BAQ.kz - Қазақстан жаңалықтары USD 341.18 BAQ.kz - Қазақстан жаңалықтары EUR 392.97 BAQ.kz - Қазақстан жаңалықтары RUB 5.34
استانا:

بيىل باتىس قازاقستان وبلىسىندا 21 كوپ قاباتتى ٴۇي سالىنادى

فوتو: Atameken Business Channel

2018 جىلى باتىس قازاقستان وبلىسىندا 21 كوپ قاباتتى ٴۇي سالىنادى. بۇل تۋرالى باتىس قازاقستان وبلىسىنىڭ اكىمى التاي كولگىنوۆتىڭ قاتىسۋىمەن ورتالىق كوممۋنيكاسيالار قىزمەتىندە وتكەن ٴباسپاسوز كونفەرەنسياسىندا ايتىلدى، دەپ حابارلايدى baq.kz اقپارات اگەنتتىگى.

«ەلباسىنىڭ 5 الەۋمەتتىك باستاماسى ٴوڭىرىمىزدىڭ ەكونوميكالىق جانە الەۋمەتتىك دامۋىنا تىڭ سەرپىن بەرەتىنى ٴسوزسىز. ٴبىرىنشى باستاما ول – قولجەتىمدى باسپانا. ٴبىزدىڭ وڭىردە ٴقازىر 22 مىڭ ادام قولجەتىمدى باسپاناعا كەزەكتە تۇر. سونىمەن قوسا، 56 مىڭ ادام «تۇرعىن ٴۇي قۇرىلىس جيناق بانكىندە» وزدەرىنىڭ ەسەپشوتتارىن اشقان. ٴبىز بيىل 21 كوپ قاباتتى ٴۇي سالامىز. قولجەتىمدى باسپانا اۋداندارىمىزدا، اسىرەسە، ورال قالاسىندا قارقىندى داميتىن بولادى»، - دەپ مالىمدەدى التاي كولگىنوۆ.

سونىمەن قاتار، وبلىس اكىمى 5 الەۋمەتتىك باستاماعا سايكەس، جوعارعى وقۋ ورىندارى مەن كوللەدجدەردىڭ ستۋدەنتتەرىن جاتاقحانامەن قامتاماسىز ەتۋ ماسەلەسى جونىندە دە ايتىپ ٴوتتى.

«قازىرگى تاڭدا 30 مىڭنان استام ستۋدەنت بار، ونىڭ 2 مىڭنان استامى جاتاقحاناعا مۇقتاج. ونىڭ ىشىندە ٴ500-ى جوو، قالعانى كوللەدجدەرگە. سوندىقتان، بيىلدان باستاپ جۇمىستاردى باستاپ كەتتىك. ٴقازىر جەر تەلىمدەرى بەلگىلەنۋدە. الداعى ۋاقىتتا 4 جاتاقحانا سالۋدى جوسپارلاپ وتىرمىز. سونىڭ 2-ەۋىن بيىل باستايمىز. مۇنىڭ ٴبارى ٴبىلىمنىڭ سالتانات قۇرۋىنا ۇلكەن جول اشادى»، - دەيدى ول.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي