BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

الماتىدا «7-20-25» اياسىندا 900 جۋىق پاتەر نەسيەسى ماقۇلداندى 

استانا، baq.kz ٴتىلشىسى. بۇل جونىندە ورتالىق كوممۋنيكاسيالار قىزمەتىندە وتكەن بريفينگ بارىسىندا الماتى قلاسىنىڭ اكىمى باۋىرجان بايبەك مالىمدەدى.

«الماتى قالاسى اسا ٴىرى قارجى-ەكونوميكالىق، ىسكەرلىك، سونىمەن قاتار، مادەنيەت پەن ونەردىڭ، سپورت پەن رۋحانياتتىڭ ورتالىعى رەتىندە ۇنەمى ەلباسى نازارىندا. بيىلعى جىلى مەملەكەت باسشىسى الماتىعا ارنايى ات باسىن ٴبۇرىپ، شاھارىمىزداعى جاڭا كاسىپورىندارمەن، جۇيەلى تۇردە قايتا جاڭعىرتىلىپ جاتقان قالا ورتالىعىمەن، الماتى باس جوسپار ينستيتۋتىنىڭ جۇمىسىمەن تانىسىپ، وڭ باعاسىن بەردى. ەلباسىنىڭ ۇدايى قولداۋى ارقاسىندا الماتىدا تۇراقتى الەۋمەتتىك-ەكونوميكالىق ٴوسم قامتاماسىز ەتىلگەن. اعىمداعى جىلدىڭ 9 ايىندا ەكونوميكالىق ٴوسۋ 3،5% ارتتى. ونەركاسىپتىك ٴونىم كولەمى 3،8%، قۇرىلىس 5،8%، تۇرعىن ٴۇيدى پايدالانۋعا بەرۋ 15،5%، ينۆەستيسيالار 18،5%، ونىڭ ىشىندە شەتەلدىك ينۆەستيسيا 21،6% ارتتى»، - دەدى بايبەك.

ول قالا ەكونوميكاسىنداعى شاعىن جانە ورتا بيزنەستىڭ ۇلەسى 40% دەيىن ٴوستى. وتكەن جىلمەن سالىستىرعاندا بيۋدجەتكە 17،7% ارتىق سالىق تۇسكەن.

قالا باسشىسى اتاپ وتكەندەي، ەلباسىنىڭ «نۇرلى جول»، «نۇرلى جەر»، «بەس الەۋمەتتىك باستاما» مەملەكەتتىك باعدارلامالارى اياسىندا تۇرعىن ٴۇي قۇرىلىسى جۇمىستارى وڭتۇستىك استانادا ۇلكەن قارقىنمەن جۇرگىزىلىپ جاتىر.

«نۇرلى جەر» باعدارلاماسى اياسىندا بيىلعى جىلى 4800 وتباسى جاڭا پاتەر الادى. بۇل وتكەن جىلمەن سالىستىرعاندا 20% ارتى. «نۇرلى جول» باعدارلاماسى اياسىندا 4200 جۇمىس ورنى قۇرىلىپ، 28 الەۋمەتتىك تۇرعىن ٴۇي جانە 2 مەكتەپكە قوسالقى عيمارات سالىندى. «7-20-25» باعدارلاماسى بويىنشا رەسپۋبليكا كولەمىندە كەلىپ تۇسكەن وتىنىشتەردىڭ 30% استامى الماتى قالاسىنا تيەسىلى. سونىڭ جارتىسى، ياعني جالپى سوماسى 10،9 ملرد تەڭگە بولاتىن 843 پاتەر نەسيەسى ماقۇلداندى. بۇدان باسقا، اعىمداعى جىلدىڭ سوڭىنا دەيىن باعدارلاما تالاپتارىنا سايكەس كەلەتىن 600 استام پاتەر پايدالانۋعا بەرىلمەك»، - دەدى باۋىرجان بايبەك.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي