BAQ.kz - Қазақстан жаңалықтары USD 341.18 BAQ.kz - Қазақстан жаңалықтары EUR 392.97 BAQ.kz - Қазақстан жаңалықтары RUB 5.34
استانا:

بوزىمبايەۆ: «سارىارقا» ماگيسترالدىك گاز قۇبىرىنىڭ قۇرىلىسى 2021 جىلعا دەيىن اياقتالادى 

«سارىارقا» ماگيسترالدىك گاز قۇبىرى اياسىنداعى قۇرىلىس جۇمىستارى 2019-2021 جىلدارعا دەيىن اياقتالادى. بۇل جونىندە بۇگىنگى ۇكىمەت وتىرىسى كەزىندە قر ەنەرگەتيكا ٴمينيسترى قانات بوزىمبايەۆ مالىمدەدى، دەپ حابارلايدى baq.kz ٴتىلشىسى.

«مەملەكەت باسشىسى قازاقستان حالقىنا ارنالعان ۇندەۋدە 1-1،5 جىل ىشىندە قىزىلوردا-جەزقازعان-قاراعاندى-تەمىرتاۋ-استانا باعىتى بويىنشا سارىارقا ماگيسترالدى گاز قۇبىرىن سالۋدى جۇزەگە اسىرۋدى تاپسىردى. مەملەكەت باسشىسىنىڭ تاپسىرماسىن ورىنداۋ بارىسىندا 7 ناۋرىزدا ەنەرگەتيكا مينيسترلىگىنە مۇددەلى مەملەكەتتىك ورگاندار قىزىلوردا، قاراعاندى، اقمولا وبلىستارى مەن استانا قالاسى اكىمدىكتەرى جانە «سامۇرىق قازىنا» وكىلدەرىنىڭ قاتىسۋىمەن سەلەكتورلىق جيىن ٴوتتى. سونىمەن، جاۋاپتى مەملەكەتتىك ورگاندار مەن كومپانيالاردى ٴبىز مىنانداي باعىتتار بويىنشا انىقتاۋعا كەلىستىك. ٴبىرىنشى، قىزىلوردا-جەزقازعان-قاراعاندى-تەمىرتاۋ-استانا باعىتى بويىنشا ماگيسترالدىك گاز قۇبىرىنىڭ جوبالىق-سمەتالىق قۇجاتتاماسىن ازىرلەۋدى، بەكىتۋدى جانە جەر بولىگىن قامتاماسىز ەتۋ. جاۋاپتى ورىنداۋشىلار – ەنەرگەتيكا مينيسترلىگى، ينۆەستيسيالار جانە دامۋ مينيسترلىگى، قىزىلوردا، قاراعاندى، اقمولا وبلىستارى مەن استانا قالاسى اكىمدىكتەرى جانە «قازترانسگاز» اق. مەرزىمى – 2018 جىلدىڭ شىلدەسى»، - دەدى مينيستر.

سونداي-اق، حالىقارالىق قارجى ينستيتۋتتارىنان قارجى تارتۋ، قارجىلاندىرۋ سحەماسىن انىقتاۋ، جوبانى جۇزەگە اسىرۋ ٴۇشىن جوبالىق ۇيىم قۇرۋ سەكىلدى ماسەلەلەر بويىنشا جاۋاپتى ورگانداردى دا اتاپ ٴوتتى.

«ماگيسترالدىك گاز قۇبىرىنىڭ قۇرىلىسىنا كىرىسۋ جانە گاز قۇبىرىن العاشقى رەت دانەكەرلەۋدىڭ سالتاناتتى ٴراسىمى اعىمداعى جىلدىڭ شىلدە ايىنىڭ باسىنا جوسپارلانۋدا. سونداي-اق، ماگيسترالدىك گاز قۇبىرىن تولتىرۋ جانە تۇتىنۋشىلارعا گاز جەتكىزۋدى قامتاماسىز ەتۋ ماقساتىندا قاراعاندى، اقمولا وبلىستارى جانە استانا قالاسى اكىمدىكتەرىنە گاز تاراتۋ جەلىلەرىن جوبالاۋدى جانە قۇرىلىسىن ماگيسترالدىك گاز قۇبىرىن اياقتالۋ ۋاقىتىمەن سينحرونداۋدى تەزدەتۋ قاجەت. وسى جەرگىلىكتى گاز تاراتۋ جەلىلەرى كەزەڭ-كەزەڭىمەن سالىناتىن بولادى. بارلىق جۇمىس 2019-2021 جىلدارعا دەيىن اياقتالۋى ٴتيىس»، - دەدى ق.بوزىمبايەۆ.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي