BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

ەلىمىزدە "باسپانا حيت" باعدارلاماسى ىسكە قوسىلدى

بۇگىن "باسپانا" يپوتەكالىق ۇيىمىنىڭ باسقارما ٴتوراعاسى قايرات التىنبەكوۆ ەلىمىزدە جاڭا تۇرعىن ٴۇي باعدارلاماسىنىڭ ىسكە قوسىلعانىن ايتتى. باعدارلاما اتاۋى - "باسپانا حيت"، دەپ حابارلايدى baq.kz ٴتىلشىسى.

"وزدەرىڭىز بىلەتىندەي، "7-20-25" باعدارلاماسى بويىنشا تەك ٴبىرىنشى تۇرعىن ٴۇي نارىعىنداعى، ياعني جاڭا باسپانانى ساتىپ الۋعا بولادى. "باسپانا" كومپانياسى وسىنى ەسكەرە وتىرىپ، "7-20-25" باعدارلاماسىنان بولەك، ەكىنشى تۇرعىن ٴۇي نارىعىنداعى باسپانانى نەسيەلەۋگە باعىتتالعان ارنايى ٴونىم əزىرلەدى. بۇل باعدارلاما "باسپانا حيت" دەپ اتالادى"، - دەدى التىنبەكوۆ ورتالىق كوممۋنيكاسيالار قىزمەتىندە وتكەن بريفينگتە.

قايرات التىنبەكوۆ جاڭا باعدارلامانىڭ شارتتارىمەن دە تانىستىردى. ونىڭ ايتۋىنشا، باستاپقى جارنا باسپانا باعاسىنىڭ 20 پايىزىنان باستالادى. پايىزدىق مولشەرلەمەسى - ۇلتتىق بانكتىڭ بازالىق ستاۆكاسى + 1،75 پايىزدى قۇرايدى. قازىرگى تاڭدا ۇلتتىق بانكتىڭ بازالىق ستاۆكاسى - 9 پايىز. سəيكەسىنشە، اتالعان باعدارلامانىڭ پايىزدىق مولشەرلەمەسى 10،75 پايىزدى قۇرايتىن بولادى. نەسيە مەرزىمى - 15 جىلعا دەيىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي