ ماقساتىندا مەملەكەتتىك ورگاندارمەن جانە «اتامەكەن» ۇلتتىق كاسىپكەرلەر پالاتاسىمەن بىرلەسكەن جۇمىس جۇرگىزىلدى.

جۇمىس ناتيجەسى بويىنشا جالاقىسى تومەن جۇمىسشىلاردىڭ جەكە تابىس سالىعىن تومەندەتۋدىڭ وڭتايلى تەتىگى ايقىندالدى.

ماسەلەن، سالىق سالىناتىن تابىس 90 پايىزعا ازايتىلاتىن بولادى. قالعان ەڭبەكاقىعا 10 پايىز مولشەرلەمەمەن جەكە تابىس سالىعى سالىناتىن بولادى. ياعني، سالىق جۇكتەمەسى 10 ەسەگە تومەندەيدى.

2018 جىلعى قاراپايىم مىسال ارقىلى جتس ۇسىنىلعان ەسەپتەۋدى قاراستىرامىز.

ماسەلە، جالاقى ايىنا 60 125 (25 ايلىق ەسەپ كورسەتكىش) تەڭگەنى قۇرايدى. وسى سومادان 10% مولشەرىندە مىندەتتى زەينەتاقى جارنالارىنىڭ سوماسى، ياعني 6 013 تەڭگە شەگەرىلەدى، قالادى - 54 112 تەڭگە. بۇل سومادان 1 ەڭ تومەن جالاقى - ەڭ از سالىق سالىنبايتىن كىرىس، ياعني 28 284 تەڭگە شەگەرىلەدى. سالىق سالىناتىن تابىس (قولدانىستاعى مەحانيزم) - 25 828 تەڭگە قالادى. قولدانىستاعى مەحانيزم بويىنشا سالىق سوماسى 25 828 *10% = 2 583 تەڭگە بولادى.

ۇسىنىلعان تەتىككە سايكەس، سالىق سالىناتىن تابىسىنىڭ مولشەرى 90%-عا تومەندەيدى: 25 828 - (25 828*90%) = 2 583 تەڭگە. بۇل سوماعا جەكە تابىس سالىعىنىڭ 10% مولشەرلەمەسى بويىنشا سالىق سالىناتىن بولادى - 2 583*10% = 258 تەڭگە.

ياعني، ٴىس جۇزىندە سالىق مولشەرى 10 ەسە 2 583 تەڭگەدەن 258 تەڭگەگە دەيىن تومەندەيدى، جالاقى قوسىمشا 2 325 تەڭگەگە وسەدى.

اتالعان تەتىكتى قولدانۋ قىزمەتكەردىڭ دەرەۋ جانە كەپىلدىكتى قوسىمشا تابىس الۋىن (نەگىزگى جالاقى الۋ كەزىندە) پايىمدايدى جانە جۇمىس بەرۋشىنىڭ قارجىلىق جۇكتەمەسىن ۇلعايتپايدى.

سونىمەن بىرگە، جۇمىس بەرۋشىنىڭ اكىمشىلىك شىعىندارى مينيميزاسيالاندى.

جالپى رەسپۋبليكا بويىنشا جۇمىسشىلار 29 ملرد. تەڭگە شاماسىندا قوسىمشا ەڭبەكاقى الاتىن بولادى.

سالىق زاڭناماسىنا ٴتيىستى تۇزەتۋلەر 2018 جىلعى

2 شىلدەدە مەملەكەتتىك باسشىسىمەن قول قويىلعان «قازاقستان رەسپۋبليكاسىنىڭ كەيبىر زاڭنامالىق اكتىلەرىنە الەۋمەتتىك قامسىزداندىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى زاڭىنا كوزدەلگەن.

اتالعان تەتىك 2019 جىلعى 1 قاڭتاردان باستاپ جۇمىس جاسايتىن بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي