BAQ.kz - Қазақстан жаңалықтары USD 370.11 BAQ.kz - Қазақстан жаңалықтары EUR 419.37 BAQ.kz - Қазақстан жаңалықтары RUB 5.58
استانا:

الماتى وبلىسى "7-20-25" بويىنشا باستاپقى جارنانى ازايتۋ ٴۇشىن 2 ملرد تەڭگە ٴبولدى

نۇرسۇلتان نازاربايەۆتىڭ جىل سايىنعى قازاقستان حالقىنا جولداۋى اياسىندا بەرىلگەن تاپسىرمالارىن ورىنداۋ ماقساتىندا الماتى وبلىسى ٴوز تۇرعىندارىنا «7-20-25» تۇرعىن ٴۇي سەرتيفيكاتتارىن بەرۋدى باستايدى. بۇگىن الماتى وبلىسىنىڭ اكىمى اماندىق باتالوۆ پەن «باسپانا» يپوتەكالىق ۇيىمىنىڭ باسشىسى قايرات التىنبەكوۆ ٴتيىستى مەموراندۋمعا قول قويدى، دەپ حابارلايدى baq.kz اقپارات اگەنتتىگى.

وسىلايشا، ايماق تۇرعىندارى ماماندار 2 ملرد تەڭگە كولەمىندە الەۋمەتتىك كومەك الادى.

"الماتى وبلىسىنىڭ اكىمدىگىنە باستاپقى جارنانى ازايتۋ بويىنشا الەۋمەتتىك باستامالارعا دەر كەزىندە قولداۋ كورسەتكەنى ٴۇشىن العىس ايتقىم كەلەدى. ەلىمىزدىڭ قالالارى مەن وبلىستارىندا تۇرعىندارعا «7-20-25» باعدارلاماسىنا قاتىسۋ ٴۇشىن تۇرعىن ٴۇي سەرتيفيكاتتارىن بەرۋ باستالىپ كەتتى. مەملەكەت باسشىسىنىڭ تاپسىرماسىن ۋاقتىلى ورىنداۋ يپوتەكالىق باعدارلاماعا ۇلكەن سەرپىن بەرەتىن بولادى»، - دەدى «باسپانا» يپوتەكالىق ۇيىمىنىڭ باسقارما ٴتوراعاسى قايرات التىنبەكوۆ.

سونداي-اق الماتى وبلىسىنىڭ اكىمى اماندىق باتالوۆ وڭىردە «7-20-25» باعدارلاماسى ٴۇشىن 500 مىڭ شارشى مەتر تۇرعىن ٴۇي سالىناتىندىعىن حابارلادى.

ەستەرىڭىزدە بولسا، باستاپقى تۇرعىن ٴۇي بويىنشا ۇسىنىستاردى كوبەيتۋ ماقساتىندا «باسپانا» يپوتەكالىق ۇيىمى جەرگىلىكتى اتقارۋ ورگاندارىنا 150 ملرد تەڭگە بولگەن بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي