BAQ.kz - Қазақстан жаңалықтары USD 369.01 BAQ.kz - Қазақстан жаңалықтары EUR 416.39 BAQ.kz - Қазақстан жаңалықтары RUB 5.53
استانا:

اقتوبەدە «7-20-25» باعدارلاماسى اياسىندا العاشقى جارنا ەكى ەسەگە ازايماق

اقتوبە وبلىسى «7-20-25» باعدارلاماسىنىڭ اياسىندا «جاس ارمان» جانە «قامقور باسپانا» ونىمدەرىنە قوسىلدى. بۇگىن اقتوبە وبلىسىنىڭ اكىمى بەردىبەك ساپاربايەۆ پەن «باسپانا» يپوتەكالىق ۇيىمىنىڭ باسشىسى قايرات التىنبەكوۆ ٴتيىستى مەموراندۋمعا قول قويدى، دەپ حابارلايدى baq.kz اقپارات اگەنتتىگى «باسپانا» يپوتەكالىق ۇيىمىنىڭ ٴباسپاسوز قىزمەتىنە سىلتەمە جاساپ.

وسىلايشا، جاس وتباسىلار مەن اقتوبە وبلىسىنىڭ بيۋدجەتتىك سالا قىزمەتكەرلەرى «7-20-25» باعدارلاماسى بويىنشا پاتەر قۇنىنىڭ 10 پايىزىن عانا تولەپ، ٴۇي الۋ مۇمكىندىگىنە يە بولادى.

مەموراندۋمعا سايكەس، اقتوبە وبلىسىنىڭ اكىمدىگى اتالعان ازاماتتارعا باستاپقى جارنانىڭ جارتىسىن تولەۋدى ٴوز موينىنا الادى جانە وسى ماقساتقا 2 ملرد تەڭگە بولەدى.

«اقتوبە وبلىسىنىڭ اكىمى مەن «نۇر وتان» پارتياسىنا باستاپقى جارنانى ازايتۋ بويىنشا الەۋمەتتىك باستامالاردى قولداعانى ٴۇشىن العىسىمدى بىلدىرگىم كەلەدى. وبلىس قارقىندى دامىپ كەلەدى جانە «7-20-25» باعدارلاماسىنا قاتىسۋشىلاردىڭ سانى بويىنشا كوشباسشىلاردىڭ ٴبىرى. قازىرگى ۋاقىتتا ٴبىز «نۇر وتان» پارتياسىمەن بىرلەسە وتىرىپ، ەلىمىزدىڭ باسقا وڭىرلەرىندە دە وسى باستامالاردى جۇزەگە اسىرۋ بويىنشا جۇمىستار جۇرگىزىپ جاتىرمىز»، - دەدى «باسپانا» يپوتەكالىق ۇيىمىنىڭ باسشىسى قايرات التىنبەكوۆ.

ەستەرىڭىزگە سالا كەتەيىك، اقتوبە «7-20-25» باعدارلاماسى بويىنشا باستاپقى جارناسى ازايعان ەكىنشى ايماق بولىپ وتىر. بۇعان دەيىن شىمكەنت قالاسىندا «جاس ارمان» جانە «قامقور باسپانا» ونىمدەرى پيلوت رەتىندە ىسكە قوسىلعان ەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي