BAQ.kz - Қазақстан жаңалықтары USD 369.36 BAQ.kz - Қазақстан жаңалықтары EUR 431.3 BAQ.kz - Қазақстан жаңалықтары RUB 5.45
استانا:

اتىراۋ وبلىسىندا جىل سوڭىنا دەيىن 2000 پاتەر بەرىلەدى

اتىراۋ وبلىسىنىڭ اكىمدىگى «تۇرعىن ٴۇي قۇرىلىس جيناق بانكىمەن» مەموراندۋمعا قول قويدى، دەپ حابارلايدى ۆaq.kz اقپارات اگەنتتىگى.

بۇل باستاما وبلىستىڭ 2000 تۇرعىنىنا ٴوز ۇيلەرىن ارزان باعامەن ساتىپ الۋعا مۇمكىندىك بەرەدى. تۇرعىن ٴۇيدىڭ جالپى اۋدانى 172،6 مىڭ شارشى مەتردى قۇرايدى، دەپ حابارلايدى اتىراۋ وبلىسىنىڭ وڭىرلىك كوممۋنيكاسيالار قىزمەتى.

اتىراۋ وبلىسىنىڭ اكىمى نۇرلان نوعايەۆ، «تۇرعىن ٴۇي قۇرىلىس جيناق بانكى» اق باسقارما ٴتوراعاسى ٴلاززات يبراگيموۆا جانە «اتىراۋ» اكك باسشىسى مارات تۇسىپقاليەۆ ىنتىماقتاستىق تۋرالى مەموراندۋمعا قول قويدى.

بۇل كەلىسىمشارت بويىنشا 2019 جىلى تاپسىرىلاتىن 297 پاتەرگە ارنالعان 4 نىساننىڭ قۇرىلىسى سالىناتىن بولادى. بۇدان باسقا اتىراۋ وبلىسىنىڭ تۇرعىندارىن تۇرعىن ۇيمەن قامتاماسىز ەتۋ ٴۇشىن ٴبىرقاتار مەموراندۋمدارعا قول قويىلدى.

اتىراۋ وبلىسىنىڭ اكىمى نۇرلان نوعايەۆ سالەم جولداي وتىرىپ،وبلىس تۇرعىندارىن تۇرعىن ۇيمەن قامتاماسىز ەتۋ بويىنشا جۇرگىزىلىپ جاتقان جۇمىستار تۋرالى اڭگىمەلەپ بەردى.

- قازىرگى تاڭدا وبلىستا 3 مىڭ پاتەرلى 44 كوپقاباتتى ٴۇي سالىنادى. جىلدىڭ سوڭىنا دەيىن 2000 پاتەرگە ارنالعان 34 كوپ قاباتتى ٴۇي پايدالانۋعا بەرىلەدى. ايتا كەتۋ كەرەك، «7-20-25» مەملەكەتتىك باعدارلاماسىنا قىزىعۋشىلىق تانىتىپ، جىل باسىنان بەرى 59 ٴوتىنىم قابىلداندى، ونىڭ ٴ34-ى بەكىتىلدى،- دەدى وبلىس اكىمى.

بۇدان باسقا، جاسالعان مەموراندۋمدار اياسىندا «نۇرسايا» ىقشام اۋدانىندا 100 پاتەرلىك تۇرعىن ۇيلەر قۇرىلىسى تۇرعىزىلادى. سونداي-اق، «نۇرلى جەر» باعدارلاماسى بويىنشا «نۇرسايا» جانە «بەرەكە» اۋداندارىندا 21 تۇرعىن ٴۇي سالىناتىن بولادى.

«نۇرلى جەر» باعدارلاماسىنىڭ تاعى بىرەۋى تالعايران تۇرعىن اۋدانىندا 80 جەكە مەنشىك ٴۇي سالىنادى. ولاردىڭ اۋدانى 64 - 191 شارشى مەتر، ۇيلەرى ٴبىر جانە ەكى قاباتتى.

1 شارشى مەتردىڭ تۇرعىن ٴۇي باعاسى - 120 000 تەڭگە.

سونىمەن بىرگە الەۋەتتى ساتىپ الۋشىلار جەر ۋچاسكەسىن الۋ ٴۇشىن جەرگىلىكتى اكىمدىكتە بولۋعا ٴتيىس.

«نۇرلى جەر» باعدارلاماسىنىڭ قاتىسۋشىسى بولۋ ٴۇشىن جانە تۇرعىن ٴۇيدى ساتىپ الۋ ٴۇشىن دسسب ەسەبىندە 20% باستاپقى جارنا جەتكىلىكتى. ەگەر 1 بولمەلى پاتەردىڭ قۇنىن 7 ميلليون تەڭگە دەپ الاتىن بولساڭىز، وندا دەپوزيتكە 1،4 ميلليون تەڭگە جيناۋ كەرەك. سودان كەيىن بانك جەڭىلدەتىلگەن نەسيەنى جىلدىق 5% مولشەرىندە بەرەدى ، -دەپ مالىمدەدى تۇرعىن ٴۇي قۇرىلىس جيناق بانكىنىڭ ٴتوراعاسى ٴلاززات يبراگيموۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي