BAQ.kz - Қазақстан жаңалықтары USD 359 BAQ.kz - Қазақстан жаңалықтары EUR 420.1 BAQ.kz - Қазақстан жаңалықтары RUB 5.41
استانا:

حالىقتى قولجەتىمدى يپوتەكالىق نەسيەمەن قانداي مەملەكەتتىك ورگان قامتاماسىز ەتەتىنى بەلگىلى بولدى

بۇگىن ۇلتتىق ەكونوميكا ٴمينيسترى تيمۋر سۇلەيمەنوۆ ۇكىمەت باسشىسى باقىتجان ساعىنتايەۆتىڭ قاراۋىنا ەلباسى نۇرسۇلتان نازاربايەۆ ۇسىنعان پرەزيدەنتتىڭ بەس الەۋمەتتىك باستاماسىن ىسكە اسىرۋ جونىندەگى جول كارتاسى جوباسىن ۇسىندى، دەپ حابارلايدى baq.kz ٴتىلشىسى.

الدىمەن مينيستر مەملەكەت باسشىسىنىنىڭ حالىقتى قولجەتىمدى يپوتەكالىق نەسيەمەن قامتاسامىز ەتۋ باستاماسىنا توقتالىپ، اتالعان جوبانى جۇزەگە اسىراتىن مەملەكەتتىك ورگانداردى اتادى.

«ٴبىرىنشى باعىت، ٴاربىر وتباسىعا باسپانا الۋدىڭ جاڭا مۇمكىندىكتەرىن بەرۋ. بۇل باعىت بويىنشا نەگىزگى ورىنداۋشى – ۇلتتىق بانك، ال ۇكىمەت جاعىنان - ينۆەستيسيالار جانە دامۋ مينيسترلىگى. نەگىزگى ٴىس-شارالار «7-20-25» باعدارلاماسىن بەكىتۋگە جانە ونى ىسكە اسىرۋ ٴۇشىن ٴنورماتيۆتى-قۇقىقتىق اكتىلەرگە وزگەرىستەر ەنگىزۋگە قاتىستى بولىپ وتىر»، - دەدى تيمۋر سۇلەيمەنوۆ ۇكىمەت وتىرىسىندا.

وسى ورايدا ول الداعى ۋاقىتتا ارنايى كومپانيالار قۇرىلاتىنىن ايتتى.

«شىلدە ايىنا دەيىن يپوتەكالىق كرەديتتەردى ساتىپ الاتىن ارنايى ەنشىلەس ۇيىمدار قۇرىلادى. سونىمەن قاتار «نۇرلى جەر» باعدارلاماسى بويىنشا ينفراقۇرىلىمدى جىلىنا 20 ملرد تەڭگەگە دەيىن قارجىلاندىرۋعا، ونى ۇلعايتۋعا جانە «7-20-25» باعدارلاماسىنىڭ نورمالارىن ەسكەرە وتىرىپ، وعان تۇزەتۋلەر ەنگىزۋ جوسپارلانىپ وتىر»، - دەپ تۇيىندەدى ٴسوزىن ۇلتتىق ەكونوميكا ٴمينيسترى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي