BAQ.kz - Қазақстан жаңалықтары USD 341.18 BAQ.kz - Қазақстан жаңалықтары EUR 392.97 BAQ.kz - Қазақстан жаңалықтары RUB 5.34
استانا:

يسەكەشەۆ: جۇمىس ىستەيتىن ٴار تۇرعىن ىڭعايلى يپوتەكالىق زايمدى الا الادى

استانا اكىمدىگىندە قالا اكتيۆى «پرەزيدەنتتىڭ بەس الەۋمەتتىك باستاماسىن» جۇزەگە اسىرۋ مەحانيزمدەرىن تالقىلادى، دەپ حابارلايدى baq.kz اقپارات اگەنتتىگى ەلوردا اكىمدىگىنىڭ رەسمي سايتىنا سىلتەمە جاساپ.

قالا اكتيۆىنىڭ وتىرىسى بارىسىندا ەلوردا اكىمى اسەت يسەكەشەۆ «7-20-25» الەۋمەتتىك باستاماسىنىڭ ماڭىزدىلىعىنا توقتالدى.

«مەملەكەت باسشىسى اتاپ وتكەندەي، بۇگىنگى تاڭداعى وزەكتى ماسەلەلەردىڭ ٴبىرى – «الەۋمەتتىك ماڭىزدىلىق پروبلەماسى». «7-20-25» الەۋمەتتىك باعدارلاماسى تۇرعىن يپوتەكاسىنىڭ قالىڭ بۇقاراعا قولجەتىمدىلىگىن جوعارىلاتىپ، تۇرعىن ٴۇي سەكتورىنا جاڭا دەم بەرەدى. ەندى جۇمىسى بار ٴار تۇرعىن ٴۇشىن تالاپتارى ىڭعايلى يپوتەكالىق زايمدى الا الادى. بۇل بانك سەكتورىن جانداندىرىپ قويماي، تۇرعىن ٴۇي نارىعىنىڭ بەلسەندى تۇردە دامۋىنا سەرپىن بەرىپ، ٴوندىرىستىڭ دامۋىنا سەپ بولادى. وسى رەتتە جاڭا جۇمىس ورىندارى دا قۇرىلادى»، - دەدى اكىم.

اسەت يسەكەشەۆ، سونداي-اق الداعى ٴبىر ايدىڭ كولەمىندە استانادا جاڭا تۇرعىن ٴۇي باعدارلاماسىنىڭ قابىلداناتىنىن جەتكىزدى.

«ەلباسىنىڭ جاڭا الەۋمەتتىك باستاماسىن ەسەپكە الا وتىرىپ، مەن ٴوزىمنىڭ ورىنباسارىم سەرگەي حوروشۋنعا، باسقارما باسشىلارىنا قالالىق قولجەتىمدى باسپانا باعدارلاماسىن ازىرلەۋدى تاپسىردىم. ول باعدارلامادا مەملەكەت باسشىسى كوتەرگەن باستامانىڭ ەرەكشەلىكتەرى ەسكەرىلۋى ٴتيىس. ٴبىر ايدىڭ ىشىندە ٴبىز الداعى بەس جىلدا سالىناتىن تۇرعىن ٴۇيدىڭ، كوممۋنيكاسيالاردىڭ كولەمىن، ولاردىڭ ورنالاساتىن اۋداندارىن انىقتاپ الۋىمىز كەرەك. باعدارلاما دايىن ٴماسليحاتتىڭ قاراۋىنان سوڭ قابىلداناتىن بولادى»، - دەدى اسەت يسەكەشەۆ.

ايتا كەتەيىك، 2018 جىلى تۇرعىن ٴۇي باعدارلامالارىن جۇزەگە اسىرۋ اياسىندا استانادا جالپى اۋدانى 78،3 مىڭ شارشى مەتردى قۇرايتىن 6 تۇرعىن ٴۇي كەشەنى پايدالانۋعا بەرىلەدى دەپ جوسپارلانۋدا. وسىلايشا، كەزەكتە تۇرعان ازاماتتار ٴۇشىن ەلوردانىڭ كوممۋنالدىق تۇرعىن ٴۇي قورىنان، سونداي-اق «نۇرلى جەر» تۇرعىن ٴۇي قۇرىلىسى باعدارلاماسىنىڭ اياسىندا 1500-گە تارتا پاتەر ۇسىنىلادى دەپ جوسپارلانعان.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي